完整藏文原文 · 德格版页 当前仅加载第 39 函德格 69b 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་ཀྱི་ཆོས་དང་། ཟག་པ་དང་བཅས་པ་དང་། ཟག་པ་མེད་པ་དང་། འཇིག་རྟེན་པ་དང་། འཇིག་རྟེན་ལས་འདས་པའི་ཆོས་རྣམས་ཀྱི་སྒོ་རྣམ་པར་དག་པ་ཡང་རྗོད། ཆོས་བླ་ན་མེད་པ་རྣམ་པར་ངེས་པ་དང་། སེམས་ཅན་རྣམས་ཀྱི་ཤེས་པ་རྣམ་པར་དག་པ་ལ་མཁས་པ་ཀུན་འཛིན་
D46.039.0069b01.01པའི་རྒྱུ་ཡང་ཡང་དག་པར་རབ་ཏུ་སྟོན་ཏོ། །བཀོད་པ་མཐའ་ཡས་དེ་བཞིན་གཤེགས་པ་ནི་ཐམས་ཅད་མཁྱེན་པའི་ཡེ་ཤེས་ཀྱི་གཟུངས་ལ་མཁས་པའི་སྟོབས་བསྐྱེད་པའི་ཕྱིར་སེམས་ཅན་རྣམས་ལ་ཇི་ལྟར་སྨོན་པ་བཞིན་དེ་འདྲ་བའི་སྤྱོད་པ་ཀུན་ཏུ་སྟོན་ཅིང་བློའི་ཚུལ་ཇི་ལྟ་བ་བཞིན་རབ་ཏུ་
D46.039.0069b02.01དབྱེ་བར་མཁས་པ་ལ་ཡང་འཇུག་པར་མཛད། ཆོས་ཀྱི་གཏེར་གྱི་གཟུངས་བླ་ན་མེད་པའི་མཐུ་ཡང་སྟོན་པར་མཛད། ཆོས་ཀྱི་རྒྱུན་ཡང་གཏོང་བར་མཛད། ཆོས་ཀྱི་ཆར་ཡང་འབེབས་པར་མཛད། སེམས་ཅན་ཐམས་ཅད་ཀྱང་ཆོས་ཀྱི་སྦྱིན་པས་ཚིམ་པར་མཛད་དོ། །བཀོད་པ་
D46.039.0069b03.01མཐའ་ཡས་ཁྱོད་ཀྱིས་དེ་བཞིན་གཤེགས་པའི་རྗེས་སུ་བསླབ་པར་བྱ་ཞིང་ཆོས་ཟབ་མོ་རྣམ་པར་ངེས་པ་འདི་ལ་ཡང་འཐུན་པར་གནས་པར་བྱའི་མི་འཐུན་པར་ནི་མི་བྱའོ། །ཁྱེད་ཀྱིས་མྱུར་དུ་ཐམས་ཅད་མཁྱེན་པའི་ཡེ་ཤེས་ཀྱི་ཕྱག་རྒྱའི་གཟུངས་ཆེན་པོ་འདི་ཀུན་ཏུ་ཟུང་ཤིག །གཟུངས་
D46.039.0069b04.01འདི་ལ་གནས་ནས་ཀྱང་ཇི་ལྟར་ང་དེ་ལྟར་བྱེད་པ་བཞིན་དུ་སེམས་ཅན་རྣམས་ཀྱི་དོན་གྱིས་ཤིག །གཟུངས་ཀྱི་སྒོའི་མདོ་འདི་ཡང་སྟོན་ཅིག །ཆོས་རྣམས་ཀྱི་རྣམ་པར་ངེས་པ་ཡང་རྣམ་གྲངས་དུ་མས་སྟོན་ཅིག །རབ་ཏུ་སྟོན་ཅིག །བཀོད་པ་མཐའ་ཡས་བྱང་ཆུབ་ཀྱི་སེམས་ཀྱི་བསམ་པའི་
D46.039.0069b05.01ཚོགས་དང་མ་བྲལ་བས་མོས་པའི་སྟོབས་བསྐྱེད་པར་འདོད་པར་བྱའོ། །ཇི་ལྟར་མོས་པའི་སྟོབས་བསྐྱེད་པར་འདོད་པར་བྱ་ཞེ་ན། བྱང་ཆུབ་ཀྱི་ཡན་ལག་གི་ཚོགས་དང་མ་བྲལ་བར་བྱའོ། །ཇི་ལྟར་ན་བྱང་ཆུབ་སེམས་དཔའ་ཆོས་ཐམས་ཅད་ཀྱི་ཚུལ་ལ་མཁས་པ་ལ་མོས་པར་བྱ་ཞེ་ན།
D46.039.0069b06.01ཆོས་རྣམས་ནི་སྐྱེ་བ་ཡང་མེད། འཆི་འཕོ་བ་ཡང་མེད། འབྱུང་བ་ཡང་མེད། འཕོ་བ་ཡང་མེད། གཡོ་བ་ཡང་མེད། འོང་བ་ཡང་མེད། འགྲོ་བ་ཡང་མེད་དེ། ཆོས་ཐམས་ཅད་རང་གི་མཚན་ཉིད་ཀྱིས་སྟོང་པ་ཡིན་པས་སྟོང་པ་ཉིད་དུ་ཡང་མངོན་པར་ཞེན་པར་མི་བྱ་ན་གཟུགས་ལ་
D46.039.0069b07.01