完整藏文原文 · 德格版页 当前仅加载第 96 函德格 87a 版页；藏文 NFD、目录标记与异常页序保留在来源切片中，重复版页行以稳定序号区分。
མཐིང་ནག་བྱིས་པའི་གཟུགས་ཅན་རྒྱན་ཐམས་ཅད་ཀྱིས་བརྒྱན་པའོ། །ཞལ་བརྒྱད་ནི་གཡས་སེར་བ་དང་། གཡོན་ལྗང་བ་དང་། དབུས་མཐིང་བ་དང་། རྒྱབ་ཞལ་དམར་པོའོ། །དེའི་སྟེང་གི་ཞལ་གསུམ་ནི་གཡས་དཀར་བ་དང་། གཡོན་དམར་བ་
D767.096.0087a01.01དང་། ཨུཏྤ་ལ་སྔོན་པོ་འདྲ་བ་ནི་དབུས་མའི་ཞལ་ལོ། །དེའི་སྟེང་ན་ཞི་བ་རྒྱན་དང་བཅས་པ་དཱུར་བའི་མདོག་ཅན་མི་བསྐྱོད་པ་དང་ལྡན་པའོ། །ཕྱག་རྣམས་ན་རྡོ་རྗེ་དང་། རྡོ་རྗེ་དབྱུག་ཏོ་དང་། གླང་པོ་ཆེའི་མཆེ་བ་དང་། ཁྱབ་འཇུག་གི་འཁོར་ལོ་དང་། ལྕགས་ཀྱུ་དང་།
D767.096.0087a02.01བྲག་རི་དང་། མེ་ཐབ་རྣམས་བསྣམས་པའོ། །དེ་དག་ནི་གཡས་པ་ནའོ། །གཡོན་པ་རྣམས་ནི་སྡིགས་མཛུབ་དང་བཅས་པའི་སྣོད་ཆེན་པོ་དང་། དུང་དང་། ཞགས་པ་དང་། གསལ་ཤིང་དང་། འཕན་ལྕེ་ལྔ་པ་དང་། རྒྱལ་མཚན་བསྣམས་པའོ། །ཆུ་ཤེལ་ཅན་
D767.096.0087a03.01གྱི་སྟེང་དུ་གར་ཐབས་བརྒྱད་ཀྱིས་ཞབས་བརྡབས་པས་ཀླུ་ཆེན་པོ་བརྒྱད་ཀྱི་གདན་དང་བཅས་ཤིང་མ་ལུས་པར་འདར་བར་བསམ་མོ། །དེ་ཡི་མདུན་དུ་ངལ་བསོ་ནི། །བཻ་ལས་ཡང་དག་རབ་སྐྱེས་པ། སེང་གེའི་གདན་ལ་ལེགས་བཞུགས་ཤིང་། །གསེར་མདོག་རིན་ཆེན་རྒྱན་
D767.096.0087a04.01གྱིས་སྤྲས། །གཡས་པ་རིན་ཆེན་རྒྱལ་མཚན་ཏེ། །གཡོན་པ་སྐུ་གདུང་རབ་བསྣམས་ཤིང་། །འོད་ཟེར་དཔག་མེད་རབ་འཕྲོ་བ། །གདུག་པ་སྲེག་མཛད་དབུས་ཉིད་ན། །རང་གི་རིགས་ཀྱི་བདག་པོ་དང་། །གཉིས་མེད་ཡེ་ཤེས་ལས་གྲུབ་བཞུགས། །གནོད་སྦྱིན་བྱེ་
D767.096.0087a05.01བའི་ཚོགས་བཅས་རྣམས། །རང་གི་འཁོར་དུ་རྣམ་པར་བསམ། །མདུན་དུ་ཛམ་བྷ་ལ་གསེར་གྱི་མདོག་ཅན། ནེའུ་ལེ་དང་། རིན་པོ་ཆེ་འབར་བ་བསྣམས་པའོ། །གཡས་ཕྱོགས་སུ་གང་བ་བཟང་པོ་གསེར་གྱི་མདོག་ཅན། ནེའུ་ལེ་དང་། བུམ་པ་བསྣམས་པའོ། །
D767.096.0087a06.01རྒྱབ་ཏུ་ནོར་བུ་བཟང་པོ་དཀར་པོ། ནེའུ་ལེ་དང་རིན་པོ་ཆེའི་སྙེ་མ་བསྣམས་པའོ། །གཡོན་དུ་རྟ་བདག་ཀུ་བེ་ར་མདོག་ནག་པོ་ནེའུ་ལེ་དང་། རལ་གྲི་བསྣམས་པའོ། །ཡང་དག་ཤེས་སེར་པོ་ནེའུ་ལེ་དང་རིན་པོ་ཆེའི་གྲི་བསྣམས་པའོ། །འབྲོག་གནས་ནག་པོ་སྟེ་ནེའུ་ལེ་དང་རིན་
D767.096.0087a07.01