完整藏文原文 · 德格版页 当前仅加载第 99 函德格 254a 版页；藏文 NFD、目录标记与异常页序保留在来源切片中，重复版页行以稳定序号区分。
བྲལ་དང་གཞིག་པ་དང་། །ཟོས་དང་འཐོར་དང་རབ་ཏུ་འཐོར། །བྲུལ་དང་ཟགས་དང་བརླག་པ་དང་། །རྩོད་དང་རྒོད་དང་གླལ་བ་དང་། །འཇིགས་ཤིང་གདུག་དང་རྔམ་པ་དང་། །རོལ་བའི་ལོངས་སྤྱོད་རབ་ཏུ་སྤྲུལ། །ཀུན་ཀྱང་གདུག་པའི་སེམས་འཆང་
D843.099.0254a01.01ཞིང་། །གསོད་གཅོད་ཤག་གཏུབ་ལུས་ཀྱི་ལས། །ཚིག་རྩུབ་བརླང་བའི་ང་རོར་འབྱིན། །ཁྲོས་པའི་བརྟུལ་ཞུགས་དྲག་པོ་ཡིས། །མ་ལུས་འདུལ་ཞིང་ཚར་གཅོད་པའི། །མངོན་པར་གཅོད་ལ་རབ་ཏུ་བཀོད། །འདི་ལྟར་མཐོང་ཞིང་སྣང་གྱུར་པ། །ཀུན་རྫོབ་ཙམ་
D843.099.0254a02.01དུ་སྣང་བ་ལས། །སེམས་ཅན་གཅིག་གི་བ་སྤུ་ལ། །ཅུང་ཟད་གནོད་པ་ཡོད་མེད་དེ། །རང་གི་རྣམ་རྟོག་བདེ་བར་སྤྱོད། །ངེས་པའི་དེ་ཉིད་ཁོ་ནའོ། །ཆོ་འཕྲུལ་ཆེན་པོ་བསྟན་པའི་གླེང་གཞིའི་ལེའུ་སྟེ་དང་པོའོ།། །།དེ་ནས་སངས་རྒྱས་ཐམས་ཅད་ཀྱིས། །རྡོ་རྗེ་
D843.099.0254a03.01འཆང་བའི་རྒྱལ་པོ་ཡིས། །དུས་གསུམ་རྒྱལ་བ་སྲས་བཅས་ཀྱིས། །ཐོག་མ་མེད་པའི་དུས་ཉིད་ནས། །མ་ལུས་བསྟན་པ་བསྲུང་མཛད་པའི། །གསང་བདག་ཆེན་པོར་དབང་བསྐུར་ཕྱིར། །གནོད་སྦྱིན་ལག་ན་རྡོ་རྗེ་འཆང་། །ལྔ་བརྒྱའི་གྲོགས་དང་བཅས་པ་ཡིས། །
D843.099.0254a04.01སོ་སོ་གཙོ་ཆེན་མདུན་ཉིད་ནས། །རང་གི་སྟན་ལས་རབ་ཏུ་ལངས། །མངོན་དུ་སྤྱོད་པའི་སྤྲུལ་པ་མཛད། །ཐུགས་ཀྱི་གནས་པའི་ས་བོན་ལས། །ཕྱོགས་བཅུ་ནམ་མཁའི་མཐར་ཐུག་ཀུན། །ལྗང་ནག་རླུང་གིས་རབ་ཏུ་དཀྲོགས། །ཁྲག་གི་རྦ་ཀློང་འཁྲུག་ཅིང་གཡོ། །
D843.099.0254a05.01ཤ་རུས་གཏམས་པའི་ས་གཞི་ལས། །བསྐལ་པའི་མེ་རི་རབ་ཏུ་འབར། །བྷནྡྷ་འབར་བའི་གཞལ་ཡས་ཁང་། །གདུག་ཅིང་འཇིགས་སུ་རུང་བ་ནི། །སྟོབས་ཆེན་རྣམས་ཀྱང་ཉེར་མི་སྤྱོད། །ཕྲིན་ལས་མ་ལུས་རྫོགས་མཛད་ལུས། །ཕྱི་ནང་མཐའ་དབུས་ཀུན་ལ་ཁྱབ། །
D843.099.0254a06.01བསྟན་ལ་རབ་སྡང་ཕ་རོལ་པོས། །ཕུང་པོ་ཞབས་ཀྱི་གདན་དུ་བཏིང་། །འོད་གདན་གཙང་མ་གསུམ་དང་བཅས། །ཆེ་བ་མཆོག་གི་སྐུར་མཛད་དེ། །རིག་ཅན་མཐར་གནས་དབུར་མནན་ཅིང་། །སྟོང་པ་{བཅྭ་,བཅོ་}བརྒྱད་དག་ཅིང་སྣང་། །ཕྱག་གིས་དྲེགས་པའི་ལྷ་བརྒྱད་བསྒྲལ། །
D843.099.0254a07.01