完整藏文原文 · 德格版页 当前仅加载第 99 函德格 265b 版页；藏文 NFD、目录标记与异常页序保留在来源切片中，重复版页行以稳定序号区分。
ལུས་པར། །ང་འམ་ང་དང་འདྲ་བ་ཡི། །རྡོ་རྗེ་འཛིན་པ་གཞན་རྣམས་ཀྱིས། །ཕྱི་ནང་གསང་བའི་ལས་རྣམས་ཀྱིས། །གང་ལ་བསྔགས་པ་དེ་དག་སྦྱར། །གཞན་གྱིས་ཐེ་ཚོམ་མི་བྱ་སྟེ། །ང་དང་དུས་གསུམ་སངས་རྒྱས་ཀྱིས། །དེ་ལ་རིག་པར་སྣང་བ་ཡིན། །ཞེས་
D843.099.0265b01.01བཀའ་སྩལ་ཏོ། །དྲག་སྔགས་འདུས་པ་རྩ་བའི་རྒྱུད་ལས་ཕྲིན་ལས་དམིགས་པའི་ཁྱད་པར་ལས་སྦྱར་བའི་ལེའུ་སྟེ་དགུ་པའོ།། །།དེ་ནས་རྡོ་རྗེ་འཛིན་པ་ཡིས། །ཡོན་ཏན་བསྟོད་པ་འདི་གསུངས་སོ། །ཧཱུྃ་དུར་ཁྲོད་ཆེན་པོའི་རོལ་པའི་དཀྱིལ་འཁོར་ནས། །
D843.099.0265b02.01གཏུམ་དྲག་མེ་ལྟར་འབར་བའི་གཞལ་ཡས་ན། །གདུག་བྱེད་རུ་ཏྲ་སྟི་རའི་ཁྲི་སྟེངས་ན། །མདངས་ལྡན་ཉི་ཟླ་པདྨའི་གདན་སྟེངས་ན། །དྲེགས་པའི་བདག་པོ་རྡོ་རྗེ་འཛིན་པའི་གཙོ། །བཅོམ་ལྡན་དཔལ་ཆེན་སྟོབས་ལྡན་ནག་པོ་ནི། །སྐུ་མདོག་མཐིང་ནག་རབ་ཏུ་འབར། །
D843.099.0265b03.01ས་དགུ་རྫོགས་པས་དབུ་དགུ་བསྟན། །སྟོང་པ་{བཅྭ་,བཅོ་}བརྒྱད་ལྡན་པའི་ཕྱག །ཞབས་ཀྱིས་བརྗིད་པའི་བདུད་བཞི་གནོན། །དབུས་མཐིང་གཡས་དཀར་གཡོན་དམར་བས། །ཁྲོ་ཞིང་བཞད་དང་གཙིགས་པའི་ཞལ། །རལ་པ་ཁམ་ནག་སྲིད་རྩེར་འབར། །ཁམས་
D843.099.0265b04.01གསུམ་མ་ལུས་སྤྱན་གྱིས་གཟིགས། །ཤངས་ཀྱིས་སྲིད་གསུམ་མ་ལུས་རྔུབ། །སྙན་གྱིས་སྟོང་གསུམ་འབྲུག་སྒྲས་འགེངས། །ཚེམས་ཀྱིས་གནོད་གདུག་མ་ལུས་སྒྲོལ། །ལྗགས་ཀྱིས་གློག་དམར་འཇིག་རྟེན་ཁྱབ། །ཁྲོ་གཉེར་འོད་ཀྱིས་དབང་དུ་སྡུད། །ཕྲིན་ལས་
D843.099.0265b05.01རིགས་ཀྱིས་དབུ་ལ་བརྒྱན། །{བཅྭ་,བཅོ་}བརྒྱད་ཕྱག་གི་དང་པོ་གཉིས། །དབང་སྡུད་རྡོ་རྗེ་དྲིལ་བུ་འཛིན། །གཡས་གཡོན་འོག་མའི་ཕྱག་བརྒྱད་ན། །དྲེགས་པའི་ལྷ་བརྒྱད་བྷན་དྷ་གཡས། །ཙིཏྟ་སྲོག་རྩ་གཡོན་ན་བསྣམས། །འབར་བའི་ཆས་ཀྱིས་སྐུ་ལ་བརྒྱན། །བསྲུང་
D843.099.0265b06.01བའི་ལྷ་བརྒྱད་སྐུ་ལ་རྫོགས། །གཡས་གཡོན་ཞབས་ཀྱིས་དྲེགས་པ་གཟིར། །མ་རུངས་གདུལ་དཀའ་རྣམས་ཀྱི་གཤེད། །ལོག་ལྟ་རུ་ཏྲ་འདུལ་བའི་དཔལ། །འབྱུང་ལྔའི་བདག་མོ་གཉིས་མེད་ཡུམ། །དབུ་གསུམ་ཕྱག་དྲུག་ཞབས་བཞི་སྦྱོར། །གྲི་གུག་ཏྲི་ཤཱུལ་བདུད་རྩི་
D843.099.0265b07.01