完整藏文原文 · 德格版页 当前仅加载第 96 函德格 86b 版页；藏文 NFD、目录标记与异常页序保留在来源切片中，重复版页行以稳定序号区分。
བསམ་པར་བྱའོ། །དེ་དག་ཀྱང་ལང་ཚོ་དར་ལ་བབ་ཅིང་། སྒེག་པའི་ཉམས་དང་ལྡན་པ་གསེར་གྱི་མདོག་ཅན་བུམ་པ་དང་འབྲས་ཀྱི་སྙེ་མ་འཛིན་པ། རང་གི་མཛའ་བོའི་གྲོགས་ཀྱི་འཁོར་གྱིས་བསྐོར་བ་བསམ་པར་བྱའོ། །དེ་རྣམས་ཀྱི་སྙིང་པོ་མངོན་པར་སྒྲུབ་པ་ན། །ཏཏྱ་ཐཱ།
D767.096.0086b01.01ཛི་ནི་གྲྀ་ཎི། སརྦ་ཨ་ཀཪྻ་སིད་དྷ་ནི། སི་སི་མི། སི་ལི་སི་ནི་མི་ནི་མི། ཨ་ལཀྵ་ཡཱ་མེ། ནཱ་ཤ་ཡེ་སྭཱ་ཧཱ། ཨོཾ་བཱ་སུ་དྷ་རི་ཎྱཻ་སྭཱ་ཧཱ། ཨོཾ་ཙནྡྲ་ཀཱ་ནྟྱཻ་སྭཱ་ཧཱ། ཨོཾ་དཱ་དཱ་ཡཻ་སྭཱ་ཧཱ། ཨོཾ་ཨཱ་ཪྻཱ་ཡཻ་སྭཱ་ཧཱ། ཨོཾ་སུ་བྷ་དྲཱ་ཡཻ་སྭཱ་ཧཱ། ཨོཾ་གུ་བྷཱ་ཡཻ་སྭཱ་ཧཱ། ཨོཾ་དེ་བྱཻ་སྭཱ་ཧཱ། ཨོཾ་ས་ར་སྭ་ཏྱཻ་སྭཱ་ཧཱ།
D767.096.0086b02.01གནོད་སྦྱིན་དེ་རྣམས་ཀྱི་བྱང་ཆུབ་ཀྱི་སྤྱོད་པ་རླབས་པོ་ཆེ་མངོན་པར་སྒྲུབ་པ་སྟེ། སྔོན་དུ་བསྙེན་པ་འབུམ་ཕྲག་གཅིག་བྱས་ཏེ། དཔལ་ལྷ་མོའི་མདུན་དུ་འབྲས་བུ་ཅན་གྱི་ཤིང་ལ་ལས་སྣ་ཚོགས་པའི་ཐབ་ཏུ་ཧིལ་དཀར་པོའི་སྦྱིན་སྲེག་བྱས་ལ། དེའི་ཐལ་བ་
D767.096.0086b03.01འབྲུའི་བང་བར་གཏོར་ན་འབྲུའི་ཕུང་པོ་ཆེན་པོ་འཕེལ་བར་བྱེད་དོ། །ཙནྡན་དཀར་པོས་དཔལ་ལྷ་མོའི་གཟུགས་ཚོན་གང་བ་བྱས་ཏེ། རིན་པོ་ཆེ་ལྔ་དང་། འབྲུའི་རྣམ་པ་དང་། དར་སེར་པོས་དྲིལ་ལ་སྙིམ་པར་བཅུག་སྟེ། འབུམ་ཕྲག་བཟླས་ནས་མཛོད་ཁང་དུ་འབྲུའི་ཕུང་
D767.096.0086b04.01པོའི་སྟེང་དུ་བཞག་ནས་དུས་ཁྱད་པར་ཅན་ལ་སྦྲང་རྩི་དང་། བུ་ར་མ་དང་། འོ་མའི་མཆོད་ཡོན་ཕུལ་ལ། གསོལ་བ་བཏབ་ན་འབྲུའི་ཕུང་པོ་ཆེན་པོ་འཕེལ་ལོ། །གནོད་སྦྱིན་གར་མཁན་མཆོག་གི་བརྟག་པ་ཕྱི་མ་ལས་དཔལ་ལྷ་མོས་འབྲུའི་ཕུང་པོ་སྤེལ་བའི་
D767.096.0086b05.01ལེའུ་སྟེ་{བཅྭ་,བཅོ་}ལྔ་པའོ།། །།དེ་ནས་གཞན་ཡང་གནོད་སྦྱིན་ཆེན་པོའི་སྒྲུབ་པ་བཤད་པར་བྱ་སྟེ། དེ་ཡང་གང་ཞེ་ན། རླུང་དང་། མེ་དང་། སའི་ཁྱོན་དང་། རི་རབ་རྣམས་ཡོངས་སུ་གྱུར་པ་ལས་ལྷའི་ཕོ་བྲང་དུ་གྱུར་པ་ནི། ལྕང་ལོ་ཅན་གྱི་བཀོད་པ་ལས།
D767.096.0086b06.01རིམ་པའི་འཕར་མ་བཞི་དང་ལྡན་པ་སྟེ། དབུས་སུ་ཧཱུྃ་ཡོངས་སུ་གྱུར་པ་ལས་རྡོ་རྗེ་དང་དེ་དང་བཅས་པའི་ཧཱུྃ་ཡོངས་སུ་གྱུར་པ་ལས། ཁྲོ་བོའི་རྒྱལ་པོ་གོས་སྔོན་པོ་ཅན་བསམ་པར་བྱ་བ་ནི། ཞལ་བརྒྱད་དང་། ཞབས་བརྒྱད་དང་། ཕྱག་བཅུ་དྲུག་དང་ལྡན་པ་སྟེ།
D767.096.0086b07.01