完整藏文原文 · 德格版页 当前仅加载第 39 函德格 52b 版页；藏文 NFD、目录标记与异常页序保留在来源切片中，重复版页行以稳定序号区分。
རྗེས་སུ་འཐུན་པའི་ཆོས་ཀྱི་སྒོ་མངོན་དུ་གྱུར་ནས་བྱང་ཆུབ་སེམས་དཔའ་རྣམས་ཀྱི་འཕགས་པའི་བདེན་པ་ལ་མཁས་པ་རྟོགས་པར་བྱ་བའི་ཕྱིར་སྒོ་འདི་དག་ཡོངས་སུ་སྦྱོང་ཞིང་མངོན་པར་སྒྲུབ་པ་དང་། སྡུག་བསྔལ་ལ་ལྷག་པར་དམིགས་པ་ན་ཀུན་འབྱུང་བ་ནུབ་པ་དང་། ཟད་པ་དང་། འགག་པར་
D46.039.0052b01.01འགྱུར་ཏེ་དེ་ལྟར་མཉམ་པ་ཉིད་ཀྱི་ལམ་སྒྲུབ་ཅིང་སྒོམ་པ་དང་། དེ་ལྟར་སྤྱོད་པས་དེ་ལྟར་མཉམ་པ་ཉིད་ཀྱི་ལམ་གྱི་རྣམ་གྲངས་ཀྱིས་ཆོས་དེ་དག་ཐམས་ཅད་མངོན་དུ་ཤེས་ཤིང་ཡོངས་སུ་ཤེས་སོ། །མངོན་དུ་ཤེས་པས་སྤང་བར་བྱའོ། །མངོན་དུ་ཤེས་པས་མངོན་སུམ་དུ་བྱའོ། །མངོན་དུ་
D46.039.0052b02.01ཤེས་པས་བསྒོམ་པར་བྱ་སྟེ། དེའི་ཕྱིར་གང་མངོན་དུ་ཤེས་པ་དེ་ནི་ཡོངས་སུ་ཤེས་པའོ། །གང་ཡོངས་སུ་ཤེས་པ་དེ་ནི་སྤང་བའོ། །གང་སྤང་བ་དེ་ནི་མངོན་སུམ་དུ་བྱ་བའོ། །གང་མངོན་སུམ་དུ་བྱ་བ་དེ་ནི་བསྒོམ་པར་བསྟན་ཏེ། དེ་ལྟར་འཕགས་པའི་ཆོས་ཤེས་ནས་རྣམ་པར་རྟོག་
D46.039.0052b03.01པ་མེད་པའི་ཚུལ་གྱིས་བརྩོན་འགྲུས་དང་མ་བྲལ་བར་བདེན་པ་མངོན་པར་བསྒྲུབ་བོ་ཞེས་བླང་བ་མེད་པ་དང་དོར་བ་མེད་པར་གནས་པར་འགྱུར་རོ། །བཀོད་པ་མཐའ་ཡས་འཕགས་པ་རྣམས་ཀྱིས་ནི་ཆོས་ཐམས་ཅད་བརྟགས་པ། རྣམ་པར་བསྒྲུབས་པ། གཅེས་པའོ་ཞེས་བྱ་བར་ཤེས་པས་
D46.039.0052b04.01རློམ་སེམས་སུ་མི་བྱེད། སྤྲོས་པར་མི་བྱེད་པར་ཡང་དག་པ་ཇི་ལྟ་བ་བཞིན་དུ་མཐོང་བ་སྲུང་ཞིང་ཞེན་པར་མི་བྱེད། རྣམ་པར་མི་བྱེད་དོ། །དེ་ལྟ་བས་ན་ལམ་དང་། སྤང་བར་བྱ་བ་དང་། དགེ་བའི་ཆོས་རྣམས་ལ་ཡང་རློམ་སེམས་སུ་མི་བྱེད། སྤྲོས་པར་མི་བྱེད་ན་མི་དགེ་བའི་
D46.039.0052b05.01ཆོས་རྣམས་ལྟ་ཅི་སྨོས། དེ་དག་སྤང་བའི་ཕྱིར་ཡང་མི་གནས་ན་རྣམ་པར་མི་རྟོག་པའི་ཚུལ་གྱིས་ཆོས་མ་ཡིན་པ་དག་སྤང་བའི་ཕྱིར་ལྟ་སྨོས་ཀྱང་ཅི་དགོས། ཀུན་ཏུ་སྦྱོར་བ་སྤང་བའི་མཁས་པ་དག་ནི་ཆོས་རྣམས་དང་ཀུན་ཏུ་སྦྱོར་བར་ཡང་མི་བྱེད། ཆོས་མ་ཡིན་པ་རྣམས་དང་ཀུན་ཏུ་
D46.039.0052b06.01སྦྱོར་བར་ཡང་མི་བྱེད་དེ་དེས་ཆོས་ཐམས་ཅད། {བརྫུན་,རྫུན་}པ། སླུ་བ། ཡ་མ་རླ། གསོག་གསོབ་ལྟ་བུར་ཤེས་པས་ན་འདི་ནི་དེའི་བདེན་པ་མངོན་པར་སྒྲུབ་པ་ཡིན་ནོ། །གང་གི་ཕྱིར་དེ་ནི་བཏང་སྙོམས་ཡོངས་སུ་རྫོགས་པ་དང་། ཀུན་ཏུ་སྦྱོར་བ་སྤངས་པ་དང་། ལམ་ལ་གནས་
D46.039.0052b07.01