完整藏文原文 · 德格版页 当前仅加载第 43 函德格 279b 版页；藏文 NFD、目录标记与异常页序保留在来源切片中，重复版页行以稳定序号区分。
སྡང་བ་དང་། གནོད་སེམས་དང་། བཟོད་པ་ལས་ཟློག་པ་དང་། བཟོད་པ་དང་ལྡན་པ་རྣམས་ལ་སྡང་བ་དང་། ལེ་ལོ་དང་། བརྩོན་འགྲུས་ལས་ཟློག་པ་དང་། བརྩོན་འགྲུས་དང་ལྡན་པ་རྣམས་ལ་སྡང་བ་དང་། རྣམ་པར་གཡེང་བ་དང་། བསམ་གཏན་ལས་ཟློག་པ་དང་། བསམ་གཏན་དང་ལྡན་པ་རྣམས་ལ་སྡང་བ་
D79.043.0279b01.01དང་། འཆལ་བའི་ཤེས་རབ་དང་། ཤེས་རབ་ལས་ཟློག་པ་དང་། ཤེས་རབ་དང་ལྡན་པ་རྣམས་ལ་སྡང་བའོ། །ཕ་རོལ་ཏུ་ཕྱིན་པ་རྣམས་ཀྱི་རྟོན་པ་གསུམ་གསུམ་གྱིས་ཉེ་བར་རྟོན་ཏེ། གསུམ་གསུམ་གང་ཞེ་ན། འདི་ལྟ་སྟེ། བདོག་པ་ཐམས་ཅད་ཡོངས་སུ་གཏོང་བ་དང་། རྣམ་པར་སྨིན་པ་ལ་མི་རེ་བ་དང་།
D79.043.0279b02.01བྱང་ཆུབ་ཏུ་ཡོངས་སུ་སྔོ་བ་དང་། ཚུལ་ཁྲིམས་ཡང་དག་པར་ལེན་པ་དང་། ཚུལ་ཁྲིམས་མཆོག་ཏུ་འཛིན་པ་མེད་པ་དང་། བྱང་ཆུབ་ཏུ་ཡོངས་སུ་སྔོ་བ་དང་། བཟོད་ཅིང་དེས་པ་དང་། བདག་དང་གཞན་རྗེས་སུ་སྲུང་བ་དང་། བྱང་ཆུབ་ཏུ་ཡོངས་སུ་སྔོ་བ་དང་། བརྩོན་འགྲུས་གཅེས་པ་མི་འདོར་བ་དང་། བླང་བ་མེད་
D79.043.0279b03.01ཅིང་དོར་བ་མེད་པ་དང་། བྱང་ཆུབ་ཏུ་ཡོངས་སུ་སྔོ་བ་དང་། བསམ་གཏན་ཉེ་བར་ལེན་པ་དང་། མི་གནས་པར་བསམ་གཏན་བྱེད་པ་དང་། བྱང་ཆུབ་ཏུ་ཡོངས་སུ་སྔོ་བ་དང་། ཤེས་རབ་ཀྱིས་སྣང་བ་དང་། སྤྲོས་པ་མེད་པ་དང་། བྱང་ཆུབ་ཏུ་ཡོངས་སུ་སྔོ་བ་སྟེ། གྲོགས་པོ་དག་བག་ཡོད་པའི་བྱང་ཆུབ་སེམས་
D79.043.0279b04.01དཔའ་རྣམས་ནི་ཕ་རོལ་ཏུ་ཕྱིན་པ་རྣམས་ཀྱི་རྟོན་པ་འདི་གསུམ་གསུམ་གྱིས་ཉེ་བར་རྟོན་ཏོ། །གྲོགས་པོ་དག་དེ་ལྟ་བས་ན་ཁྱེད་ཅག་བག་ཡོད་པར་གྱིས་ཤིག །སངས་རྒྱས་བཅོམ་ལྡན་འདས་རྣམས་ཀྱི་བྱང་ཆུབ་དང་། དེ་ལས་གཞན་པའི་དགེ་བ་བྱང་ཆུབ་ཀྱི་ཕྱོགས་ཀྱི་ཆོས་གང་ཡིན་པ་དག་ཀྱང་བག་ཡོད་པས་འཐོབ་
D79.043.0279b05.01བོ། །གྲོགས་པོ་དག་བག་ཡོད་པའི་བྱང་ཆུབ་སེམས་དཔའ་ནི་ཚེགས་ཆུང་ངུས་དྲན་པ་ཉེ་བར་གཞག་པ་བཞི་བསྒོམ་པ་ཡོངས་སུ་རྫོགས་པར་འགྱུར་ཏེ། དྲན་པ་ཉེ་བར་གཞག་པ་བཞི་བསྒོམ་པ་གང་ཞེ་ན། གང་ལ་ལུས་ཀྱི་གནས་མེད་པ་དང་། ཚོར་བའི་གནས་མེད་པ་དང་། སེམས་ཀྱི་གནས་མེད་པ་དང་། ཆོས་ཀྱི་གནས་མེད་པ་དེ།
D79.043.0279b06.01ཆོས་ཐམས་ཅད་ཀྱི་གནས་མེད་ཅིང་རྟེན་མེད་པ་འདི་ནི་དྲན་པ་ཉེ་བར་གཞག་པ་བསྒོམ་པ་ཞེས་བྱའོ། །ཚེགས་ཆུང་ངུས་ཡང་དག་པའི་སྤོང་བ་བཞི་བསྒོམ་པ་ཡོངས་སུ་རྫོགས་པར་འགྱུར་ཏེ། ཡང་དག་པའི་སྤོང་བ་བཞི་བསྒོམ་པ་གང་ཞེ་ན། གང་ཆོས་ཐམས་ཅད་ནམ་མཁའ་དང་མཚུངས་པ་དང་། གཟོད་མ་ཉིད་
D79.043.0279b07.01