完整藏文原文 · 德格版页 当前仅加载第 39 函德格 68a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡིན། ས་གང་ལ་ཡང་ཆགས་པ་མེད་ཅིང་ཁམས་གསུམ་ཐམས་ཅད་ལ་རོ་མྱང་བ་མེད་པ་དང་། ཉེས་དམིགས་དང་། ངེས་པར་འབྱུང་བ་དང་། ཉེ་བར་ཞི་བ་དང་། མོས་པའི་ཁམས་ཀྱང་རྟོགས་ལ་དེ་ལ་མངོན་པར་ཞེན་པ་མེད་ཅིང་མི་གནས་པའི་སེམས་སྐྱེད་
D46.039.0068a01.01པར་ཡང་བྱེད་དོ། །ཆོས་རྣམས་ལ་ཡོངས་སུ་རྟོག་ཅིང་ཀུན་འབྱུང་འགག་པར་བྱ་བའི་ཕྱིར་སེམས་ཅན་རྣམས་ལ་བྱམས་པ་ཆེན་པོ་དང་། སྙིང་རྗེ་ཆེན་པོ་བསྐྱེད་ནས་དབང་པོ་ཡོངས་སུ་སྨིན་པ་རྣམས་ལ་ངེས་པར་འབྱུང་བའི་བློ་ཡང་དག་པར་སྐྱེད་པར་ཡང་བྱེད། ཤེས་རབ་མཆོག་གི་རྗེས་སུ་
D46.039.0068a02.01སོང་བའི་བློའི་ཚུལ་ལ་མཁས་པས་སེམས་ཅན་ཐམས་ཅད་ཀྱི་ཚུལ་ལ་མཁས་པའི་བདག་པོ་རྗེས་སུ་དྲན་ཞིང་ཆོས་རྣམས་ལ་གཟུངས་ཀྱི་ཚུལ་ཉམས་པ་མེད་པ་ལ་མཁས་པ་ཡང་ཐོབ་པར་འགྱུར། ཆོས་ཐམས་ཅད་རབ་ཏུ་རྣམ་པར་དབྱེ་བ་ཤེས་པ་ལ་མཁས་པས་ལེགས་པར་རྣམ་པར་
D46.039.0068a03.01བལྟས་ནས་ཆོས་བསམ་གྱིས་མི་ཁྱབ་པའི་ཚུལ་རྣམ་པར་གཏན་ལ་དབབ་པ་ལ་རྟོག་ཅིང་གཞོན་ནུའི་ཚེ་འདོད་པ་རྣམས་ལ་རྩེ་ཞིང་ཀུན་ཏུ་སྐྱོ་བར་འགྱུར་བའི་སེམས་དབེན་པ་ལ་མངོན་དུ་ཕྱོགས་པས་ནོར་དང་འབྲུ་དང་གཉེན་ཐམས་ཅད་སྤངས་ཏེ་ཁྱིམ་ནས་ཁྱིམ་མེད་པར་མངོན་པར་འབྱུང་བར་ཡང་འགྱུར།
D46.039.0068a04.01རབ་ཏུ་བྱུང་ནས་ཀྱང་བསམ་གྱིས་མི་ཁྱབ་པའི་ཚུལ་ལ་མཁས་པའི་བློ་དང་ལྡན་ཞིང་ལས་ཇི་ལྟ་བ་བཞིན་དུ་ལེགས་པར་བྱས་པ་ཉེ་བར་བསགས་པའི་བྱང་ཆུབ་ཀྱི་སྙིང་པོར་སོང་ནས་སྨོན་ལམ་རྣམ་པར་བཀོད་པ་ཇི་ལྟ་བ་བཞིན་དུ་གཟུངས་ཀྱི་ཚུལ་ལ་མཁས་པ་བླ་ན་མེད་པ་ཡང་འཐོབ་པར་འགྱུར།
D46.039.0068a05.01གཟུངས་ལ་མཁས་པ་རྣམ་པར་དག་པ་ཕུལ་དུ་ཕྱིན་པ་དེས་ཆོས་ཐམས་ཅད་ཀྱང་རང་བྱུང་གི་ཡེ་ཤེས་ཀྱིས་རྟོགས་པར་འགྱུར། ཐམས་ཅད་མཁྱེན་པའི་ཡེ་ཤེས་ཀུན་ཏུ་འཛིན་པ་ལ་མཁས་པ་ཉམས་པ་མེད་པ་ཡང་འཐོབ་པར་འགྱུར། དེ་ཐམས་ཅད་མཁྱེན་པའི་ཡེ་ཤེས་ཀྱི་གཟུངས་རྗེས་སུ་ཐོབ་
D46.039.0068a06.01ནས་ཐམས་ཅད་མཁྱེན་པའི་ཡེ་ཤེས་རྣམ་པར་ངེས་པ་ཤིན་ཏུ་སྦྱངས་པ་ཡང་འཐོབ་པར་འགྱུར། ཐམས་ཅད་མཁྱེན་པའི་ཡུལ་བླ་ན་མེད་པ་ལ་ལེགས་པར་གནས་ཤིང་ཆོས་དང་འཐུན་པར་ཆོས་ཀྱི་འཁོར་ལོ་བླ་ན་མེད་པ་ཡང་སྐོར་བར་འགྱུར། ཆོས་ཐམས་ཅད་ཤེས་ཤིང་ངེས་པའི་ཚིག་
D46.039.0068a07.01