完整藏文原文 · 德格版页 当前仅加载第 96 函德格 84a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིད་བཞིན་རེ་བ་ཀུན་གྱི་སྐྱབས་གྱུར་པ། །ལུས་ངན་པོས་ནི་ལྷ་མིན་བྱེ་བ་བཏུལ། །ཉོན་མོངས་གཡུལ་ལས་རྒྱལ་ལ་ཕྱག་འཚལ་ལོ། །ཞེས་བསྟོད་དེ། རྒྱལ་པོ་ལུས་ངན་པོ་ནི་ཁོ་བོ་ཅག་གི་སྐྱབས་སུ་གྱུར་ཏོ་ཞེས་བརྗོད་པས་དེའི་ཕྱིར་ལུས་ངན་པོ་ཞེས་སོ། །
D767.096.0084a01.01སྡེ་དཔོན་ཡང་དག་ཤེས་དེ་ལྟར་རྒྱལ་པོ་གནས་གསུམ་པོ་འདིའི་མིང་གི་རྣམ་གྲངས་རྣམས་ཤེས་པར་གྱིས་ཤིག །གནོད་སྦྱིན་གར་མཁན་མཆོག་གི་བརྟག་པ་ཕྱི་མ་ལས་རྣམ་ཐོས་སྲས་ཀྱི་མིང་གི་རྣམ་གྲངས་བསྟན་པའི་ལེའུ་སྟེ་བཅུ་གཅིག་པའོ།། །།དེ་ནས་སྡེ་དཔོན་
D767.096.0084a02.01ཡང་དག་ཤེས། །རབ་ཏུ་དགའ་བའི་ཡིད་ཀྱིས་ནི། །གསང་བའི་བདག་ལ་འདི་སྐད་གསོལ། །མི་རྣམས་འབྱོར་པར་འདོད་པ་དང་། །ལྷ་རྣམས་དབུལ་བ་སེལ་བ་ཡི། །དེ་ཡི་སྒྲུབ་ཐབས་བཤད་པར་མཛོད། །དེ་སྐད་གསོལ་བ་གསན་ནས་ནི། །གསང་བའི་བདག་པོ་རབ་བཞད་
D767.096.0084a03.01དེ། །གནོད་སྦྱིན་བདག་པོ་དག་ལ་གསུངས། །ལེགས་སོ་སྡེ་དཔོན་ཡང་དག་ཤེས། །བྱང་ཆུབ་སེམས་དཔའ་རིན་ཆེན་མང་། །རྣམ་སྣང་དཔལ་ཕྲེང་ཐུགས་ལས་སྤྲུལ། །དེ་སྒྲུབ་ཆོ་ག་འདི་ལྟ་སྟེ། །རབ་ཏུ་དབེན་པའི་གནས་དག་ཏུ། །བདེ་བའི་སྟན་ལ་རབ་འདུག་སྟེ། །
D767.096.0084a04.01ཁྲུས་བྱས་གོས་གཙང་གྱོན་ནས་ནི། །མཆོད་པ་རྣམས་ཀྱིས་རབ་མཆོད་ལ། །སྙིང་ཁའི་ཕྱོགས་སུ་ཡི་གེ་ཧཱུྃ། །དེ་ལས་དཔག་མེད་འོད་སྤྲོས་ཏེ། །སངས་རྒྱས་བྱང་ཆུབ་སེམས་སོགས་དང་། །ཉན་ཐོས་རང་རྒྱལ་འགྲོ་བའི་མགོན། །དེ་རྣམས་མདུན་དུ་གསལ་བ་ལས། །ཕྱག་
D767.096.0084a05.01འཚལ་སྐྱབས་འགྲོ་ལ་སོགས་བྱ། །དེ་ནས་བྱམས་སོགས་རྗེས་དྲན་ཏེ། །སྟོང་པ་ཉིད་ཀྱི་ཡེ་ཤེས་ནི། །མི་གཡོ་ལས་བྱུང་བདེ་བར་འདུག །དེ་ནས་སྨོན་ལམ་ཐུགས་རྗེ་ཡིས། །རྟ་བདུན་སྟེང་དུ་འབྲུག་སྒྲའི་དབྱངས། །རྡོ་རྗེ་རྩེ་ལྔ་དེ་ཉིད་གནས། །དེ་ལས་ཡོངས་སུ་རྫོགས་
D767.096.0084a06.01པའི་སྐུ། །སྐུ་མདོག་ལྗང་སེར་དཱུར་བའི་མདོག །སེམས་དཔའ་འཛུམ་ཞིང་ཡིད་ཀྱང་ཁྲོ། །སྒེག་པར་བཅས་ཤིང་རྒྱན་དང་ལྡན། །ཡེ་ཤེས་ཏིང་ངེ་འཛིན་གྱིས་མཛེས། །མདུན་དུ་རྡོ་རྗེ་གནོད་མཛེས་ནི། །སྐུ་མདོག་མཐིང་ནག་སྦྲུལ་གྱིས་བརྒྱན། །གཡས་པ་རྡོ་རྗེ་རལ་
D767.096.0084a07.01