完整藏文原文 · 德格版页 当前仅加载第 96 函德格 83a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་ཡང་དག་ཤེས་དེ་ནས་ལྷ་མ་ཡིན་གྱི་ས་གཉིས་པ་ལ་གནས་པ་མགུལ་ཕྲེང་གིས་སྒྲ་གཅན་ལ་སྨྲས་པ། སྒྲ་གཅན་ཁྱོད་གཡུལ་ལས་བརྟན་པ་ཐོབ་བམ། བདེ་བར་ལོག་གམ་ཞེས་དྲིས་པ་དང་། སྒྲ་གཅན་གྱིས་སྨྲས་པ། ཁོ་བོའི་ནི་ངལ་བསོ་
D767.096.0083a01.01པོ་རྒྱལ་པོའི་གཟི་བརྗིད་ཀྱིས་བསྲེགས་སོ། །རྣམ་པར་ཚིག་སྟེ་བཟོད་པ་དཀའོ་ཞེས་སྨྲས་སོ། །དེའི་ཚེ་མགུལ་ཕྲེང་ཁྲོ་བས་ནོན་ནས་སྒྲ་གཅན་ལ་སྨྲས་པ། ཀྱེ་སྒྲ་གཅན་ཁོ་བོ་ནི་སྟོབས་དང་དམག་གི་དཔུང་ཁྱོད་བས་བཞི་འགྱུར་གྱིས་མང་བས། འུ་བུ་ཅག་འགྲོགས་ཏེ་རྒྱལ་
D767.096.0083a02.01ཆེན་བཞིའི་གྲོང་དང་སྐྱེད་མོས་ཚལ་ཀུན་དགའ་ར་བ་རྣམས་གཞོམ་པར་བྱའོ་ཞེས་ནས་དཔུང་གི་ཚོགས་དཔག་ཏུ་མེད་པ་དང་། སྒྲ་གཅན་དང་བཅས་ཏེ་འོངས་པར་གྱུར་ཏོ། །དེའི་ཚེ་ན་རྒྱལ་པོ་རྣམ་ཐོས་ཀྱི་བུ་སེང་གེ་ལ་ཞོན་པར་གྱུར་ཅིང་གསེར་གྱི་ཡ་ལད་བགོས་ཏེ་གནས་པ་
D767.096.0083a03.01ལས་རྒྱལ་པོ་གསུམ་དང་ལྕང་ལོ་ཅན་རྣམས་ཕྲོགས་ལ་ཐུག་པའི་ཚེ། རྣམ་ཐོས་ཉིད་ཀྱི་ཡུལ་དང་ཀུན་དགའ་རབ་ལ་སོགས་པའི་གནས་རྣམས་བསྲུངས་ཏེ། ལྷ་མ་ཡིན་རྣམས་ཕམ་པར་བྱས་སོ། དེའི་ཚེ་ལྷ་མ་ཡིན་གྱི་དབང་པོ་མགུལ་ཕྲེང་གིས། གོས་རིན་པོ་ཆེ་སྣ་ཚོགས་
D767.096.0083a04.01ཀྱིས་གཏོར་ནས་བསྟོད་པ། དཔའ་བོ་འཇིགས་མེད་ཉོན་མོངས་གཡུལ་ལས་རྒྱལ། །ལྷ་རྣམས་གནས་ས་སྲུང་ཟིལ་གནོན་སེང་གེའི་གདན། །ཕོངས་པ་སྒྲོལ་མཛད་ཡ་ལད་རྣམ་ལྔས་བརྒྱན། །མགོན་པོ་གནས་སྲུང་ཁྱོད་ལ་ཕྱག་འཚལ་ལོ། །ཞེས་བསྟོད་ནས་རང་གི་གནས་
D767.096.0083a05.01སུ་ཞུགས་པར་གྱུར་ཏོ། །དེ་ནས་ལྷ་མ་ཡིན་ས་གཞི་གསུམ་ལ་གནས་པའི་རབ་དགོད་ཅེས་བྱ་བས་མགུལ་ཕྲེང་ལ་སྨྲས་པ། ལྷ་མ་ཡིན་གྱི་དབང་པོ་གཡུལ་ལས་རྒྱལ་ལམ། བརྟན་པ་ཐོབ་བམ་ཞེས་དྲིས་པ་དང་། མགུལ་ཕྲེང་གིས་སྨྲས་པ། ལྷ་མ་ཡིན་གྱི་བདག་པོ་
D767.096.0083a06.01ཁོ་བོ་ཅག་སྒྲ་གཅན་དང་བཅས་པ་མགོན་པོ་གནས་སྲུང་བོས་ཤིན་ཏུ་ཡང་ཕམ་པར་བྱས་ཏེ། ཆུ་ཤིང་གི་ཚལ་བཞིན་དུ་འདར་བར་བྱས་སོ། །མེ་ཏོག་ལ་བ་མོ་ཕོག་པ་ལྟར་བརྙིངས་པར་བྱས་སོ། །ཞེས་སྨྲས་པ་དང་། རབ་དགོད་ཀྱིས་སྨྲས་པ། ཁོ་བོས་ལྷའི་
D767.096.0083a07.01