完整藏文原文 · 德格版页 当前仅加载第 43 函德格 277a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་དང་ལྡན་པའི་འཁོར་ཀྱང་སྟན་ཅི་རིགས་པ་ལ་འཁོད་དོ། །རྒྱལ་ཆེན་བཞིའི་རིས་ཀྱི་ལྷ་རྣམས་དང་། སུམ་ཅུ་རྩ་གསུམ་དང་། འཐབ་བྲལ་དང་། འཕྲུལ་དགའ་དང་། གཞན་འཕྲུལ་དབང་བྱེད་དང་། བདུད་ཀྱི་རིས་རྣམས་དང་། གཟུགས་ན་སྤྱོད་པའི་ཚངས་རིས་ཀྱི་ལྷ་ནས་བཟུང་སྟེ།
D79.043.0277a01.01འོག་མིན་གྱི་བར་གྱི་ལྷ་རྣམས་ཀྱིས་གཅིག་ནས་གཅིག་ཏུ་སྒྲ་ཐོས་པ། འདི་ལྟར་འཇམ་དཔལ་གཞོན་ནུར་གྱུར་པ་དགའ་ལྡན་གྱི་གནས་སུ་འབེལ་བའི་ཆོས་ཀྱི་གཏམ་ཆེན་པོ་སྨྲ་བར་འགྱུར་གྱིས་བདག་ཅག་ཀྱང་ཆོས་མཉན་པའི་ཕྱིར་ངེས་པར་དེར་འདོང་བར་བྱའོ། །སྐྱེས་བུ་དམ་པ་དེ་ལྟ་བུ་དག་མཐོང་བ་ནི་
D79.043.0277a02.01ལེགས་པར་མཐོང་བའོ། །དེ་དག་ལས་ཆོས་ཐོས་པ་ནི་ལེགས་པར་ཐོས་པའོ་ཞེས་སྒྲ་ཐོས་ནས་སྐད་ཅིག་ཐང་ཅིག་ཡུད་ཙམ་དེ་ལ་འདོད་པ་ན་སྤྱོད་པ་དང་། གཟུགས་ན་སྤྱོད་པའི་ལྷའི་བུ་ཚད་མེད་གྲངས་མེད་པ་དག་རང་རང་གི་གནས་ནས་མི་སྣང་བར་གྱུར་ཏེ། དགའ་ལྡན་གྱི་གནས་སུ་ཕྱིན་ཏོ། །
D79.043.0277a03.01དེ་ནས་འཇམ་དཔལ་གཞོན་ནུར་གྱུར་པས་དེ་ལྟ་བུའི་བྱིན་གྱི་རླབས་ཀྱི་བྱིན་གྱིས་བརླབས་པས་དེས་ལྷའི་འཁོར་དེ་ཙམ་དུ་ཚད་མེད་པ་དག་རིན་པོ་ཆེ་བཀོད་པའི་ཁྱམས་ཀྱི་འཁོར་དེ་ཉིད་དུ་གོ་སྐབས་ཡངས་པར་གནས་པར་གྱུར་ཏོ། །དེ་ནས་ལྷའི་བུ་དཔལ་{བཟངས་ཀྱིས་,བཟང་གིས་}འཇམ་དཔལ་གཞོན་ནུར་གྱུར་པ་
D79.043.0277a04.01ལ་འདི་སྐད་ཅེས་སྨྲས་སོ། །འཇམ་དཔལ་ལྷའི་འཁོར་ཆེན་པོ་འདི་འདུས་ལགས་ན་ཆོས་ཀྱི་བཀའ་མཆིད་ལས་བརྩམས་ཏེ་སྤོབས་པར་མཛད་དུ་གསོལ། དེ་སྐད་ཅེས་སྨྲས་པ་དང་། འཇམ་དཔལ་གཞོན་ནུར་གྱུར་པས་ལྷའི་བུ་དཔལ་{བཟངས་,བཟང་}དང་། ཐམས་ཅད་དང་ལྡན་པའི་འཁོར་དེ་ལ་འདི་སྐད་ཅེས་
D79.043.0277a05.01སྨྲས་སོ། །གྲོགས་པོ་དག་ཆོས་བཞི་པོ་འདི་དག་ནི་བྱང་ཆུབ་སེམས་དཔའ་རྣམས་ཀྱི་དགེ་བའི་ཆོས་ཐམས་ཅད་སྡུད་པར་འགྱུར་བ་དག་གོ །བཞི་གང་ཞེ་ན། འདི་ལྟ་སྟེ་ཚུལ་ཁྲིམས་ལ་གནས་པའི་ཐོས་པ་དང་། བསམ་གཏན་ལ་གནས་པའི་ཤེས་རབ་དང་། མངོན་པར་ཤེས་པ་ལ་གནས་
D79.043.0277a06.01པའི་ཡེ་ཤེས་དང་། ཐབས་ལ་གནས་པའི་བག་ཡོད་པ་སྟེ། གྲོགས་པོ་དག་ཆོས་བཞི་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་དགེ་བའི་ཆོས་ཐམས་ཅད་སྡུད་པར་འགྱུར་བའོ། །གྲོགས་པོ་དག་དེ་ལ་ཡོངས་སུ་དག་པ་རྣམ་པ་བརྒྱད་ཀྱིས་ཚུལ་ཁྲིམས་ལ་འཇུག་སྟེ། ཡོངས་སུ་དག་པ་
D79.043.0277a07.01