完整藏文原文 · 德格版页 当前仅加载第 99 函德格 263b 版页；藏文 NFD、目录标记与异常页序保留在来源切片中，重复版页行以稳定序号区分。
བས། །ལས་ཀྱི་མཐའ་ལ་གང་དམིགས་པ། །རྡོ་རྗེ་ཅན་གྱིས་ཡོངས་གྲུབ་སྟེ། །ང་ཡི་སྟོབས་དང་ནུས་པ་དང་། །མཐུ་དང་རྫུ་འཕྲུལ་ཡོན་ཏན་ཚོགས། །ལུས་ངག་ཡིད་ཀྱིས་རབ་འབད་པ། །གང་ཡིན་དེ་ལ་མངོན་པར་འབྱུང་། །དེ་ཡི་ཐུན་མོང་ཡོངས་འགྲུབ་ཅིང་། །
D843.099.0263b01.01མཐར་ཕྱིན་པ་ཡང་ལེན་པར་བྱེད། །འདི་ལས་མ་འོངས་རྙོག་པ་ཅན། །ཐེ་ཚོམ་བསྐྱེད་པར་མ་བྱེད་ཅིག །ང་དང་རྒྱལ་བ་ཐམས་ཅད་ཀྱིས། །འདི་ནི་རབ་ཏུ་བསྔགས་པའོ། །ཞེས་བཀའ་སྩལ་ཏོ། །དྲག་སྔགས་འདུས་པ་རྩ་བའི་རྒྱུད་ལས་དྲེགས་པ་ཅན་གྱི་སྡེ་རིགས་
D843.099.0263b02.01དབྱེ་བ་བསྟན་པའི་ལེའུ་སྟེ་བརྒྱད་པའོ།། །།དེ་ནས་རྡོ་རྗེ་འཛིན་པ་ཡིས། །ལས་ལ་སྦྱར་བའི་རིམ་པ་གསུངས། །དུར་ཁྲོད་ཆུ་གླིང་རི་རྩེ་དང་། །ཆུ་འདུས་ངམ་གྲོག་འཇིགས་སུ་རུང་། །ཕུང་ཤུལ་ནགས་ཁྲོད་མ་རུངས་པ། །དྲེགས་པ་ལས་ཀྱི་གནས་ཡིན་ནོ། །
D843.099.0263b03.01མི་རུས་མི་གསད་ཕུང་ཤུལ་ས། །རྡུར་ཟད་ཕེ་ཏ་རུལ་ཆད་ས། །ས་སྨིན་དྲི་ཆེན་མ་རུངས་ཁྲག །ལས་ཀྱི་རྟེན་འབྲེལ་དམིགས་པའི་རྫས། །རྟ་ནག་དྲེ་ནག་མ་ཧེ་དང་། །ཆུ་གླང་དང་ནི་སྟག་སེང་དང་། །རྟ་དཀར་ནེ་ལེ་རྒོད་དཀར་དང་། །དོམ་ནག་དམུ་རྟ་བན་གླང་དང་། །
D843.099.0263b04.01འབྲུག་ཆེན་རྨ་བྱ་རུས་སྦལ་དང་། །བྱ་ཁྱི་ཀུ་ཀུ་ཤེལ་དང་མི། །རྒྱལ་མཚན་ཐོད་པ་སྙིང་དང་ཁྲག །བདུད་རྩི་འབྲུ་བཅུད་བྱང་ཆུབ་སེམས། །རང་གཟུགས་སྙིང་པོ་འཁོར་ལོ་བཅས། །རྒྱན་ལྡན་ཤོས་ཆ་མཐུན་པའི་རྫས། །དམ་ཚིག་མཆོད་ཅིང་བརྟེན་པའོ། །སོ་སོར་སྔགས་
D843.099.0263b05.01པའི་ལས་ཁུང་དུ། །ཐོད་ངན་འབྲུ་ནག་དུག་ཁྲག་གཡོས། །རྒྱུ་གསུམ་ཕུ་ས་མཚོན་ཆ་རྣམས། །གསད་པ་ཐུན་གྱི་རྫས་ཡིན་ནོ། །རྨེ་ཁྲག་གསུམ་དང་དྲི་ངན་གསུམ། །སྲོག་ཆགས་གསུམ་དང་རྨེ་རྫས་གསུམ། །ཐབས་རྫས་གསུམ་དང་བསྲེག་རྫས་གསུམ། །རྟེན་ས་
D843.099.0263b06.01གསུམ་དང་དྲིལ་ས་གསུམ། །བཞུགས་ས་གསུམ་དང་དབབ་ས་གསུམ། །ཀུན་རྫོགས་རྩོལ་བའི་སྦྱོར་བ་ཡིས། །ཆུ་དྲག་དབབ་པ་ངེས་པར་འགྲུབ། །རིགས་སུལ་སྣོད་དང་མཆོད་རྫས་དང་། །གནས་སྦྱོང་བྱང་ཆུབ་སྲིད་འདོར་བློས། །ལེགས་སླངས་ཡིད་ཀྱིས་མཐུན་
D843.099.0263b07.01