完整藏文原文 · 德格版页 当前仅加载第 96 函德格 237a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་དགོངས་སུ་གསོལ། གང་བདག་གིས་ཚེ་འདིའམ། སྐྱེ་བ་གཞན་རྣམས་སུ་སྐྱེ་བ་བརྒྱའམ། སྐྱེ་བ་སྟོང་ངམ། སྐྱེ་བ་ཐོག་མ་དང་ཐ་མ་མ་མཆིས་པའི་འཁོར་བ་ན་འཁོར་བའི་ཚེ་སངས་རྒྱས་དང་། ཆོས་དང་། དགེ་འདུན་དང་། ཕ་མ་དང་། བླ་མ་དང་།
D810.096.0237a01.01ཡོན་གནས་དང་། མཁན་པོ་དང་། སློབ་དཔོན་དང་། ཚངས་པ་མཚུངས་པར་སྤྱོད་པ་དང་། དེ་ལས་གཞན་པ་ཡང་དག་པ་དང་། ལོག་པའི་ལམ་ལ་ཞུགས་པ་ནས། དེ་བཞིན་གཤེགས་པའི་སྙིང་པོ་དང་ལྡན་པའི་བར་དང་། ཆོས་ཀྱི་དབྱིངས་ཀྱི་ཁོངས་སུ་གཏོགས་པ་
D810.096.0237a02.01རྣམས་ལ་ཟས་ཁམ་གཅིག་ཙམ་སྩལ་བའམ། བྱམས་པ་བསྒོམས་པའམ། ལུས་དང་། ངག་དང་། ཡིད་ཀྱིས་ཕྱི་དང་ནང་གི་ལེགས་པར་སྤྱོད་པ་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བགྱི་སྟེ། ཇི་ལྟར་འདས་པ་དང་།
D810.096.0237a03.01མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་དང་། བྱང་ཆུབ་སེམས་དཔའ་དེ་རྣམས་ཀྱིས་ཆོས་ཉིད་དེ་མངོན་དུ་མཛད་ནས་ཡོངས་སུ་བསྔོས་པ་དང་། ཡོངས་སུ་བསྔོ་བར་འགྱུར་བ་དང་། ཡོངས་སུ་བསྔོ་བ་དེ་ལྟར་བདག་གིས་ཀྱང་ཡོངས་སུ་བསྔོ་
D810.096.0237a04.01བར་བགྱིའོ། །ཇི་ལྟར་ཆོས་ཉིད་དེ་དང་། ཇི་ལྟར་དེ་བཞིན་ཉིད་དེ་དང་། ཇི་ལྟར་ཡང་དག་པའི་མཐའ་དེ་དང་། ཇི་ལྟར་ཆོས་ཀྱི་དབྱིངས་དེ་དང་། ཇི་ལྟར་སྟོང་པ་ཉིད་དེ་དང་། ཇི་ལྟར་རྣམ་པ་ཐམས་ཅད་མཁྱེན་པ་ཉིད་དེ་དང་ལྡན་པ། དེ་ལྟར་ཡོངས་སུ་བསྔོ་བར་བགྱིའོ། །དེ་
D810.096.0237a05.01བཞིན་གཤེགས་པ་མེ་ཏོག་མན་དཱ་ར་བའི་བསུང་ལ་ཕྱག་འཚལ་ལོ། །ཏདྱ་ཐཱ། བི་ཛི་རི་མྦྷ། ཨུ་ཏྤཱ་ད་བྱ་ཡ། བི་ཛི་རི་མྦྷ། སྟཾ་བྷ་ཧ་ར། སྟཾ་བྷ་ཧ་ར། ཨ་ནཱུ་ན། ཏ་ཐཱ་ག་ཏ། བྷཱུ་ཏ་ཀོ་ཊི། བི་ཛི་རིམྦྷསྭཱ་ཧཱ། འདས་པ་དང་། མ་འོངས་པ་དང་། ད་ལྟར་བྱུང་བ་ཡང་དག་པར་
D810.096.0237a06.01རྫོགས་པའི་སངས་རྒྱས་དང་བྱང་ཆུབ་སེམས་དཔའ་གང་ལགས་པ་དེ་དག་དང་པོ་བདག་གིས་ཇི་ལྟར་སེམས་ཅན་མ་རྒལ་བ་རྣམས་བསྒྲལ་བ་དང་། མ་གྲོལ་བ་རྣམས་དགྲོལ་བ་དང་། དབུགས་མ་ཕྱིན་པ་རྣམས་དབུགས་དབྱུང་བ་དང་། ཡོངས་སུ་མྱ་ངན་ལས་མ་འདས་པ་རྣམས་
D810.096.0237a07.01