完整藏文原文 · 德格版页 当前仅加载第 43 函德格 270a 版页；藏文 NFD、目录标记与异常页序保留在来源切片中，重复版页行以稳定序号区分。
དང་ལྡན་པ་ཡང་མ་ལགས་སོ། །བཀའ་སྩལ་པ། འཇམ་དཔལ་ཁྱོད་ཅི་དང་ལྡན། གསོལ་པ། བཅོམ་ལྡན་འདས་བདག་ནི་སངས་རྒྱས་ཀྱི་ཡུལ་མཉམ་པ་ཉིད་དང་མི་འགལ་བ་དང་ལྡན་ལགས་སོ། །བཀའ་སྩལ་པ། འཇམ་དཔལ་ཁྱོད་ཀྱིས་སངས་རྒྱས་ཀྱི་ཡུལ་རྙེད་དམ། གསོལ་པ། བཅོམ་ལྡན་
D79.043.0270a01.01འདས་གལ་ཏེ་བཅོམ་ལྡན་འདས་ཀྱིས་བརྙེས་ན་བདག་གིས་ཀྱང་རྙེད་ལགས་སོ། །དེ་ནས་ཚེ་དང་ལྡན་པ་རབ་འབྱོར་གྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་དེ་བཞིན་གཤེགས་པས་སངས་རྒྱས་ཀྱི་ཡུལ་མ་བརྙེས་སམ། སྨྲས་པ། གནས་བརྟན་གྱིས་ཉན་ཐོས་ཀྱི་
D79.043.0270a02.01ཡུལ་གང་ཡང་རྙེད་དམ། སྨྲས་པ། འཇམ་དཔལ་འཕགས་པའི་རྣམ་པར་གྲོལ་བའི་ཡུལ་ཡང་མེད། ཡུལ་རྙེད་པ་ཡང་མེད་དོ། །སྨྲས་པ། བཙུན་པ་རབ་འབྱོར་དེ་བཞིན་དུ་དེ་བཞིན་གཤེགས་པའི་རྣམ་པར་གྲོལ་བའི་ཡུལ་ཡང་མེད། ཡུལ་བརྙེས་པ་ཡང་མེད་དོ། །སྨྲས་པ། འཇམ་དཔལ་ཁྱོད་ནི་རྗེས་སུ་
D79.043.0270a03.01བསྲུང་བ་མེད་པར་ཆོས་སྟོན་ཏེ། ཁྱོད་ནི་ལས་དང་པོ་པ་རྣམས་རྗེས་སུ་མི་སྲུང་ངོ་། །སྨྲས་པ། དེ་བས་ན་གནས་བརྟན་ཉིད་ལ་ཡོངས་སུ་དྲིས་ཁྱོད་ཀྱིས་ཇི་ལྟར་བཟོད་པ་བཞིན་དུ་ལན་ཐོབ་ཤིག །བཙུན་པ་རབ་འབྱོར་འདི་ཇི་སྙམ་དུ་སེམས། གང་སྨན་པ་མཁས་པས་ནད་པ་ཡོངས་སུ་སྲུང་ཞིང་ཁ་བ་དང་། སྐྱུར་བ་
D79.043.0270a04.01དང་། ཚ་བའི་སྨན་མ་བྱིན་ན་ཅི་དེས་ནད་པ་དེ་ལ་ནད་མེད་པའི་བདེ་བ་བྱིན་པ་ཡིན་ནམ། །སྨྲས་པ། འཇམ་དཔལ་དེ་ནི་མ་ཡིན་ནོ། །སྨྲས་པ། བཙུན་པ་རབ་འབྱོར་དེ་བཞིན་དུ་གང་ཆོས་སྨྲ་བས་ལས་དང་པོ་པ་ཡོངས་སུ་སྲུང་ཞིང་ཟབ་མོའི་གཏམ་བཅབས་ཏེ། གཏམ་སྣ་ཚོགས་བསྟན་ན་དེས་དེ་ཡང་དང་ཡང་
D79.043.0270a05.01འཆི་བ་ལས་ཐར་བར་བྱས་པར་མི་འགྱུར། ཤིན་ཏུ་བདེ་བ་མྱ་ངན་ལས་འདས་པ་ལ་རབ་ཏུ་བཞག་པར་མི་འགྱུར་རོ། །བསྟན་པ་འདི་བཤད་པ་ན་དགེ་སློང་ལྔ་བརྒྱ་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །ལྷའི་བུ་བརྒྱད་བརྒྱ་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་
D79.043.0270a06.01བྲལ་བ་རྣམ་པར་དག་གོ །ལྷའི་བུ་བདུན་བརྒྱས་འཇམ་དཔལ་གཞོན་ནུར་གྱུར་པའི་སྤོབས་པ་ཐོབ་ནས་འདོད་ཅིང་ལྷག་པའི་བསམ་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །ཡང་ཚེ་དང་ལྡན་པ་རབ་འབྱོར་གྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །
D79.043.0270a07.01