完整藏文原文 · 德格版页 当前仅加载第 96 函德格 248a 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་སེམས་མ་བསྐྱེད་པ་གང་ལགས་པ་དེ་རྣམས་ལ་བདག་བསྐུལ་མ་འདེབས་ཏེ། དེ་རྣམས་ལ་བདག་གི་ལུས་དང་། ངག་དང་། ཡིད་ཀྱིས་ལེགས་པར་སྤྱད་པ་དེ་དབུལ་བར་བགྱིའོ། །དགེ་བའི་རྩ་བ་དེས་ཚོགས་རྣམས་ཤིན་ཏུ་བསགས་ཤིང་དགེ་བའི་
D810.096.0248a01.01རྩ་བ་རྣམས་ལེགས་པར་བསགས་ནས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཏེ། ཆོས་ཀྱི་འཁོར་ལོ་རབ་ཏུ་བསྐོར་བར་གྱུར་ཅིག །བདུད་བཞི་ཚར་གཅོད་པར་གྱུར་ཅིག །སེམས་ཅན་ཡོངས་སུ་སྨིན་པར་བགྱིད་པར་གྱུར་
D810.096.0248a02.01ཅིག །སེམས་ཅན་ལ་སྨན་པའི་སླད་དུ་སེམས་ཅན་གྱི་ཁམས་དང་། ལས་ཀྱི་ཁམས་དང་། ཉོན་མོངས་པའི་ཁམས་དང་། ནམ་མཁའི་ཁམས་ཇི་ཙམ་པ་དེ་ཙམ་དུ་བཞུགས་པར་གསོལ་བར་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་བློ་གྲོས་
D810.096.0248a03.01མི་ཟད་པ་ལ་ཕྱག་འཚལ་ལོ། །ཏདྱ་ཐཱ། ཨ་ཀྵ་ཡེ་ཨ་ཀྵ་ཡེ། ཨཀྵ་ཡ་བི་ཤོ་དྷ་ནི་སྭཱ་ཧཱ། ཕྱོགས་བཅུའི་འཇིག་རྟེན་གྱི་ཁམས་ན་རྡུལ་ཕྲ་མོ་སྙེད་ཀྱི་འདས་པ་དང་། མ་འོངས་པ་དང་། ད་ལྟར་བྱུང་བའི་ཡང་དག་པར་རྫོགས་པའི་སངས་རྒྱས་དང་བྱང་ཆུབ་སེམས་དཔའ་དེ་རྣམས་
D810.096.0248a04.01ཀྱི་སྨོན་ལམ་ཆེན་པོ་བཅུ་པོ་ཁྲི་ཕྲག་གྲངས་མེད་པ་གང་ལགས་པ་དེ་དག་མཛད་པ་རྣམས་ལ་ལྷུན་གྱིས་གྲུབ་པར་འཇུག་པ་དེ་བཞིན་དུ་བདག་ཚེ་རབས་ཚེ་རབས་སུ་འཇུག་པར་གྱུར་ཅིག །དེ་ནས་སངས་རྒྱས་ཀྱི་ཞིང་ཡོངས་སུ་དག་པར་འགྱུར་བ་ནི་ཇི་ལྟར་བཅོམ་ལྡན་འདས་དེ་
D810.096.0248a05.01བཞིན་གཤེགས་པ་འོད་དཔག་མེད་དེའི་འཇིག་རྟེན་གྱི་ཁམས་བདེ་བ་ཅན་དང་། ཇི་ལྟར་བཅོམ་ལྡན་འདས་དེ་བཞིན་གཤེགས་པ་མི་འཁྲུགས་པ་དེའི་འཇིག་རྟེན་གྱི་ཁམས་མངོན་པར་དགའ་བ་དང་། ཇི་ལྟར་བཅོམ་ལྡན་འདས་དེ་བཞིན་གཤེགས་པ་པདྨའི་སྤྱན་དེའི་འཇིག་རྟེན་
D810.096.0248a06.01གྱི་ཁམས་པདྨ་ཅན་དང་། ཇི་ལྟར་བཅོམ་ལྡན་འདས་དེ་བཞིན་གཤེགས་པ་ཀུན་དུ་བཟང་པོ་དེའི་འཇིག་རྟེན་གྱི་ཁམས་མིག་མི་འཛུམས་དང་། ཇི་ལྟར་བཅོམ་ལྡན་འདས་དེ་བཞིན་གཤེགས་པ་རིན་པོ་ཆེའི་ཏོག་དེའི་འཇིག་རྟེན་གྱི་ཁམས་རིན་ཆེན་ལྡན་པ་དང་། ཇི་ལྟར་བཅོམ་ལྡན་འདས་
D810.096.0248a07.01