完整藏文原文 · 德格版页 当前仅加载第 96 函德格 83b 版页；藏文 NFD、目录标记与异常页序保留在来源切片中，重复版页行以稳定序号区分。
དབང་པོའི་གྲོང་ཁྱེར་བལྟ་ན་སྡུག་དབྲོག་པར་བྱའོ། །རྒྱལ་ཆེན་རིས་བཞི་པ་རྣམས་འབངས་སུ་བྱའོ་ཞེས་སྨྲས་ནས། རང་གི་ཡུལ་ནས་དཔུང་གི་ཚོགས་ཆེན་པོ་སྒྲ་གཅན་དང་མགུལ་ཕྲེང་དང་བཅས་པ་སྔ་མ་བས་བརྒྱ་འགྱུར་གྱིས་ལྷག་པ་རི་རབ་ཀྱི་སྟེང་དུ་ཕྱིན་ཏོ། །དེའི་ཚེ་ལྷའི་
D767.096.0083b01.01དབང་པོ་ནི་ཆོས་བཟང་ན་ལྷའི་བུ་རྣམས་ལ་ཆོས་སྟོན་ཏོ། །དེའི་ཚེ་ལྷ་མ་ཡིན་གྱི་བདག་པོ་གསུམ་གྱི་དམག་དང་བཅས་པས། བལྟ་ན་སྡུག་གི་གྲོང་བར་དང་། སྐྱེད་མོས་ཚལ་རྣམས་ཕྲོགས་ལ་ཐུག་གོ། །དེའི་ཚེ་ཉེ་དབང་སུམ་ཅུ་རྩ་གཉིས་ཀྱིས་བརྒྱ་བྱིན་ལ་གསོལ་བ། ལྷའི་
D767.096.0083b02.01དབང་པོ་མཁྱེན་པར་མཛད་དུ་གསོལ། ལྷ་མ་ཡིན་རྣམས་ཀྱིས་བལྟ་ན་སྡུག་པའི་གྲོང་ཁྱེར་ཕྲོགས་ལ་ཐུག་གོ་ཞེས་གསོལ་པ་དང་། བརྒྱ་བྱིན་གྱིས་སྨྲས་པ། ལྷའི་བདག་པོ་རྣམས་སོང་ལ། བྱང་ཕྱོགས་ཀྱི་རྒྱལ་པོ་ངལ་བསོ་པོ་ལ་གསོལ་བ་ཐོབ་ཅིག །དེས་གཡུལ་ལས་རྒྱལ་
D767.096.0083b03.01བར་བྱེད་དོ་ཞེས་སྨྲས་སོ། །དེ་ནས་ཉེ་དབང་སུམ་ཅུ་རྩ་གཉིས་ཀྱིས་རྒྱལ་པོ་ཆེན་པོ་ཁྱོད་ལ་ལྷ་མ་ཡིན་གྱི་གཡུལ་ལས་རྒྱལ་བར་བྱ་བའི་ཕྱིར་ལྷའི་དབང་པོ་འབོད་དོ་ཞེས་སྨྲས་པ་དང་། དེའི་ཚེ་རྒྱལ་པོ་ངལ་བསོ་པོ་རི་རབ་གསེར་གྱི་མདོག་ཅན་དེའི་སྟེ་འདུ་གང་མཛེས་སྙམ་པ་དང་།
D767.096.0083b04.01བཻཌཱུཪྻ་མཛེས་པར་མཐོང་སྟེ། བདག་ཉིད་བཻ་ཌཱུ་ཪྻའི་ལུས་སུ་གནས་ཏེ་རྟ་བཻ་ཌཱུ་ཪྻའི་མདོག་ཅན་ཞོན་ཏེ། གསེར་གྱི་ཡ་ལད་ཀྱིས་བརྒྱན་ཏེ་གཡུལ་དུ་འཇུག་པར་བྱེད་དོ། །དེའི་ཚེ་རབ་དགོད་པ་ལ་སོགས་པས་གཟི་བརྗིད་མ་བཟོད་དེ། རང་འཕམ་པར་གྱུར་ནས་སའི་སྒོ་དེ་ཉིད་ནས་
D767.096.0083b05.01རང་གི་གནས་སུ་སོང་ངོ་། །དེའི་ཚེ་སུམ་ཅུ་རྩ་གསུམ་པའི་ལྷ་རྣམས་ངོ་མཚར་སྐྱེས་ཏེ། ཀྱེ་མ་ལུས་ངན་པ་འདི་འདྲ་བས་ལྷ་མ་ཡིན་གྱི་གཡུལ་ལས་རྒྱལ་བར་བྱས་སོ། །ཞེས་ཟེར་རོ། །ཡང་དག་ཤེས་རྒྱལ་ཆེན་རིས་བཞིའི་ལྷ་རྣམས་ཀྱི་ལུས་ཀྱི་ཚད་ནི་རྒྱང་གྲགས་བཞི་ཆའོ། །
D767.096.0083b06.01སུམ་ཅུ་རྩ་གསུམ་པའི་ལུས་ཀྱི་ཚད་ནི་རྒྱང་གྲགས་ཕྱེད་དོ། །དེ་ལྟར་ངལ་བསོ་པོའི་ལུས་ཀྱིས་སུམ་ཅུ་རྩ་གསུམ་པའི་ལུས་ཀྱི་ཕྱེད་ལས་མི་སླེབ་བོ། །དེའི་ཚེ་ཉེ་དབང་སུམ་ཅུ་རྩ་གཉིས་ཀྱིས་རིན་པོ་ཆེའི་མེ་ཏོག་དུ་མས་གཏོར་ཏེ་བསྟོད་པ། །ལྷ་ཡི་ནང་ན་རྒྱལ་པོ་ནོར་ལྷ་ཁྱོད། །
D767.096.0083b07.01