完整藏文原文 · 德格版页 当前仅加载第 43 函德格 271a 版页；藏文 NFD、目录标记与异常页序保留在来源切片中，重复版页行以稳定序号区分。
གཟུང་བར་བྱའོ། །སྨྲས་པ། འཇམ་དཔལ་གལ་ཏེ་ཆོས་ཐམས་ཅད་ཡང་དག་པ་ཉིད་དུ་ངེས་པར་ངེས་པ་ཡིན་ན་འདི་ནི་སོ་སོའི་སྐྱེ་བོའི་སའོ། །འདི་ནི་ཉན་ཐོས་ཀྱི་སའོ། །འདི་ནི་རང་སངས་རྒྱས་(གྱི་,ཀྱི་)སའོ། །འདི་ནི་བྱང་ཆུབ་སེམས་དཔའི་སའོ། །འདི་ནི་སངས་རྒྱས་ཀྱི་སའོ་ཞེས་ས་རྣམ་པར་གཞག་
D79.043.0271a01.01པ་གདགས་པར་ག་ལ་འགྱུར། སྨྲས་པ། བཙུན་པ་རབ་འབྱོར་འདི་ལྟ་སྟེ། དཔེར་ན། ཕྱོགས་བཅུའི་ནམ་མཁའ་ལ་འདི་ནི་ཤར་ཕྱོགས་ཀྱི་ནམ་མཁའོ། །འདི་ནི་ལྷོ་ཕྱོགས་ཀྱིའོ། །འདི་ནི་ནུབ་ཕྱོགས་ཀྱིའོ། །འདི་ནི་བྱང་ཕྱོགས་ཀྱིའོ། །འདི་ནི་ཤར་ལྷོ་ཡིའོ། །འདི་ནི་ལྷོ་ནུབ་ཀྱིའོ། །འདི་ནི་
D79.043.0271a02.01ནུབ་བྱང་གིའོ། །འདི་ནི་བྱང་ཤར་གྱིའོ། །འདི་ནི་འོག་གིའོ། །འདི་ནི་སྟེང་གི་ཕྱོགས་ཀྱི་ནམ་མཁའོ་ཞེས་བརྗོད་ཀྱང་ཕྱོགས་ཆ་ལ་ཐ་དད་པ་ཡོད་ཀྱི། ནམ་མཁའ་ལ་ནི་ཐ་དད་པ་མེད་དོ། །བཙུན་པ་རབ་འབྱོར་དེ་བཞིན་དུ་ཆོས་ཐམས་ཅད་ཡང་དག་པ་ཉིད་དུ་ངེས་པར་ངེས་པ་ལ། དེ་བཞིན་གཤེགས་པ་ཐབས་
D79.043.0271a03.01ལ་མཁས་པས་འདི་ནི་སོ་སོའི་སྐྱེ་བོའི་སའོ། །འདི་ནི་ཉན་ཐོས་ཀྱི་སའོ། །འདི་ནི་རང་སངས་རྒྱས་ཀྱི་སའོ། །འདི་ནི་བྱང་ཆུབ་སེམས་དཔའི་སའོ། །འདི་ནི་སངས་རྒྱས་ཀྱི་སའོ། །ཞེས་ས་རྣམ་པར་འཇོག་ཀྱང་ས་རྣམ་པར་གཞག་པ་ལ་ཐ་དད་པ་ཡོད་ཀྱི་ཡང་དག་པ་ཉིད་དུ་ངེས་པ་ལ་ནི་ཐ་དད་པ་མེད་དོ། །
D79.043.0271a04.01སྨྲས་པ། འཇམ་དཔལ་ཁྱོད་ཡང་དག་པ་ཉིད་དུ་ངེས་པ་ལ་ཞུགས་སམ། །སྨྲས་པ། ཞུགས་པ་ཡང་ཡིན་ལ། བྱུང་བ་ཡང་ཡིན་ནོ། །སྨྲས་པ། འཇམ་དཔལ་ཇི་ལྟར་ན་ཁྱོད་ཞུགས་པ་ཡང་ཡིན་ལ། བྱུང་བ་ཡང་ཡིན། སྨྲས་པ། བཙུན་པ་རབ་འབྱོར་འདི་ལ་བྱང་ཆུབ་སེམས་དཔའ་རྣམས་
D79.043.0271a05.01ཀྱི་ཐབས་དང་། ཤེས་རབ་དང་། ཡེ་ཤེས་བལྟ་བར་བྱ་སྟེ། བཙུན་པ་རབ་འབྱོར་འདི་ན་སྐྱེས་བུ་མཁས་པ་ཁ་ཅིག་བཤད་པའི་དོན་དཔེས་ཤེས་པར་འགྱུར་བ་ཡོད་དེ། དེའི་ཕྱིར་ཁྱོད་ལ་དཔེ་བསྟན་པར་བྱའོ། །བཙུན་པ་རབ་འབྱོར་འདི་ལྟ་སྟེ་དཔེར་ན་འཕོང་གི་སློབ་དཔོན་ཆེན་པོ་ཞིག་ལ་སྡུག་པ། མཛེས་པ། ཡིད་དུ་འོང་བ། བལྟ་ན་སྡུག་
D79.043.0271a06.01པའི་བུ་གཅིག་པ་ཞིག་ཀྱང་ཡོད། དེ་ལ་མི་སྡུག་པ། ཡིད་དུ་མི་འོང་བ། ཕྱིར་རྒོལ་བ་ཞིག་ཀྱང་ཡོད་པ་ལས། དེས་བུ་གཅིག་པ་དེ་ཐག་རིང་པོ་ལམ་གོལ་བའི་ཕྱོགས་ཤིག་ན་འདུག་པ་མཐོང་ནས་དེ་འདི་སྙམ་དུ་དེ་ནི་བདག་ལ་ཕྱིར་རྒོལ་བ་ཡིན་ནོ་སྙམ་དུ་སེམས་སྐྱེས་ཏེ། དེས་དེ་གསད་པའི་ཕྱིར་མདའ་འཕངས་ནས་
D79.043.0271a07.01