完整藏文原文 · 德格版页 当前仅加载第 96 函德格 245a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་བ་དང་། འདུག་པ་དང་། ལངས་པ་ནས་དབང་པོ་འགག་པར་འགྱུར་བའི་བར་དུ་ཡང་ལུང་བསྟན་པ་དང་། ལུང་མ་བསྟན་པ་དང་། ལུས་དང་། ངག་དང་། ཡིད་ཀྱིས་ཕྱི་དང་ནང་གི་ལེགས་པར་སྤྱད་པ་གང་ལགས་པ་དང་། སྐྱེ་བ་ཐོག་མ་དང་ཐ་མ་མ་
D810.096.0245a01.01མཆིས་པའི་འཁོར་བར་བསགས་པ་གང་ལགས་པ་དང་། བྱང་ཆུབ་ཀྱི་སྙིང་པོ་ལ་མཆིས་ཀྱི་བར་དུ་དགེ་བའི་རྩ་བ་གང་ལགས་པ་དེ་དག་ཐམས་ཅད་སེམས་ཅན་ཐམས་ཅད་དང་ཐུན་མོང་དུ་བགྱིས་ནས་གཉིས་སུ་མེད་པའི་ཚུལ་གྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་
D810.096.0245a02.01ཏུ་ཡོངས་སུ་བསྔོ་བར་བགྱི་སྟེ། ཇི་ལྟར་འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་དང་། བྱང་ཆུབ་སེམས་དཔའ་དེ་རྣམས་ཀྱིས་ཡོངས་སུ་བསྔོས་པ་དེ་བཞིན་དུ་བདག་གིས་ཀྱང་ཡོངས་སུ་བསྔོ་བར་བགྱིའོ། །ཡང་དག་པར་རྫོགས་
D810.096.0245a03.01པའི་སངས་རྒྱས་བདུན་པོ་རྣམས་ལ་ཕྱག་འཚལ་ལོ། །རྣམ་པར་གཟིགས་ཀྱི་གཟི་བརྗིད་དང་། །ཤཱཀྱ་སེང་གེའི་བརྩོན་འགྲུས་ཀྱིས། །འདོད་ཆགས་ཞེ་སྡང་གཏི་མུག་དག །ནམ་ཡང་གཡོ་བར་མ་གྱུར་ཅིག །ཏདྱ་ཐཱ། ཛ་ཡནྟི། བི་ཛ་ཡནྟི། ཨ་པ་རཱ་ཛི་ཏེ།
D810.096.0245a04.01མཱ་ར་སཻནྱ་པྲ་མ་རྡ་ནི་ཡེ་སྭཱ་ཧཱ། དགེ་བའི་རྩ་བ་དེས་སེམས་ཅན་འགྲོ་བ་དྲུག་ལ་བརྟེན་པ་གང་ལགས་པ་དེ་དག་ཐམས་ཅད་སྦྱིན་པའི་ཕ་རོལ་ཏུ་ཕྱིན་པ་ལ་དགོད་པར་བགྱིའོ། །དེ་བཞིན་དུ་ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་།
D810.096.0245a05.01ཤེས་རབ་དང་། ཐབས་དང་། སྨོན་ལམ་དང་། སྟོབས་དང་། ཡེ་ཤེས་ཀྱི་ཕ་རོལ་ཏུ་ཕྱིན་པ་ལ་དགོད་པར་བགྱིའོ། །དེ་བཞིན་དུ་ས་རབ་ཏུ་དགའ་བ་དང་། དེ་བཞིན་དུ་དྲི་མ་མེད་པ་དང་། འོད་བྱེད་པ་དང་། འོད་འཕྲོ་བ་ཅན་དང་། ཤིན་ཏུ་སྦྱང་དཀའ་བ་དང་།
D810.096.0245a06.01མངོན་དུ་གྱུར་པ་དང་། རིང་དུ་སོང་བ་དང་། མི་གཡོ་བ་དང་། ལེགས་པའི་བློ་གྲོས་དང་། ས་ཆོས་ཀྱི་སྤྲིན་ལ་དགོད་པར་བགྱིའོ། །དེ་བཞིན་དུ་རྡོ་རྗེ་ལྟ་བུའི་ཏིང་ངེ་འཛིན་དང་། དེ་བཞིན་དུ་བརྟན་པར་གནས་པའི་ཐབས་ལ་མངོན་པར་བརྩོན་པ་མངོན་དུ་འགྲོ་བ་
D810.096.0245a07.01