完整藏文原文 · 德格版页 当前仅加载第 96 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱུག་རྒྱལ་པོ་དང་། བརྩོན་འགྲུས་གྲངས་མེད་དང་། ཡང་དག་རབ་གནས་དཔལ་དང་། བདག་ཉིད་ཐམས་ཅད་ཡོངས་གཏོང་དང་། ཐུགས་རྗེ་ཆེར་དགོངས་དང་། ཕྱག་ན་རིན་ཆེན་ཕྱག་རྒྱ་དང་། ཕྱག་ན་རིན་པོ་ཆེ་དང་། ཐུགས་བསྐྱེད་མ་ཐག་ཏུ་ཆོས་ཀྱི་འཁོར་ལོ་
D810.096.0234b01.01བསྐོར་བ་དང་། ཐུབ་དཀའ་དང་། ཆུ་ལྷ་དང་། དྲི་མ་མེད་པ་དང་། ངན་སོང་སྤོང་བ་ལ་སོགས་པ་དེ་རྣམས་ཀྱི་སྤྱན་སྔར་ནོངས་པར་ནོངས་པར་མཐོལ་ལོ། །བཤགས་སོ། །རྣམ་པར་གཞིག་གོ། །རབ་ཏུ་གཞོམ་མོ། །སྨད་དོ། །བྱིས་པ་བླུན་པོ་ལྟ་བ་ལོག་པར་ཞུགས་
D810.096.0234b02.01པ། འཁོར་བར་བྱིང་བའི་ནོངས་པ་ནོངས་པར་གཟུང་དུ་གསོལ། དེ་བཞིན་གཤེགས་པ་བདེན་པའི་བློ་གྲོས་ཏོག་གི་རྒྱལ་པོ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་གསེར་བསགས་སྟུག་པོ་དགེ་བ་རྒྱས་པའི་སྙིང་པོའི་རྒྱལ་པོ་ལ་ཕྱག་འཚལ་ལོ། །ཏདྱ་ཐཱ།
D810.096.0234b03.01ས་ཏྱེ་ས་ཏྱེ། ས་ཏྱ་བི་ཤོ་དྷ་ནི། སཏྱ་ཨཾ་བུ་ཛ། བི་ལོ་ཙ་ནི། སརྦ་ཨཱ་བར་ཎ་ནི་བར་ཎ་བི་ཤོ་དྷ་ནི་སྭཱཧཱ། སངས་རྒྱས་བཅོམ་ལྡན་འདས་དང་བྱང་ཆུབ་སེམས་དཔའ་དེ་དག་ཐུགས་རྗེ་ཆེན་པོ་སྐྱེད་ནས་བདག་ལ་དགོངས་སུ་གསོལ། གང་བདག་གིས་ཚེ་འདིའམ་ཚེ་རྗེས་པ་དེ་དང་དེ་
D810.096.0234b04.01དག་ཏུ་བྱང་ཆུབ་སེམས་དཔའ་བྱང་ཆུབ་ཀྱི་སེམས་བསྐྱེད་པ་རྣམས་དང་། བྱང་ཆུབ་ཀྱི་སེམས་མ་བསྐྱེད་པ་རྣམས་དང་། མངོན་པར་འདོད་པ་རྣམས་དང་། ཐེག་པ་ལ་གསར་དུ་ཞུགས་པ་རྣམས་དང་། སེམས་དང་པོ་བསྐྱེད་པ་རྣམས་དང་། སྤྱོད་པ་དང་འབྲེལ་པ་རྣམས་དང་།
D810.096.0234b05.01མི་སྐྱེ་བའི་ཆོས་ལ་བཟོད་པ་ཐོབ་པ་རྣམས་དང་། ཕྱིར་མི་ལྡོག་པ་རྣམས་དང་། སྐྱེ་བ་གཅིག་གིས་ཐོགས་པ་རྣམས་དང་། ས་བཅུར་ཞུགས་པ་རྣམས་དང་། དབང་མ་བསྐུར་བ་རྣམས་དང་། དབང་བསྐུར་བ་ཐོབ་པ་རྣམས་དང་། དབང་བསྐུར་བ་རྣམས་དང་། དགེ་བའི་
D810.096.0234b06.01ཕྱོགས་ལ་བརྩོན་པ་རྣམས་དང་། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དང་། དེ་ལས་གཞན་པའི་བྱང་ཆུབ་ཀྱི་ཕྱོགས་ཀྱི་ཆོས་ལ་བརྩོན་པ་དེ་དག་ལ་ལུས་དང་། ངག་དང་། ཡིད་ཀྱིས་ཉེས་པར་སྤྱོད་པར་བགྱིས་པ་དང་། བགྱིད་དུ་སྩལ་བ་དང་།
D810.096.0234b07.01