完整藏文原文 · 德格版页 当前仅加载第 44 函德格 151b 版页；藏文 NFD、目录标记与异常页序保留在来源切片中，重复版页行以稳定序号区分。
སྙན་ཕུན་སུམ་ཚོགས་ཤིང་འཇམ་མཉེན་ཚིག །སྣུམ་ཞིང་ཡིད་འོང་དེ་བཞིན་དགའ་བར་འགྱུར། །གཞན་གྱིས་སླར་མི་བཟློག་ཅིང་གཟུང་འོས་ཚིག །སྐྱེ་བོས་བཙུན་པར་བྱ་བའི་ཚིག་ཏུ་འགྱུར། །དེ་ཡི་ཚིག་ནི་ལྷ་དང་ཀླུ་དག་དང་། །མི་འམ་ཅི་དང་དེ་བཞིན་རྒྱལ་བས་བསྔགས། །དེས་བཤད་པ་ཡི་དོན་ཀྱང་འཛིན་བྱེད་དེ། །
D87.044.0151b01.01དེས་ནི་ངག་ལས་དག་པ་དེ་དག་འཐོབ། །ཁྲོ་བ་མེད་ཅིང་འཁོན་དུ་འཛིན་པ་མེད། །བརྟན་པ་འཆབ་པ་མེད་ཅིང་འཚིག་པ་མེད། །ཉེས་ལ་མི་དགའ་འཁོན་གཅུགས་དགའ་བ་མེད། །དེ་ཡི་འདུ་ཤེས་ཕྱིན་ཅི་ལོག་མི་འགྱུར། །བསླབ་པ་ཡང་དག་བླངས་ལ་སེམས་མི་ཞུམ། །སྤོང་བ་ལ་ནི་བག་མེད་མི་འགྱུར་ཏེ། །ཞུམ་པ་
D87.044.0151b02.01མེད་པའི་སེམས་ཀྱིས་ཞིང་སྦྱོང་བྱེད། །ང་རྒྱལ་ལས་ཀྱང་ང་རྒྱལ་ཡོངས་སྤངས་ནས། །ཏིང་འཛིན་འབྱོར་པ་ཐམས་ཅད་མངོན་བསྒྲུབས་ཤིང་། །ཡིད་ཀྱི་མངོན་པར་བསྒྲུབས་པའི་ཆོས་རྣམས་འཐོབ། །ཆོས་རྣམས་འདི་དག་ལྡན་པར་གྱུར་པ་ལ། །སངས་རྒྱས་དངོས་པོ་དཀོན་པར་མི་འགྱུར་རོ། །འོད་སྲུང་གང་ལ་ལ་བདེ་
D87.044.0151b03.01བའི་ཡོ་བྱད་ཐམས་ཅད་ཀྱིས་ང་ལ་བཀུར་སྟི་བྱེད་པར་འདོད་པ་དང་མཆོད་པ་ཐམས་ཅད་ཀྱིས་མཆོད་པར་འདོད་པ་དེས་དཀོན་མཆོག་བརྩེགས་པ་ཆེན་པོའི་ཆོས་ཀྱི་རྣམ་གྲངས་འདི་གཟུང་བར་བྱ། ཀུན་ཆུབ་པར་བྱ། ཡི་གེར་བྲི་བར་བྱ། བཀླག་པར་བྱ། བཅང་བར་བྱའོ། །འོད་སྲུང་དེ་ལྟར་ན་དེ་བཞིན་གཤེགས་པ་དགྲ་བཅོམ་པ་ཡང་
D87.044.0151b04.01དག་པར་རྫོགས་པའི་སངས་རྒྱས་རྣམས་ལ་མཆོད་པ་བླ་ན་མེད་པ་བྱས་པར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་འོད་སྲུང་ཆེན་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སངས་རྒྱས་ཀྱི་ཞིང་སྣ་ཚོགས་ནས་འདུས་པ་དེ་དག་དང་། དགེ་སློང་དེ་དག་
D87.044.0151b05.01དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།འཕགས་པ་དཀོན་མཆོག་བརྩེགས་པ་ཆེན་པོའི་ཆོས་ཀྱི་རྣམ་གྲངས་ལེའུ་སྟོང་ཕྲག་བརྒྱ་པ་ལས་འོད་སྲུང་གི་ལེའུ་ཞེས་
D87.044.0151b06.01བྱ་སྟེ་བཞི་བཅུ་རྩ་གསུམ་པ་རྫོགས་སོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང་། ཤཱི་ལེན་དྲ་བོ་དྷི་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་ཆད་ཀྱིས་ཀྱང་བཅོས་ནས་གཏན་ལ་ཕབ་པ།། །།
D87.044.0151b07.01