完整藏文原文 · 德格版页 当前仅加载第 39 函德格 93a 版页；藏文 NFD、目录标记与异常页序保留在来源切片中，重复版页行以稳定序号区分。
ཨ་ནུ་ར་ཀྵ་པྲ་ཏྱུ་པ་སྠཱ་ནེ། བཀོད་པ་མཐའ་ཡས་འདི་དག་ནི་སེམས་ཅན་མ་དད་ཅིང་མ་དང་བ་རྣམས་ཚར་གཅད་པའི་ཚིག་ཡིན་ཏེ། དེས་ན་དེ་དག་ཉེས་པ་མཐོང་བར་འགྱུར་རོ། །བཀོད་པ་མཐའ་ཡས་ཆོས་དགེ་བ་ལ་ཡང་ཕྱིར་རྒོལ་བ་མང་བ་ཡིན་ན། ཆོས་འདུལ་
D46.039.0093a01.01བ་བླ་ན་མེད་པ། ཉེས་པ་ཐམས་ཅད་འཇོམས་པར་འགྱུར་བ། རྩོད་པའི་མདུད་པ་ཐམས་ཅད་སྤོང་བར་འགྱུར་བ་འདི་ལ་ལྟ་སྨོས་ཀྱང་ཅི་དགོས། བཀོད་པ་མཐའ་ཡས་སེམས་ཅན་མ་དད་ཅིང་མ་དང་བ་དེ་དག་ཀླན་ཀ་བཙལ་བའི་བསམ་པ་དང་། གནོད་སེམས་ཀྱི་བསམ་པ་མང་པོ་
D46.039.0093a02.01དང་། རྣམ་པར་ཐོ་བཙམ་པའི་བསམ་པས་ངའི་དྲུང་དུ་ཉེ་བར་འོང་བ་ལ་ལྟོས། དེ་བཞིན་གཤེགས་པ་ནི་དེ་དག་གི་སེམས་ཀྱི་སྤྱོད་པ་དང་། གཡོ་བ་མཁྱེན་ནས་ཅི་ནས་ཀྱང་དགེ་བའི་རྩ་བ་དང་ལྡན་ཞིང་རྣམ་པར་རྟོག་པ་སྤོང་བ་དང་། དགེ་བའི་རྩ་བའི་རྒྱུ་ཡང་ཡོངས་སུ་འཛིན་པར་
D46.039.0093a03.01འགྱུར་བ་དེ་ལྟ་བུའི་ཆོས་ཀྱི་སྒོ་དག་གིས་ཡང་དག་པར་སྐུལ་བར་མཛད་དོ། །བཀོད་པ་མཐའ་ཡས་དེ་བཞིན་གཤེགས་པས་ནི་སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་ཡང་རབ་ཏུ་མཁྱེན་ལ། སེམས་ཡང་དག་པར་བསྡུ་བ་ཡང་རབ་ཏུ་མཁྱེན་ཏོ། །བཀོད་པ་མཐའ་ཡས་དེ་བཞིན་གཤེགས་
D46.039.0093a04.01པ་ནི་སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་ལ་གནས་པ་ཡིན་ནོ། །{བཅྭ་,བཅོ་}བརྒྱད་པོ་གང་དག་ལ་གནས་ཤེ་ན། བཀོད་པ་མཐའ་ཡས་དེ་བཞིན་གཤེགས་པ་གང་གི་ནུབ་མོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་ལེན་པ་མ་ལུས་པའི་
D46.039.0093a05.01མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་བ་དེའི་བར་དུ་དེ་བཞིན་གཤེགས་པ་ལ་འཁྲུལ་པ་མི་མངའོ། །ཅ་ཅོ་མི་མངའོ། །བསྙེལ་བ་མི་མངའོ། །སོ་སོར་མ་བརྟགས་པའི་འགོག་པ་མི་མངའོ། །འདུ་ཤེས་ཐ་དད་པ་མི་མངའོ། །སེམས་མཉམ་པར་
D46.039.0093a06.01མ་བཞག་པ་མི་མངའོ། །བརྩོན་འགྲུས་ཉམས་པ་མི་མངའོ། །དྲན་པ་ཉམས་པ་མི་མངའོ། །འདུན་པ་ཉམས་པ་མི་མངའོ། །ཏིང་ངེ་འཛིན་ཉམས་པ་མི་མངའོ། །ཤེས་རབ་ཉམས་པ་མི་མངའོ། །རྣམ་པར་གྲོལ་བ་ཉམས་པ་མི་མངའོ། །རྣམ་པར་གྲོལ་བའི་ཡེ་ཤེས་མཐོང་བ་ཉམས་
D46.039.0093a07.01