完整藏文原文 · 德格版页 当前仅加载第 39 函德格 56a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་མཁྱེན་པའི་ཡེ་ཤེས་ཀྱི་ཚིག་{བླ་དགས་,བླ་དྭགས་}ཡིན་ནོ། །བཀོད་པ་མཐའ་ཡས་གང་ལས་ཆོས་འདི་དག་སྟོན་ཅིང་རྗོད་པར་འགྱུར་བ་དེ་ནི་དེ་བཞིན་གཤེགས་པའི་རང་བྱུང་གི་ཡེ་ཤེས་གཟིགས་པའི་སྒོ་ཤིན་ཏུ་རྣམ་པར་དག་པ། སྒོ་མཐའ་ཡས་པ་རྣམ་པར་དག་པ་ལ་
D46.039.0056a01.01གནས་པ། གནས་པ་མེད་པ། མི་གནས་པའི་ཚུལ་གྱིས་ཆོས་མང་པོ་འཛིན་པར་སྣང་བ་ཡིན་ནོ། །བཀོད་པ་མཐའ་ཡས་ངས་ཆོས་ཐམས་ཅད་སངས་རྒྱས་ཀྱི་ཆོས་ཡིན་ནོ་ཞེས་བཤད་པ་ནི་གང་ཆོས་ཐམས་ཅད་རྗེས་སུ་རྟོགས་པ་དེ་སངས་རྒྱས་ཀྱི་ཆོས་ཞེས་བྱ་སྟེ། སངས་
D46.039.0056a02.01རྒྱས་ཀྱི་ཡེ་ཤེས་ཀྱིས་ཆོས་ཐམས་ཅད་ཀྱི་རང་བཞིན་མཉམ་པར་ཐུགས་སུ་ཆུད་པ་དེའི་ཕྱིར་ཆོས་འདི་དག་ནི་སངས་རྒྱས་ཀྱི་ཆོས་ཡིན་ནོ། །ཆོས་སོ་ཅོག་རྗེས་སུ་རྟོགས་པར་བྱ་བའི་ཕྱིར་ཆོས་ཐམས་ཅད་ཁོང་དུ་ཆུད་པ་ཞེས་བསྟན་པ་ཡང་ཆོས་རྣམས་རྗེས་སུ་རྟོགས་པ་གང་ཡིན་
D46.039.0056a03.01པ་འདི་ནི་གཟུངས་ཀྱི་སྒོ་རྗེས་སུ་རྟོགས་པ་ཡིན་ཏེ། ཆོས་ཐམས་ཅད་ཀྱི་ཁོངས་སུ་གཏོགས་པའི་ཕྱིར་རོ། །བཀོད་པ་མཐའ་ཡས་གཟུངས་འདི་ལྟ་བུ་ནི་བཤད་པ་དང་། བསྔགས་པ་དང་། བརྗོད་པ་དང་། རབ་ཏུ་བརྗོད་པ་དང་། དཔེར་བསྟན་པ་ཐམས་ཅད་ཀྱི་ཁོངས་
D46.039.0056a04.01སུ་གཏོགས་པ་ཡིན། ནང་དུ་འདུས་པ་དང་། གཙོ་བོར་གྱུར་པ་དང་། སྙིང་པོར་གྱུར་པ་ཡིན་ཏེ། བསྔགས་པ་དང་། བཤད་པ་དང་། དཔེར་བསྟན་པ་ཐམས་ཅད་ནི་ཡི་གེའི་རྣམ་པར་རིག་པས་རྗོད་པར་བྱེད། སྟོན་པར་བྱེད། རབ་ཏུ་གསལ་བར་བྱེད་དོ། །
D46.039.0056a05.01བཀོད་པ་མཐའ་ཡས་དེ་ལ་ཡི་གེའི་རྣམ་པར་རིག་པ་ནི་ཨ་ཞེས་བྱ་བ་སྔོན་དུ་འགྲོ་བ་ཡིན་ལ། ཡི་གེ་བསྟན་པ་ནི་ཧ་ཞེས་བྱ་བས་མཐར་གཏུགས་པ་ཡིན་ནོ། །བཀོད་པ་མཐའ་ཡས་དཔེར་ན་མངལ་དུ་བུ་འཆགས་ཤིང་འཛིན་པའི་སྔོན་དུ་འགྲོ་བ་ནི་མ་ཡིན་ལ། ས་བོན་ཉེ་བར་
D46.039.0056a06.01འཇོག་པའི་སྔོན་དུ་འགྲོ་བ་ནི་ཕ་ཡིན། ཕུང་པོའི་ན་ཚོད་འགྱུར་བའི་སྔོན་དུ་འགྲོ་བ་ནི་སྐྱེ་བ་ཡིན། དེའི་འོག་ཏུ་ནི་ཡན་ལག་མཐའ་དག་གི་དབྱིབས་རྣམ་པར་ཕྱེ་བ་དང་། སྐྱེ་མཆེད་རྣམ་པར་ཕྱེ་བ་དང་། དབང་པོ་རྣམ་པར་ཕྱེ་བ་དང་། དབང་པོ་ཡོངས་སུ་སྨིན་པའི་དབྱིབས་
D46.039.0056a07.01