完整藏文原文 · 德格版页 当前仅加载第 96 函德格 232b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། རིན་པོ་ཆེ་གསལ་བ་དང་། རིན་པོ་ཆེ་མང་པོ་དང་། དེ་ལ་སོགས་པ་སྐྱེ་བ་མེད་པ་དང་། འགག་པ་མེད་པའི་ཆོས་དང་ལྡན་པ། འདས་པ་དང་། མ་འོངས་པ་དང་། ད་ལྟར་བྱུང་བའི་ཡང་དག་པར་རྫོགས་པའི་སངས་རྒྱས་རྣམས་ལ་སེམས་ཅན་ཐམས་ཅད་ཀྱིས་བྱང་ཆུབ་ཀྱི་
D810.096.0232b01.01སྙིང་པོ་ལ་མཆིས་ཀྱི་བར་དུ་སྐྱབས་སུ་མཆིའོ། །དེ་བཞིན་དུ་བཅོམ་ལྡན་འདས་དེ་དག་གི་ཆོས་སྤྲོས་པ་མེད་པ། ཡི་གེ་མེད་པ། འཕགས་པ་རྣམས་ཀྱི་སོ་སོ་རང་རིག་པར་བྱ་བ། སེམས་ཅན་མེད་པ་དང་སེམས་ཅན་གྱི་རྡུལ་དང་བྲལ་བ། བདག་མེད་པ། འདོད་ཆགས་
D810.096.0232b02.01ཀྱི་རྡུལ་དང་བྲལ་བ། སྲོག་མེད་པ། སྐྱེ་བ་དང་འཆི་བ་དང་བྲལ་བ། གང་ཟག་མེད་པ་སྔོན་གྱི་མཐའ་དང་། ཕྱི་མའི་མཐའ་ཉེ་བར་ཞི་བའི་མཚན་ཉིད་དང་ལྡན་པ། འདོད་ཆགས་དང་བྲལ་བ། དམིགས་པ་མེད་པའི་ཚུལ་ཅན། ཡི་གེ་མ་ཡིན་པ། ངག་ཐམས་
D810.096.0232b03.01ཅད་ཆད་པ། བརྗོད་དུ་མེད་པ། དབའ་རླབས་ཐམས་ཅད་དང་བྲལ་བ། ཐམས་ཅད་ཀྱི་རྗེས་སུ་འགྲོ་བ། ནམ་མཁའ་དང་འདྲ་བ། ཁ་དོག་མེད་པ། རྟགས་དང་། དབྱིབས་དང་། རྒྱུ་བ་ཐམས་ཅད་དང་བྲལ་བ། བདག་མེད་པ། བདག་ཏུ་འཛིན་པ་དང་དྲལ་བ། རྣམ་
D810.096.0232b04.01པར་རིག་པ་མེད་པ་སེམས་དང་། ཡིད་དང་རྣམ་པར་ཤེས་པ་དང་བྲལ་བ། ཟླ་མེད་པའི་ཕྱིར་འདྲ་བ་མེད་པ། རྒྱུའི་མཚན་ཉིད་དང་བྲལ་བ། རྐྱེན་གྱིས་སྒྲོ་བཏགས་པ་མེད་པ། ཆོས་ཀྱི་དབྱིངས་དང་མཉམ་པ། ཆོས་ཐམས་ཅད་མཉམ་པར་བཞག་པ། འགྲོ་བ་མེད་པའི་
D810.096.0232b05.01ཚུལ་གྱིས་དེ་བཞིན་ཉིད་ཀྱི་རྗེས་སུ་སོང་བ། ཤིན་ཏུ་གཡོ་བ་མེད་པའི་ཕྱིར་ཡང་དག་པའི་མཐའ་ལ་གནས་པ། ཡུལ་དྲུག་ལ་གནས་པ་མེད་པའི་ཕྱིར་མ་གཡོས་པ། གནས་མེད་པའི་ཕྱིར་གར་ཡང་འོང་བ་དང་། འགྲོ་བ་མེད་པ། སྟོང་པ་ཉིད་ལ་མཉམ་པར་བཞག་པ། མཚན་
D810.096.0232b06.01མ་མེད་པས་རབ་ཏུ་ཕྱེ་བ། སྨོན་པ་མེད་པའི་མཚན་ཉིད་ཅན། རྟོག་པ་དང་སེལ་བ་དང་བྲལ་བ། གཞག་པ་དང་འདེག་པ་མེད་པ། སྐྱེ་བ་དང་འཇིག་པ་དང་བྲལ་བ། ཀུན་གཞི་མེད་པ། མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་ལས་ཡང་དག་པར་
D810.096.0232b07.01