完整藏文原文 · 德格版页 当前仅加载第 43 函德格 276a 版页；藏文 NFD、目录标记与异常页序保留在来源切片中，重复版页行以稳定序号区分。
སྱ་སཱུ་ཏྲ་སྱ་དྷཱ་རི་ཀ། ཨ་བྷྲ་མུ་ག་ཏ་ཨི་བ་སཱུརྱ་སྭཱ་ཧཱ། བཅོམ་ལྡན་འདས་ཆོས་སྨྲ་བ་གང་གསང་སྔགས་ཀྱི་ཚིག་འདི་རྣམས་ཀྱིས་ཀུན་དུ་བསྲུངས་པ་དེ་ལ་བདུད་ཀྱི་རིས་ཀྱི་ལྷའི་བུ་རྣམས་ཀྱིས་བར་ཆད་བགྱི་བ་ནི་གནས་མ་ལགས་ཤིང་སྐབས་མ་ལགས་ཏེ། དེ་ནི་གནས་མ་མཆིས་ཀྱི་སྟེང་དུ་དེ་ལ་གོས་
D79.043.0276a01.01དང་། ཟས་དང་། མལ་ཆ་དང་། ན་བའི་གསོས་སྨན་དང་། ཡོ་བྱད་རྣམས་ཉེ་བར་བསྒྲུབ་པ་དང་། སྤྲོ་བར་བགྱི་བ་དང་། སྤོབས་པར་བགྱི་བར་སྤྲོ་བར་འགྱུར་ལགས་སོ། །བཅོམ་ལྡན་འདས་རིགས་ཀྱི་བུ་འམ་རིགས་ཀྱི་བུ་མོ་གང་དག་གསང་སྔགས་ཀྱི་ཚིག་འདི་དག་བརྗོད་པས་གཡེང་བ་མ་མཆིས་
D79.043.0276a02.01པའི་རྒྱུད་ཀྱིས་གདུགས་མཚན་འདས་པར་བགྱིད་པ་དེ་དག་ལྷ་རྣམས་ཀྱིས་བསྲུངས་པར་འགྱུར། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ལགས་པ་རྣམས་ཀྱིས་བསྲུངས་པར་འགྱུར་ཏེ། དེ་
D79.043.0276a03.01དག་ལ་སླར་རྒོལ་བའམ་མི་མཛའ་བ་གང་གིས་གླགས་བལྟས་ཀྱང་གླགས་རྙེད་པར་མི་འགྱུར་ལགས་སོ། །དེ་ནས་བཅོམ་ལྡན་འདས་ཀྱིས་བདུད་སྡིག་ཅན་ལ་ལེགས་སོ་ཞེས་བྱ་བ་བྱིན་ཏེ། སྡིག་ཅན་ལེགས་སོ་ལེགས་སོ། །འདིར་ཁྱོད་ཀྱིས་གསང་སྔགས་ཀྱི་ཚིག་བསྟན་པ་བརྗོད་པས་
D79.043.0276a04.01འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་རྣམ་པ་དྲུག་ཏུ་གཡོས་ཏེ། ཁྱོད་ཀྱི་སྤོབས་པ་དེ་ཐམས་ཅད་ནི་འཇམ་དཔལ་གཞོན་ནུར་གྱུར་པའི་བྱིན་གྱིས་བརླབས་སུ་རིག་པར་བྱའོ། །འཇམ་དཔལ་གཞོན་ནུར་གྱུར་པའི་རྫུ་འཕྲུལ་རྣམ་པར་འཕྲུལ་པའི་ཆོ་འཕྲུལ་དང་བྱིན་གྱི་རླབས་འདི་བསྟན་
D79.043.0276a05.01པ་དང་། བདུད་ཀྱི་གསང་སྔགས་ཀྱི་སྟོབས་དང་། རིག་སྔགས་ཀྱི་སྟོབས་བསྟན་པ་ན་སྲོག་ཆགས་ཉི་ཁྲིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་གྱུར་ཏོ། །དེ་ནས་འཇམ་དཔལ་གཞོན་ནུར་གྱུར་པས་རྫུ་འཕྲུལ་བསྡུས་ནས་ལྷའི་བུ་དཔལ་{བཟངས་,བཟང་}ལ་འདི་སྐད་ཅེས་
D79.043.0276a06.01སྨྲས་སོ། །ལྷའི་བུ་ཁྱོད་དགའ་ལྡན་གྱི་གནས་སུ་སོང་ལ་དགའ་ལྡན་གྱི་རིས་ཀྱི་ལྷའི་བུ་རྣམས་སྡུས་ཤིག་དང་ཁོ་བོ་ཡང་དེར་འོང་ངོ་། །དེ་ནས་ལྷའི་བུ་དཔལ་{བཟངས་ཀྱིས་,བཟང་གིས་}འཇམ་དཔལ་གཞོན་ནུར་གྱུར་པའི་ལྟར་མཉན་ཏེ། བཅོམ་ལྡན་འདས་དང་འཇམ་དཔལ་གཞོན་ནུར་གྱུར་པ་དང་
D79.043.0276a07.01