完整藏文原文 · 德格版页 当前仅加载第 99 函德格 263a 版页；藏文 NFD、目录标记与异常页序保留在来源切片中，重复版页行以稳定序号区分。
མ་མོ་ཞེས་སུ་གྲགས་པ་སྟེ། །ལས་དང་ཡེ་ཤེས་བསྡུས་ཤིང་ཕྱེ། །ཕྲ་དང་རགས་པའི་ཁྱད་པར་གྱིས། །ཆེ་ཆུང་གཅལ་དང་འཁོར་དུ་སྣང་། །མཁའ་ལ་རྒྱུ་བའི་དྲག་ཤུལ་ཅན། །ལས་ཀྱི་ཕུང་པོ་ཁོ་ནའོ། །རྒྱལ་པོ་བླ་རྗེ་བྲམ་ཟེ་དང་། །དམངས་དང་
D843.099.0263a01.01གདོལ་པ་ཅན་རྣམས་ཀྱིས། །ཉི་ཤུ་རྩ་ལྔའི་ཡན་ལག་འགྱུར། །ཐ་དད་རིགས་ནི་སྡེ་ཡིན་ནོ། །འདི་དག་ཐོག་མའི་ལས་ཀྱི་དངོས། །དངོས་དང་རང་བཞིན་མཚན་ཉིད་ཀྱིས། །མ་རིག་འཁྲུལ་པའི་གཟུང་འཛིན་བྱུང་། །བདག་བལྟ་བག་ལ་ཉལ་དུ་གནས། །གཡོ་
D843.099.0263a02.01འགུལ་ཕྲ་མོའི་ཀུན་ནས་ལྡང་། །འཁྲུག་ཅིང་འཚེ་དང་རྩོད་པར་ཤར། །བསོད་ནམས་ལས་དང་དེ་མ་ཡིན། །ལས་ཀྱི་མཐའ་གཉིས་གཡང་སར་ལྷུང་། །གནག་ཅིང་མི་དགེ་ཟག་པར་བཅས། །ཁ་ན་མ་ཐོ་ལུང་མ་བསྟན། །ལོག་པ་ལུས་ངག་ཡིད་གསུམ་གྱིས། །གནས་
D843.099.0263a03.01ངན་ལེན་པའི་རྒྱུན་ཆགས་འཐུད། །དུས་གསུམ་ཕྱོགས་དང་བཅས་པ་ཡི། །རྗེས་སུ་འགྲོ་དང་བཟློག་པ་ཡིས། །འཁོར་བ་བརྟེན་གཞི་དམ་པོ་བཙུགས། །སོ་སོར་མ་རིག་སྲོག་ལ་གཅོད། །ལོངས་སྤྱོད་འཕྲོག་ཅིང་རྣམ་པར་འཚེ། །གཟི་མདངས་འབྱོར་པ་སྡེ་དང་
D843.099.0263a04.01བཅས། །གང་ཡིན་འཇོམས་ཤིང་རླག་ནུས་ལ། །རྒྱུད་ལ་སྡུག་བསྔལ་སྐྱེད་བྱེད་པ། །མ་རུངས་ཉེས་པ་འབྱིན་བྱེད་ལས། །སྲོག་ལེན་ཚེ་འཕྲོག་གཅོད་དང་ཤ། །མྱོས་འཐིབས་བྱི་ནད་རིམས་དང་ཡམས། །གཅོག་འགྱེལ་གདུག་པའི་ནད་འབེབས་ཤིང་། །རྨེ་དང་
D843.099.0263a05.01འཁྲུག་པ་རྩོད་པ་དང་། །ཐོར་ཤོད་ལས་དང་དམོད་པ་ཡིས། །རང་གི་སྡེ་ལས་རེ་རེ་ཡང་། །ཀུན་ལ་ཁྱབ་པ་བརྒྱད་བརྒྱད་དེ། །དྲུག་ཅུ་རྩ་དྲུག་ཡན་ལག་བཅས། །ལས་ཀྱི་དབྱེ་བ་བསམ་མི་ཁྱབ། །དྲེགས་པའི་བདག་པོ་སོ་སོ་ཡི། །རང་བཞིན་དགོས་པའི་བྱེ་བྲག་
D843.099.0263a06.01གིས། །དུས་གསུམ་སངས་རྒྱས་བསྟན་པ་དག །ཚུལ་བཞིན་སྲུང་བའི་དམ་ཚིག་ཅན། །དྲག་སྔགས་ལས་ཀྱི་དམོད་པ་ལ། །བརྒྱ་དང་བཅུ་གཉིས་བཅུ་དྲུག་གིས། །ནུས་པ་རྫུ་འཕྲུལ་མཐུ་ལ་སོགས། །རང་གི་རིགས་ལ་གང་བསྔགས་པ། །དེ་དང་དེ་ལ་རབ་སྦྱར་
D843.099.0263a07.01