完整藏文原文 · 德格版页 当前仅加载第 44 函德格 147a 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་པ་ཟབ་མོ་འདི་ལ་མི་འཇུག་སྟེ། མ་རྟོགས་མ་མོས་པས་སྟན་ལས་ལངས་ཏེ་མཆིས་སོ། །བཅོམ་ལྡན་འདས་ཀྱིས་བཀའ་སྩལ་པ། འོད་སྲུང་འདི་ལྟར་དགེ་སློང་མངོན་པའི་ང་རྒྱལ་ཅན་འདི་དག་ནི་ཚུལ་ཁྲིམས་རྣམ་པར་དག་པ་ཟག་པ་མེད་པ་འདི་ལ་མི་འཇུག་སྟེ། མ་རྟོགས་མི་
D87.044.0147a01.01མོས་ཤིང་སྐྲག་སྟེ་ཀུན་དུ་དངངས། ཀུན་ཏུ་རབ་ཏུ་དངངས་སོ། །འོད་སྲུང་ཚིགས་སུ་བཅད་པ་མངོན་པར་སྒྲུབ་པ་ཟབ་པས་སངས་རྒྱས་བཅོམ་ལྡན་འདས་རྣམས་ཀྱི་བྱང་ཆུབ་ཟབ་སྟེ། དེ་ལ་དགེ་བའི་རྩ་བ་མ་བསྐྱེད་པ། སྡིག་པའི་གྲོགས་པོས་ཡོངས་སུ་ཟིན་པ་དང་། མོས་པ་མི་མང་བ་དག་གིས་མོས་
D87.044.0147a02.01པར་མི་ནུས་སོ། །འོད་སྲུང་དགེ་སློང་ལྔ་བརྒྱ་པོ་འདི་དག་ནི་དེ་བཞིན་གཤེགས་པ་འོད་སྲུང་གི་གསུང་རབ་ལ་མུ་སྟེགས་ཅན་གྱི་ཉན་ཐོས་སུ་གྱུར་ཏེ་དེ་དག་དེ་བཞིན་གཤེགས་པ་འོད་སྲུང་ལས་རྒལ་བའི་བསམ་པས་ཆོས་བསྟན་པ་གཅིག་ཐོས་སོ། །ཐོས་ནས་དད་པའི་སེམས་གཅིག་རྙེད་དེ། ཇི་
D87.044.0147a03.01ཙམ་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་འཇམ་ཞིང་སྙན་པར་གསུང་བ་ངོ་མཚར་ཏོ་སྙམ་མོ། །དེ་དག་འཆི་བའི་དུས་བྱས་ནས་དད་པའི་སེམས་གཅིག་རྙེད་པ་དེས་སུམ་ཅུ་རྩ་གསུམ་པའི་ལྷ་རྣམས་ཀྱི་ནང་དུ་སྐྱེས་སོ། །དེ་དག་དེ་ནས་ཤི་འཕོས་
D87.044.0147a04.01ནས་འདིར་སྐྱེས་ཏེ། རྒྱུ་དེ་ཉིད་ཀྱིས་ངའི་བསྟན་པ་འདི་ལ་རབ་ཏུ་བྱུང་སྟེ། འོད་སྲུང་དགེ་སློང་ལྔ་བརྒྱ་པོ་ལྟ་བར་བྱིང་བ་འདི་དག་ནི་ཆོས་བསྟན་པ་ཟབ་མོ་འདི་ལ་མི་འཇུག་སྟེ། མི་རྟོགས་མི་མོས་ཤིང་སྐྲག་སྟེ། ཀུན་ཏུ་དངངས། ཀུན་ཏུ་རབ་ཏུ་དངངས་སོ། །ཡང་འདི་དག་ནི་ཆོས་བསྟན་པ་འདིས་
D87.044.0147a05.01ཡོངས་སུ་སྦྱང་བ་བྱས་ཏེ་ཕྱིས་ངན་འགྲོ་ལོག་པར་ལྟུང་བར་མི་འགྱུར་ཞིང་ཕུང་པོ་འདི་དག་ཉིད་ཀྱིས་ཡོངས་སུ་མྱ་ངན་ལས་འདའོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་བཀའ་སྩལ་པ། རབ་འབྱོར་ཁྱོད་སོང་ལ་དགེ་སློང་དེ་དག་ཀུན་ཤེས་པར་བྱོས་ཤིག །རབ་འབྱོར་
D87.044.0147a06.01གྱིས་གསོལ་པ། བཅོམ་ལྡན་འདས་ཉིད་ཀྱིས་འདི་དག་ལ་བཤད་ན་ཡང་འཐུན་པར་མི་བགྱིད་ན་བདག་ལ་ལྟ་སྨོས་ཀྱང་ཅི་འཚལ། དེ་ནས་བཅོམ་ལྡན་འདས་ཀྱིས་དགེ་སློང་དེ་དག་ལམ་གང་ནས་འདོང་བའི་ལམ་དེར་དགེ་སློང་གཉིས་ཤིག་སྤྲུལ་པ་སྤྲུལ་ཏོ། །དེ་ནས་དགེ་སློང་ལྔ་
D87.044.0147a07.01