完整藏文原文 · 德格版页 当前仅加载第 96 函德格 85b 版页；藏文 NFD、目录标记与异常页序保留在来源切片中，重复版页行以稳定序号区分。
ཡི་བུ་མོ་རྣམས། །བུད་མེད་གཟུགས་ཀྱིས་རིག་འཛིན་མཆོད། །འབུམ་ཕྲག་ལྔ་ཡི་ནོར་དང་ལྡན། །ས་འོག་གནས་པའི་ཀླུ་རྣམས་ཀྱིས། །ནོར་དང་འབྲུ་ཡི་ཆར་པ་འབེབས།།འབུམ་ཕྲག་དྲུག་གིས་འཁོར་{བཟངས་,བཟང་}རྙེད། །ཆོས་ལ་གནས་པའི་གནོད་སྦྱིན་རྣམས། །མི་
D767.096.0085b01.01ཡི་བྱིས་པའི་གཟུགས་སུ་སྟོན། །འབུམ་ཕྲག་བདུན་གྱིས་རིག་རྒྱུད་འཕེལ། །ཆོས་དང་ལྡན་པའི་ལྷ་རྣམས་ནི། །སེམས་ཅན་དོན་དུ་སྐྱེ་བར་བྱེད། །འབུམ་ཕྲག་བརྒྱད་ཀྱིས་ཚེ་འཕེལ་ཞིང་། །སྟོབས་ཆེན་སུམ་ཅུ་རྩ་གཉིས་དང་། །སྡེ་དཔོན་ཆེན་པོ་ཉི་ཤུ་བརྒྱད། །
D767.096.0085b02.01དེ་ཡི་རྗེས་འབྲང་བར་ཆད་སེལ། །དགུས་ནི་བཅུད་ལེན་སྨན་རྣམས་རྙེད། །གནོད་སྦྱིན་རིག་འཛིན་ཆེན་པོ་རྣམས། །དེ་ཡི་སྟོབས་དང་ཚེ་འཕེལ་ཕྱིར། །སྨན་པའི་གཟུགས་སུ་ཡང་དག་གནས། །བཅུས་ནི་མངོན་པར་ཤེས་པ་འཐོབ། །ཡོན་ཏན་ཀུན་གྱིས་རབ་ཏུ་གང་། །
D767.096.0085b03.01གནོད་སྦྱིན་གར་མཁན་མཆོག་གི་བརྟག་པ་ཕྱི་མ་ལས་གདུལ་བྱའི་ཕྱག་ན་རྡོ་རྗེའི་གསང་སྔགས་ཀྱི་ཕན་ཡོན་བསྟན་པའི་ལེའུ་སྟེ་བཅུ་གསུམ་པའོ།། །།སྡེ་དཔོན་ཆེན་པོ་ཡང་དག་ཤེས། །རིག་པའི་ཆོ་ག་ཟབ་མོ་འདི། །བསྒྲིམ་མི་དགོས་པ་ལས་ཐམས་ཅད་
D767.096.0085b04.01བྱེད་པ་སྟེ། སོ་ཤིང་ལ་བསྔགས་ཤིང་གང་ལ་བྱིན་པ་དེ་དབང་དུ་འགྱུར་རོ། །རྩ་དཱུར་བའི་ཡམ་ཤིང་ལ་འབྲས་ཐུག་པོ་ཆེ་དང་། གི་ཝང་བརྟ་དང་བསྲེགས་ན་ནོར་འཕེལ་བར་བྱེད་དོ། །ཡི་གེ་བརྒྱད་པའི་རིག་སྔགས་འདི་ཉིད་གསེར་གྱི་བྱང་བུ་ལ་མངོན་པར་བྲིས་ཏེ། ཟངས་
D767.096.0085b05.01དང་གའུ་ལ་སྦྱོར་བ་བྱས་ལ། སྦྲང་རྩིའི་ནང་དུ་འཁོར་ལོ་བཅུག་སྟེ། བརྡ་རྒྱུད་ཕྱག་རྒྱ་བཅས་པའི་སྙིམ་པར་བཅུག་སྟེ་འབུམ་ཕྲག་བཅུ་བཟླས་ན་གོང་དུ་བསྟན་པའི་ཡོན་ཏན་རྣམས་འབྱུང་སྟེ་ཐེ་ཚོམ་མི་བྱའོ། །འཁོར་ལོ་དེའི་སྒྲུབ་པ་ནི་གཞན་ཡང་བང་མཛོད་དུ་ཁང་པ་གྲྭ་
D767.096.0085b06.01བཞི་ཤིན་ཏུ་མཛེས་པ་ཚོན་རྩིས་ཁ་དོག་བསྒྱུར་བ། ཙནྡན་དམར་པོའི་དྲིས་ཁྱབ་པར་བྱུགས་ལ། རྒྱར་ཁྲུ་དོ་པ། དཔངས་སུ་ཁྲུ་གསུམ་པ་བྱས་ཏེ། དེའི་དབུས་སུ་བུམ་པ་ལྔ་འབྲུ་ལྔས་བཀང་བའི་སྟེང་དུ་བཞག་ལ། ཟླ་བ་འོང་ངོ་ཅོག་གི་ཚེས་བཅུའི་ཉིན་པར་མཆོད་
D767.096.0085b07.01