完整藏文原文 · 德格版页 当前仅加载第 43 函德格 272b 版页；藏文 NFD、目录标记与异常页序保留在来源切片中，重复版页行以稳定序号区分。
འཇིག་རྟེན་གྱི་ཆོས་རྣམས་དང་མ་འདྲེས་པ་དེ་འཇིག་རྟེན་གྱི་ཆོས་རྣམས་ལས་ཡང་དག་པར་འདའོ། །བཙུན་པ་རབ་འབྱོར་གཞན་ཡང་ཕུང་པོ་ལྔ་ནི་རང་བཞིན་གྱིས་སྟོང་ངོ་། །གང་རང་བཞིན་གྱིས་སྟོང་པ་དེ་ལ་གཉིས་སུ་མེད་དོ། །གང་གཉིས་སུ་མེད་པ་དེ་ལ་ངར་འཛིན་པ་མེད། ང་ཡིར་འཛིན་པ་མེད་དོ། །གང་ལ་ངར་
D79.043.0272b01.01འཛིན་པ་མེད་པ་དང་། ང་ཡིར་འཛིན་པ་མེད་པ་དེ་ལ་ཆགས་པ་མེད་དེ། ཆགས་པ་མེད་པ་རྙེད་པ་ནི་འཇིག་རྟེན་ལས་ཡང་དག་པར་འདའོ། །བཙུན་པ་རབ་འབྱོར་གཞན་ཡང་ཕུང་པོ་ལྔ་ནི་རྐྱེན་ལ་རག་ལུས་པའོ། །གང་དག་རྐྱེན་ལ་རག་ལུས་པ་དེ་དག་རག་ལུས་པ་མེད་པའོ། །གང་དག་རག་ལུས་པ་
D79.043.0272b02.01མེད་པ་དེ་དག་བདག་པོ་མེད་པའོ། །གང་དག་བདག་པོ་མེད་པ་དེ་དག་བདག་གི་བ་མེད་པའོ་གང་དག་བདག་གི་བ་མེད་པ་དེ་དག་ཡོངས་སུ་འཛིན་པ་མེད་པའོ། །གང་དག་ཡོངས་སུ་འཛིན་པ་མེད་པ་དེ་ལ་འཐབ་པ་མེད་དོ། །གང་ལ་འཐབ་པ་མེད་པ་དེ་ལ་རྩོད་པ་མེད་དོ། །གང་ལ་རྩོད་པ་མེད་པ་དེ་དག་དགེ་
D79.043.0272b03.01སྦྱོང་གི་ཆོས་རྩོད་པ་མེད་པའོ། །གང་དག་དགེ་སྦྱོང་གི་ཆོས་མི་རྩོད་པ་དེ་དག་ནམ་མཁའ་ལ་ལག་པ་དང་མཚུངས་ཏེ། ཆོས་ཐམས་ཅད་ཀྱང་ནམ་མཁའ་ལ་ལག་པ་དང་མཚུངས་པར་ཤེས་ནས་འཇིག་རྟེན་ལས་ཡང་དག་པར་འདའོ། །བཙུན་པ་རབ་འབྱོར་གཞན་ཡང་ཕུང་པོ་ལྔ་ནི་ཆོས་ཀྱི་དབྱིངས་དང་མཉམ་
D79.043.0272b04.01པའོ། །ཆོས་ཀྱི་དབྱིངས་ཀྱང་དབྱིངས་མེད་པ་སྟེ། གང་དབྱིངས་མེད་པ་དེ་ལ་མིག་གི་ཁམས་མེད་དོ། །གཟུགས་ཀྱི་ཁམས་མེད་དོ། །མིག་གི་རྣམ་པར་ཤེས་པའི་ཁམས་མེད་དོ། །རྣ་བའི་ཁམས་མེད་དོ། །སྒྲའི་ཁམས་མེད་དོ། །རྣ་བའི་རྣམ་པར་ཤེས་པའི་ཁམས་མེད་དོ། །སྣའི་
D79.043.0272b05.01ཁམས་མེད་དོ། །དྲིའི་ཁམས་མེད་དོ། །སྣའི་རྣམ་པར་ཤེས་པའི་ཁམས་མེད་དོ། །ལྕེའི་ཁམས་མེད་དོ། །རོའི་ཁམས་མེད་དོ། །ལྕེའི་རྣམ་པར་ཤེས་པའི་ཁམས་མེད་དོ། །ལུས་ཀྱི་ཁམས་མེད་དོ། །རེག་པའི་ཁམས་མེད་དོ། །ལུས་ཀྱི་རྣམ་པར་ཤེས་པའི་ཁམས་མེད་དོ། །ཡིད་ཀྱི་
D79.043.0272b06.01ཁམས་མེད་དོ། །ཆོས་ཀྱི་ཁམས་མེད་དོ། །ཡིད་ཀྱི་རྣམ་པར་ཤེས་པའི་ཁམས་མེད་དོ། །གང་ཁམས་མེད་པ་དེ་ལ་སའི་ཁམས་མེད་དོ། །ཆུའི་ཁམས་མེད་དོ། །མེའི་ཁམས་མེད་དོ། །རླུང་གི་ཁམས་མེད་དོ། །ནམ་མཁའི་ཁམས་མེད་དོ། །རྣམ་པར་ཤེས་པའི་ཁམས་མེད་དོ། །
D79.043.0272b07.01