完整藏文原文 · 德格版页 当前仅加载第 99 函德格 259b 版页；藏文 NFD、目录标记与异常页序保留在来源切片中，重复版页行以稳定序号区分。
དང་མ་མོ་རྒྱལ་པོ་གིང་། །བཙན་འགོང་རྨུ་དང་མུ་སྟེགས་དང་། །རང་གི་སྡེ་དང་དཔུང་དུ་བཅས། །མ་ལུས་དྲེགས་པ་ཅན་གྱི་ཚོགས། །འདི་ལས་རབ་བརྗོད་གང་ཡིན་པ། །དེ་ཉིད་དུ་ནི་གསལ་བར་བྱ། །ང་ཡི་སྐུ་དང་གསུང་དང་ཐུགས། །ཡེ་ཤེས་རིགས་ཀྱི་དབང་བསྐུར་
D843.099.0259b01.01ཞིང་། །བྱིན་གྱིས་བརླབས་ནས་རྒྱས་བཏབ་སྟེ། །དེ་ལ་རང་བཞིན་གནས་པ་བསྟིམ། །ཡོངས་རྫོགས་སྐུ་ཡིས་བསྟན་པ་བསྒྲུབ། །ཕྱག་འཚལ་མཆོད་པ་འབུལ་ཞིང་བསྟོད། །རབ་ཏུ་མཉེས་པ་རྒྱ་ཆེར་བྱ། །ཕྱི་དང་ནང་དང་གསང་བ་ཡིས། །བསྡུ་དང་སྦྱོར་དང་སྒྲོལ་བ་
D843.099.0259b02.01དང་། །གནས་དང་རིང་དང་རིམ་པ་དང་། །བསྐྱེད་དང་དབབ་པ་མཉེས་པ་ཡི། །གནས་ལུགས་ལྷུན་གྲུབ་མ་བཅོས་པས། །དྲག་སྔགས་རོལ་བ་མ་འགགས་སྤྱོད། །རང་གི་ལས་ལ་སྦྱར་བ་ནི། །བདུད་ཀྱི་ཁྲམ་དང་གཤིན་རྗེའི་ལྟོ། །སྲིན་པོའི་དམར་དང་གནོད་སྦྱིན་བྱད། །
D843.099.0259b03.01ལྷ་ཡི་ཆད་དང་མ་མོའི་རིམས། །གཟའ་ཡི་ཀི་ཀང་ཀླུ་ཡི་དུག །ཚེ་ཆད་པ་དང་ཁྲི་མོན་བཅུག །གཅན་གཟན་འཛུམས་དང་ལྕགས་སྒྲོག་ཚུད། །ནད་དང་མཚོན་ཉིད་ཁོང་ཞུགས་དང་། །དུག་འཐུངས་ཐོག་བབས་བཞིན་དུ་དྲག །ཐར་ཞེས་བྱ་བ་གདགས་སུ་མེད། །བདུད་
D843.099.0259b04.01ནི་མ་བརྟགས་སྲོག་ལ་རྒོལ། །གཤིན་རྗེ་འཁོར་བའི་འཁོར་ལོས་གཅོད། །སྲིན་པོ་རལ་གྲིའི་སོ་ཡིས་འགེམས། །གནོད་སྦྱིན་གནམ་ལྕགས་ཐོག་གིས་འཇོམས། །ལྷ་ནི་འདོད་པའི་མདུང་གིས་སོར། །མ་མོ་དཔག་མེད་མདའ་བཞིན་འབིགས། །གཟའ་བདུད་
D843.099.0259b05.01སྟོབས་ཆེན་སྒྱོགས་ཀྱིས་བརྡེག །ཀླུ་ནི་ས་འོག་རལ་གྲི་སོགས། །ཐམས་ཅད་འདུལ་ཞིང་གཅོད་པའི་སྔགས། །མུན་པ་གླིང་འཁྲུགས་བདུད་ཀྱི་སྐད། །ངུ་འབོད་ལྟ་བུ་གཤིན་རྗེ་སྟེ། །རོ་ལེན་དུར་བ་སྲིན་པོས་(འགྲེན,འགྲན)། །ལྕེ་མདུད་དྲག་པོ་གནོད་སྦྱིན་ནོ། །བཀའ་ཆད་
D843.099.0259b06.01དྲག་སྩལ་ལྷ་ཡི་དམོད། །ངུ་འབོད་གདུང་བ་མ་མོ་སྟེ། །འབྲུག་སྒྲ་གློག་འབྱིན་གཟའ་བདུད་དོ། །ཀླུ་ཡིས་སྦྲུལ་ནག་དུག་གིས་འཇོམས། །འཇིག་རྟེན་ལྷ་སྲིན་རང་སྒྲ་ཡིས། །ཕལ་པ་རྣམས་ལ་དམོད་པར་བྱེད། །དེ་ནི་དྲག་སྔགས་དམོད་པའོ། །ཞེས་བཀའ་སྩལ་ཏོ། །
D843.099.0259b07.01