完整藏文原文 · 德格版页 当前仅加载第 43 函德格 283b 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཙམ་གྱི་སྐད་ཅིག་ཐང་ཅིག་ཡུད་ཙམ་དེ་ལ། སངས་རྒྱས་ཀྱི་ཞིང་དེ་ནས་མི་སྣང་བར་གྱུར་ནས་འཇིག་རྟེན་གྱི་ཁམས་མི་མཇེད་འདིར་དགའ་ལྡན་གྱི་གནས་སུ་འཇམ་དཔལ་གཞོན་ནུར་གྱུར་པའི་མདུན་གྱི་སྟེང་གི་བར་སྣང་ལ་གནས་པའི་ཁང་པ་བརྩེགས་པར་ཕྱིན་ཏོ། །དེའི་གཡོག་འཁོར་
D79.043.0283b01.01དེ་དག་ཀྱང་ཁང་པ་བརྩེགས་པ་ལེགས་པར་གནས་པ་རྣམས་སུ་ཕྱིན་ཏོ། །དེ་དག་རང་རང་གི་སྟན་ལས་ལངས་ནས་ཐལ་མོ་སྦྱར་ཏེ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ཞིང་ཚིག་འདི་སྐད་ཅེས་ཀྱང་སྨྲས་སོ། །འཇམ་དཔལ་བདག་ཅག་ནི་བཅོམ་ལྡན་འདས་དེ་བཞིན་
D79.043.0283b02.01གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀུན་ཏུ་བཟང་པོ་དེས་ཁྱོད་ལ་བལྟ་བ་དང་། ཕྱག་བྱ་བ་དང་། བསྙེན་བཀུར་བྱ་བ་དང་། ཆོས་མཉན་པའི་ཕྱིར་འདིར་བཏང་ངོ་། །ཁྱོད་ཀྱིས་འོད་བཀྱེ་བ་དེ་ཡང་འཇིག་རྟེན་གྱི་ཁམས་དེར་ཕྱིན་ཏོ། །དེ་ནས་
D79.043.0283b03.01འདོད་པ་ན་སྤྱོད་པ་དང་། གཟུགས་ན་སྤྱོད་པའི་ལྷའི་བུ་དེ་དག་གིས་བྱང་ཆུབ་སེམས་དཔའ་དེ་དག་མཐོང་ནས་ངོ་མཚར་དུ་གྱུར་ཏེ། ཀྱེ་མ་ཇི་ཙམ་དུ་འདི་ལྟར་མྱུར་བར་འོད་ཟེར་འདི་འཇིག་རྟེན་གྱི་ཁམས་དེར་ཕྱིན་པ་དང་། ཇི་ལྟར་མྱུར་བར་བྱང་ཆུབ་སེམས་དཔའ་འདི་དག་འཇིག་
D79.043.0283b04.01རྟེན་གྱི་ཁམས་མི་མཇེད་འདིར་ཕྱིན་པ་འདི་ནི་སྐྱེས་བུ་དམ་པ་དེ་དག་གི་མངོན་པར་ཤེས་པའི་རྣམ་པར་འཕྲུལ་པའི་སྟོབས་དང་། ཏིང་ངེ་འཛིན་གྱི་བྱིན་གྱིས་བརླབས་ཀྱི་སྟོབས་བསམ་གྱིས་མི་ཁྱབ་པོ་ཞེས་ཆེད་དུ་བརྗོད་པ་ཆེད་དུ་བརྗོད་དོ། །དེ་ནས་འཇམ་དཔལ་གཞོན་ནུར་གྱུར་
D79.043.0283b05.01པས་ལྷའི་འཁོར་ཆེན་པོ་དེ་ལྟར་འདུས་པ་དེ་ལ་ཅི་ནས་ཀྱང་ལྷ་ཁྲག་ཁྲིག་ཕྲག་བདུན་ཅུ་རྩ་གཉིས་བསམ་པ་ཐག་པ་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དེ་ལྟ་དེ་ལྟར་ཆོས་བསྟན་ཏོ། །དེ་ནས་འཇམ་དཔལ་གཞོན་ནུར་གྱུར་པ་ཇི་སྲིད་དུ་དགའ་ལྡན་གྱི་གནས་
D79.043.0283b06.01སུ་ལྷ་རྣམས་ཀྱི་དོན་བྱ་བ་དེ་སྲིད་དུ་བྱས་ནས་བྱང་ཆུབ་སེམས་དཔའ་བྱེ་བ་ཕྲག་བཅུ་པོ་དེ་དག་དང་ལྷན་ཅིག །རང་གི་འཁོར་དང་ལྷན་ཅིག །བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་ལྷའི་བུ་དང་བཅས་པ་དང་ལྷན་ཅིག་ཏུ་དགའ་ལྡན་གྱི་གནས་ནས་མི་སྣང་བར་གྱུར་ཏེ། སེམས་ཀྱི་
D79.043.0283b07.01