完整藏文原文 · 德格版页 当前仅加载第 39 函德格 85a 版页；藏文 NFD、目录标记与异常页序保留在来源切片中，重复版页行以稳定序号区分。
སྒྲོགས་ཤིང་། སེམས་ཅན་རྣམས་ལ་ཆོས་ཀྱི་ཚུལ་འདི་ཡང་སྟོན་པར་མཛད་དོ། །ངས་ཆོས་གང་དག་བར་དུ་གཅོད་པར་འགྱུར་བ་བཤད་པ་དེ་དག་བསྟན་ན། བར་དུ་གཅོད་པར་མི་འགྱུར་བ་འདི་ནི་གནས་མེད་དེ། དེའི་ཕྱིར་ལྷ་དང་བཅས། བདུད་དང་བཅས། ཚངས་པ་
D46.039.0085a01.01དང་བཅས། དགེ་སྦྱོང་དང་བྲམ་ཟེར་བཅས་པའི་སྐྱེ་དགུའི་འཇིག་རྟེན་ན་འགའ་ཡང་ང་ལ་རྩོད་པར་འགྱུར་བའི་མཚན་མ་དེ་ཡང་དག་པར་རྗེས་སུ་མ་མཐོང་ངོ་། །ངས་མཚན་མ་དེ་ཡང་དག་པར་རྗེས་སུ་མ་མཐོང་བས་བདེ་བར་གནས་པའི་མཆོག་བརྙེས་ཏེ། འཁོར་གྱི་ནང་དུ་སེང་གེའི་སྒྲ་
D46.039.0085a02.01ཡང་དག་པར་སྒྲོགས་ཤིང་ལྷ་དང་བཅས་པའི་འཇིག་རྟེན་ན་འདི་ལས་ཕྱི་རོལ་པ་གཞན་མུ་སྟེགས་ཅན་གང་གིས་ཀྱང་རབ་ཏུ་མ་བསྐོར་བའི་ཆོས་ཀྱི་འཁོར་ལོ་འདི་ཡང་སྐོར་བར་མཛད་དོ། །བཀོད་པ་མཐའ་ཡས་འདི་དག་ནི་དེ་བཞིན་གཤེགས་པའི་མི་འཇིགས་པ་བཞི་ཡིན་ཏེ། དེ་ལ་སློབ་
D46.039.0085a03.01པའི་བྱང་ཆུབ་སེམས་དཔའ་ནི་མྱུར་དུ་དེ་བཞིན་གཤེགས་པའི་མི་འཇིགས་པའི་ས་ཐོབ་པར་འགྱུར་ཞིང་ལྷ་དང་བཅས་པའི་འཇིག་རྟེན་གྱི་མཆོག་ཏུ་ཡང་འགྱུར་རོ། །བཀོད་པ་མཐའ་ཡས་བྱང་ཆུབ་སེམས་དཔའ་འདུ་ཤེས་ནམ་མཁའ་ལྟ་བུ་ཡོངས་སུ་བསྒོམས་པ་རྣམས་ཀྱིས་སྒོ་ཡོངས་སུ་
D46.039.0085a04.01དག་པ་བསམ་གྱིས་མི་ཁྱབ་པ་ཀུན་ཤེས་པར་འགྱུར་ཏེ། སྒོ་ཡོངས་སུ་དག་པ་དེས། ཆོས་ཐམས་ཅད་རྟོགས་པར་བྱ་བ་དང་པོ་ཡང་ཐོབ་པར་འགྱུར་རོ། །ཆོས་ཐམས་ཅད་ནི་རྟོགས་པར་བྱ་བ་ཡང་མ་ཡིན་ཏེ། ཆོས་ནི་ནམ་མཁའ་ལྟ་བུར་ཡང་དག་པར་རྗེས་སུ་མི་མཐོང་ངོ་། །ཆོས་
D46.039.0085a05.01ལས་མ་གཏོགས་པ་ཡང་ནམ་མཁའི་རྗེས་སུ་འཇུག་པ་མེད་ལ། ནམ་མཁའ་ལས་མ་གཏོགས་པ་ཡང་ཆོས་ཀྱི་རྗེས་སུ་འཇུག་པ་མེད་དེ། ནམ་མཁའ་རྣམ་པར་སྒོམ་པས་ཆོས་ཐམས་ཅད་སྒོམ་པར་བྱེད་ཀྱང་ནམ་མཁར་རློམ་པར་ཡང་མི་བྱེད། སྤྲོས་པར་ཡང་མི་བྱེད་དོ། །
D46.039.0085a06.01དོན་བྱ་བ་ལ་མཁས་པ་རྗེས་སུ་འཐོབ་ཀྱང་ཆོས་ཀྱི་དབྱིངས་ནི་ཅུང་ཟད་ཀྱང་གང་ནས་ཀྱང་འོང་བ་མེད། གང་དུ་ཡང་འགྲོ་བ་མེད་ཅིང་ཡང་དག་པར་འགྲུབ་པ་མེད་པས་ཆོས་ཐམས་ཅད་ཡང་དག་པར་འགྲུབ་པ་མེད་པ་དང་། འོང་བ་མེད་པ་དང་། འགྲོ་བ་མེད་པར་ཡོངས་སུ་རྟོག་གོ།
D46.039.0085a07.01