完整藏文原文 · 德格版页 当前仅加载第 96 函德格 237b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་མྱ་ངན་ལས་བཟླའོ་སྙམ་དུ་ཐུགས་བསྐྱེད་པ་དང་། དེ་དག་ལས་གཞན་པ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པ་དང་། ཡང་དག་པར་ལྡན་པའི་ཐུགས་བསྐྱེད་པ་དེ་རྣམས་ལ་བདག་མཆོག་དང་། གཙོ་བོ་དང་། དམ་པ་དང་། རབ་དང་། ཕུལ་དང་། བླ་ན་
D810.096.0237b01.01མ་མཆིས་པ་དང་། གོང་ན་མ་མཆིས་པ་དང་། གོང་མའི་ཡང་གོང་མ་དང་། མཉམ་པ་མ་མཆིས་པ་དང་། མི་མཉམ་པ་དང་མཉམ་པ་དང་། དམིགས་པ་མ་མཆིས་པ་དང་། རྣམ་པར་རྟོག་པ་མ་མཆིས་པ་དང་། མཚན་མ་མ་མཆིས་པ་དང་། སྤྲོས་པ་མ་མཆིས་པ་དང་།
D810.096.0237b02.01ཡི་གེ་མ་མཆིས་པ་དང་། ཉོན་མོངས་པ་མ་མཆིས་པ་དང་། ཆགས་པ་མ་མཆིས་པ་དང་། ནམ་མཁའ་ལྟར་མཉམ་པ་དང་། ལུས་དང་སེམས་གྲོལ་བ་དང་། རྣམ་པ་ཐམས་ཅད་ཀྱི་མཆོག་དང་ལྡན་པའི་སྟོང་པ་ཉིད་ཀྱི་རྗེས་སུ་ཡི་རང་བས་རྗེས་སུ་ཡི་རང་ངོ་། །འདས་
D810.096.0237b03.01པ་དང་། མ་འོངས་པ་དང་། ད་ལྟར་བྱུང་བའི་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་ཤཱཀྱ་ཐུབ་པ་དང་། བློ་གྲོས་མི་ཟད་པ་དང་། རིན་ཆེན་རྒྱལ་མཚན་འོད་དང་། དྲི་མ་མེད་པའི་སྙིང་པོ་དང་། ཆུང་འབྲིང་ཆེན་པོ་དང་། མངོན་མཁྱེན་རྣམ་རོལ་དང་། རྣམ་
D810.096.0237b04.01འཕྲུལ་དང་བ་དང་། གྲགས་པ་སྤྲིན་སྦས་དང་། སེང་གེ་རྣམ་པར་རོལ་པའི་རྒྱལ་པོ་དང་། ལྷུན་པོ་མངོན་འཕགས་རྒྱལ་པོ་དང་། དམ་ཆོས་ཀུན་སྲུང་ཏོག་གྱུར་རྒྱལ་པོ་ལ་སོགས་པ་གང་ལགས་པ་དེ་དག་དང་པོ་བྱང་ཆུབ་ཏུ་ཐུགས་བསྐྱེད་པ་ནས་བཟུང་སྟེ། ཇི་ཙམ་དུ་དམ་པའི་
D810.096.0237b05.01ཆོས་གནས་པའི་འཕགས་པ་ཡོངས་སུ་བསྔོ་བའི་རྒྱལ་པོ་ཆེན་པོ་སྔགས་དང་བཅས་པ། དེའི་བར་དུ་སྦྱིན་པ་ལས་བྱུང་བའི་བསོད་ནམས་བྱ་བའི་དངོས་པོ་དང་། ཚུལ་ཁྲིམས་ལས་བྱུང་བ་དང་། བསྒོམས་པ་ལས་བྱུང་བ་དང་། སྨོན་ལམ་ཆེན་པོ་བཅུ་པོ་ཁྲི་ཕྲག་གྲངས་མེད་པ་བསྒྲུབས་པ་
D810.096.0237b06.01གང་ལགས་པ་དང་། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་ཡང་དག་པར་བླངས་པ་གང་ལགས་པ་དང་། བག་ཆགས་དང་མཚམས་སྦྱོར་བའི་ཉོན་མོངས་པ་ཐམས་ཅད་སྤངས་པ་གང་ལགས་པ་དང་། ཐམས་ཅད་མཁྱེན་པའི་ཡེ་ཤེས་བསགས་པ་གང་
D810.096.0237b07.01