完整藏文原文 · 德格版页 当前仅加载第 99 函德格 266b 版页；藏文 NFD、目录标记与异常页序保留在来源切片中，重复版页行以稳定序号区分。
ཡུམ་ཆེན་ཤ་ཟ་རལ་གཅིག་མ། །ཡུམ་གྱི་ཚུལ་འཛིན་སྤྲུལ་པ་མོ། །ཞིང་ལྤགས་གྱོན་ཏེ་གྱི་ལིང་བཅིབས། །དྲག་སྔགས་བདག་པོ་ཆེན་པོ་ནི། །དབང་ཕྱུག་ཆེན་པོ་ལྷ་ཡི་གཙོ། །མདོག་དཀར་ཤེལ་གྲི་བ་དན་འཕྱར། །ན་བཟའ་དར་དཀར་བེར་ཆེན་གསོལ། །ཆིབས་
D843.099.0266b01.01སུ་གནམ་རུ་དཀར་པོ་བཅིབས། །ཐར་པ་ནག་པོ་རུ་ཏྲའི་གཙོ། །མཆོད་གཏོར་དུག་ཐུན་ཕྱག་ན་བསྣམས། །ཞིང་ལྤགས་གྱོན་ཏེ་དོམ་ནག་བཅིབས། །དམུ་བདུད་རྗེ་དཔོན་ནག་པོ་ནི། །དར་ནག་འཕྱར་ཞིང་སྟི་ར་འདྲད། །བེར་ནག་གསོལ་ཞིང་དམུ་རྟ་བཅིབས། །མུ་སྟེགས་
D843.099.0266b02.01ཀཱ་ལ་ཡག་ཤ་ནི། །མཐིང་ནག་ཁ་ཊྭཱཾ་ཏྲི་ཤཱུལ་འཛིན། །ཞིང་ལྤགས་བགོས་ཏེ་མ་ཧེ་བཅིབས། །ཁྱབ་འཇུག་རོག་ཏི་ནག་པོ་ཡང་། །ཁྲམ་ཤིང་དགྲ་སྟ་ཕྱག་གིས་འཛིན། །སྤྲིན་ནག་བགོས་ཏེ་འབྲུག་སྔོན་བཅིབས། །ཀླུ་རྒྱལ་བ་རུ་ཎ་ཡི་རྗེ། །སེར་ནག་སྦྲུལ་གྱི་
D843.099.0266b03.01ནམ་བཟའ་གསོལ། །བུམ་པ་རུས་སྦལ་ཕྱག་གིས་འཛིན། །ཆིབས་སུ་ཆུ་སྲིན་མགོ་དགུ་བཅིབས། །རྒྱལ་པོ་ཧར་མཛེས་ཞེས་བྱ་བ། །མདོག་དཀར་ཤེལ་གྲི་དར་དཀར་འཛིན། །སྲས་མཆོག་འབར་བ་དམར་པོ་སྟེ། །མདུང་{རིངས་,རིང་}གཡས་ལ་ཤན་གྲི་གཡོན། །རྡོ་རྗེ་
D843.099.0266b04.01མཛེས་པ་མདོག་དམར་པོ། །རུ་མཚོན་དགྲ་སྟ་ཕྱག་གིས་འཛིན། །ཁུ་ལེ་ལག་དགུ་འབར་བ་ཡང་། །མདོག་གསེར་སྤྲུལ་པའི་ལག་དགུ་འགྱེད། །ཞིང་ལྤགས་བགོས་ཤིང་སྟི་ར་གནོན། །དྲག་སྔགས་བདག་པོ་གཙོ་འཁོར་ཡང་། །རང་གི་རིགས་ཀྱི་འཁོར་
D843.099.0266b05.01འདུལ་བ། །སོ་སོའི་སྤྲུལ་པ་བསམ་མི་ཁྱབ། །གཅོད་པར་བྱེད་པ་བདུད་ཀྱི་སྡེ། །འཆི་བར་བྱེད་པ་གཤིན་རྗེའི་སྡེ། །གསོད་བྱེད་ཤན་པ་སྲིན་པོའི་སྡེ། །གདུག་རྩུབ་འཆང་བ་གནོད་སྦྱིན་སྡེ། །དྲག་རྩལ་ལྡན་པ་ལྷ་ཡི་སྡེ། །ནད་གདོན་འབེབས་པ་མ་མོའི་སྡེ། །
D843.099.0266b06.01ནམ་མཁའ་དབང་སྒྱུར་གཟའ་ཡི་སྡེ། །གླེན་ལྐུགས་གདུག་པ་ཀླུ་ཡི་སྡེ། །སྡེ་བརྒྱད་དམོད་པའི་དྲག་སྔགས་ཅན། །མཐུ་དང་རྫུ་འཕྲུལ་བསམ་མི་ཁྱབ། །འཁོར་དང་སྡེ་རིགས་བརྗོད་མི་ལང་། །ཕྲིན་ལས་ལོངས་སྤྱོད་མི་ཟད་གཏེར། །ཡོན་ཏན་ནུས་པ་དཔག་ཏུ་
D843.099.0266b07.01