完整藏文原文 · 德格版页 当前仅加载第 44 函德格 122b 版页；藏文 NFD、目录标记与异常页序保留在来源切片中，重复版页行以稳定序号区分。
སྐུར་དང་སྨོད་དང་བཤུང་དང་གསོད་པ་དང་། །འཆིང་བར་བྱེད་དང་གོ་རར་བཅུག་པ་ལ། །བདག་གིས་ཉེས་སེམས་གཞན་ལ་འཁྲུག་མི་བྱེད། །ལས་ནི་བདག་གིར་བྱ་བས་འཁོན་མི་འཛིན། །དེ་ནི་བདེ་གཤེགས་རྣམས་ཀྱི་བྱང་ཆུབ་དང་། །དད་ལ་གནས་ཤིང་བསམ་པ་དག་
D87.044.0122b01.01ལྡན་པ། །འདི་དག་དྲང་བའི་མཚན་དུ་སངས་རྒྱས་གསུངས། །སེམས་ཅན་མཆོག་གིས་རྟག་ཏུ་བསྟེན་པར་བྱ། །འོད་སྲུང་བཞི་པོ་འདི་དག་ནི་བྱང་ཆུབ་སེམས་དཔའ་དམུ་རྒོད་དེ། བཞི་གང་ཞེ་ན། འདི་ལྟ་སྟེ། ཐོས་པ་ལ་གཅེས་པ་འདོར་བའི་ཆོས་སུ་གནས་ཤིང་ཆོས་ཀྱི་རྗེས་སུ་འཐུན་
D87.044.0122b02.01པའི་ཆོས་སྒྲུབ་པ་ལ་ནན་ཏན་དུ་མི་བྱེད་པ་ཡིན། རྗེས་སུ་བསྟན་པ་ལ་གཅེས་པ་འདོར་བའི་ཆོས་སུ་གནས་ཤིང་སློབ་དཔོན་དང་མཁན་པོ་ལ་སྲི་ཞུ་མི་བྱེད་པ་ཡིན། དམ་བཅས་པ་ལས་ཉམས་ཀྱང་དད་པས་བྱིན་པ་ལ་ཀུན་དུ་སྤྱོད་དེ། དད་པས་བྱིན་པ་ལོག་པར་ལྟུང་བར་བྱེད་པ་ཡིན།
D87.044.0122b03.01བྱང་ཆུབ་སེམས་དཔའ་དུལ་བ་ཅང་ཤེས་རྣམས་མཐོང་ན་མི་གུས་ཤིང་ང་རྒྱལ་འཛིན་པ་ཡིན་ཏེ། འོད་སྲུང་བཞི་པོ་དེ་དག་ནི་བྱང་ཆུབ་སེམས་དཔའ་དམུ་རྒོད་དོ། །དེ་ལ་འདི་སྐད་ཅེས་བྱ་སྟེ། ཐོས་པས་རྒོད་པར་གནས་པར་བྱེད་པ་ཡིན། །རྗེས་སུ་བསྟན་པའི་ཆོས་ཉིད་རྟོགས་མི་འགྱུར། །
D87.044.0122b04.01དེ་ནི་ཆོས་ཀུན་གཅེས་པ་འདོར་བ་སྟེན། །འཕགས་པ་རྣམས་ལ་ནམ་ཡང་སྲི་ཞུ་མེད། །དམ་བཅས་ཉམས་ཀྱང་དད་པས་བྱིན་པ་ཡི། །ཁ་ཟས་རྣམས་ལ་དེ་ནི་རྟག་ཏུ་ཟ། །བྱང་ཆུབ་སེམས་དཔའ་ཅང་ཤེས་ཐོབ་པ་དག །མཐོང་བར་གྱུར་ན་གུས་པར་མི་བྱེད་ཅིང་། །དམུ་རྒོད་
D87.044.0122b05.01དེ་ནི་ང་རྒྱལ་འཕེལ་བར་བྱེད། །བྱང་ཆུབ་སེམས་དཔའ་ང་རྒྱལ་བཅག་མི་སྟེན། །འདི་དག་དམུ་རྒོད་བདེ་བར་གཤེགས་པས་གསུངས། །དེ་དག་རྒྱལ་སྲས་རྣམས་ཀྱིས་ཡོངས་སུ་སྤང་། །འོད་སྲུང་བཞི་པོ་འདི་དག་ནི་བྱང་ཆུབ་སེམས་དཔའ་ཅང་ཤེས་པ་སྟེ། བཞི་གང་ཞེ་ན།
D87.044.0122b06.01འདི་ལྟ་སྟེ། ལེགས་པར་ཐོས་པ་ཉན་ཅིང་དེ་ལ་ནན་ཏན་དུ་བྱེད་དེ་དོན་ལ་རྟོན་ཀྱི། ཚིག་འབྲུ་ལ་མི་རྟོན་པ་ཡིན། གདམས་ངག་དང་རྗེས་སུ་བསྟན་པ་ལ་འཐུན་པར་འཛིན་ཅིང་བཀའ་བློ་བདེ་ལ་ལེགས་པར་བྱེད་པའི་ལས་བྱེད་ཅིང་བླ་མ་ལ་སྲི་ཞུ་བྱ་བ་ཚར་ཕྱིན་པ་ཡིན། ཚུལ་ཁྲིམས་དང་ཏིང་
D87.044.0122b07.01