完整藏文原文 · 德格版页 当前仅加载第 39 函德格 80b 版页；藏文 NFD、目录标记与异常页序保留在来源切片中，重复版页行以稳定序号区分。
མྱ་ངན་གྱི་ཟུག་རྔུ་བས་ལ་བར་བྱའོ། །བདག་གིས་ཁྱེད་སྲེད་པའི་འཆིང་བ་ལས་དགྲོལ་བར་བྱའོ། །བདག་གིས་ཁྱེད་འཁོར་བའི་འོད་པ་ལས་བསྒྲལ་ཞིང་ཆོས་ཀྱི་སྣང་བ་ཆེན་པོ་བྱའོ། །སེམས་ཅན་གང་དག་མི་དགེ་བའི་རྩ་བ་ལ་སྦྱོར་བ་དེ་དག་ཀྱང་གདོན་མི་ཟ་བར་དྲང་བར་བྱའོ་སྙམ་སྟེ།
D46.039.0080b01.01སྐྱེས་བུ་དམ་པ་དེད་དཔོན་གྱི་མཆོག་དེ་དག་ནི་ཅི་ནས་ཀྱང་སེམས་ཅན་འགའ་ཡང་ཐམས་ཅད་མཁྱེན་པའི་ཡེ་ཤེས་བླ་ན་མེད་པ་འདི་ལས་ཉམས་པར་མི་འགྱུར་བ་དེ་ལྟར་རྣམ་པར་ལྟ་བ་ཆེན་པོས་ལྟ་བར་འགྱུར་ཞིང་ངེས་པར་འབྱིན་པར་འགྱུར་རོ། །དེ་ལྟར་ན་དེ་དག་སེམས་ཅན་རྣམས་ལ་བྱམས་
D46.039.0080b02.01པས་ཁྱབ་པར་བྱེད་ཅིང་ཆོས་ཀྱི་སྒོ་དོན་དང་ལྡན་པ་སྔོན་མ་ཐོས་པ་ལྡོག་པ་དང་། འདོད་ཆགས་དང་བྲལ་བ་དང་། མི་སྐྱེ་བ་ཤེས་པ་དང་། ལྡན་པ་རྣམས་ཀྱང་སྣང་བར་བྱེད་པ་ཡིན་ནོ། །བཀོད་པ་མཐའ་ཡས་བྱང་ཆུབ་སེམས་དཔའ་གང་གི་ཚེ་ཆོས་ཀྱི་འབེལ་བའི་གཏམ་བྱེད་པར་འདོད་
D46.039.0080b03.01པ་དེའི་ཚེ་ཇི་ལྟར་བྱ་ཞེ་ན། གཟུངས་དང་། གསང་སྔགས་མངོན་པར་བསྒྲུབ་པའི་ཚིག་འདི་དག་མངོན་དུ་བྱས་ལ་ཆོས་ཀྱི་ཚུལ་ལ་མཁས་པ་མི་བཅབ་པའི་ཡིད་ལ་བྱེད་པས་སེང་གེའི་ཁྲི་ལ་འདུག་སྟེ། བློ་མཐའ་ཡས་པས་དེ་བཞིན་གཤེགས་པ་ཡིད་ལ་བྱེད་ཅིང་ཐབས་ལ་མཁས་པའི་
D46.039.0080b04.01སྟོབས་བསྐྱེད་པ་དང་། ཤེས་རབ་ཀྱི་སྟོབས་བསྐྱེད་པ་ཆེན་པོའི་ཡངས་པས་ཆོས་ཀྱི་ཚུལ་ཤིན་ཏུ་རྣམ་པར་ངེས་པ་རབ་ཏུ་བསྟན་ཅིང་དྲན་པ་ལ་མཁས་པའི་ས་རྣམ་པར་སྦྱང་བའི་ཕྱིར་སེམས་ཅན་གང་དག་ཆོས་ཀྱི་འབེལ་བའི་གཏམ་ལ་འདུས་པར་གྱུར་བ་དེ་དག་ལ་སྙིང་རྗེ་ཆེན་པོ་ཡང་
D46.039.0080b05.01བསྐྱེད། བྱམས་པ་ཆེན་པོ་ཡང་བསྐྱེད་ནས། སེམས་དང་ཡེ་ཤེས་ལ་མཁས་པ་ཆེན་པོས་སེམས་ཅན་རྣམས་ཀྱི་བསམ་པ་མངོན་པར་སྒྲུབ་པ་རྟོགས་པར་བྱས་ཏེ་ཆོས་ཀྱི་ཚུལ་ཤིན་ཏུ་རྣམ་པར་ངེས་པ་རབ་ཏུ་བསྟན་པ་ཇི་ལྟ་བ་བཞིན་ལྷག་ཆད་མེད་ཅིང་ངག་གི་ལས་གསལ་ལ་ཚིག་
D46.039.0080b06.01དང་ཡི་གེ་ལེགས་པར་བརྗོད་པ་དང་། ངག་གི་ལས་ལེགས་པར་གཏན་ལ་བབ་པས་ཆོས་ཀྱི་འབེལ་བའི་གཏམ་ཚད་མེད་པ་བྱའོ། །ཆོས་ཀྱི་འབེལ་བའི་གཏམ་དེས་བདག་ཉིད་ཀྱི་དགེ་བའི་རྩ་བ་ཡང་འཕེལ་བར་འགྱུར་ལ། སེམས་ཅན་རྣམས་ཀྱི་ཆོས་བསམ་གྱིས་མི་ཁྱབ་པ་ཡང་
D46.039.0080b07.01