完整藏文原文 · 德格版页 当前仅加载第 44 函德格 142b 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱོད་པ་སྟེ། འདི་གཉིས་སོ། །དེ་ལ་འདི་སྐད་ཅེས་བྱ་སྟེ། དམ་པའི་ཆོས་ནི་སྤོང་བ་དང་། །ཚུལ་ཁྲིམས་ཉམས་ཀྱང་སྤྱོད་པ་སྟེ། །སེར་བ་འབབ་པ་འདི་གཉིས་ནི། །རྒྱལ་སྲས་རྣམས་ཀྱིས་སྤང་བར་བྱ། །འོད་སྲུང་འདི་གཉིས་ནི་རབ་ཏུ་བྱུང་བའི་རྨ་ཡིན་ཏེ། གཉིས་
D87.044.0142b01.01གང་ཞེ་ན། ཕ་རོལ་གྱི་ཉེས་པ་ལ་སོ་སོར་རྟོག་པ་དང་། བདག་གི་ཉེས་པ་འཆབ་པ་སྟེ་འདི་གཉིས་སོ། །དེ་ལ་འདི་སྐད་ཅེས་བྱ་སྟེ། བདག་གི་སྐྱོན་ནི་འཆབ་བྱེད་དང་། །ཕ་རོལ་ཉེས་ལ་རྟོག་བྱེད་པ། །འདི་གཉིས་དུག་གི་མེ་དང་འདྲ། །རྟོག་པ་རྣམས་ཀྱི་རྨ་
D87.044.0142b02.01འདི་སྤང་། །འོད་སྲུང་འདི་གཉིས་ནི་རབ་ཏུ་བྱུང་བའི་ཡོངས་སུ་གདུང་བ་སྟེ། གཉིས་གང་ཞེ་ན། རྙོག་པ་དང་བཅས་པའི་སེམས་ཀྱིས་ངུར་སྨྲིག་འཆང་བ་དང་། ཚུལ་ཁྲིམས་དང་ལྡན་པ། ཡོན་ཏན་དང་ལྡན་པ་ལས་བསྙེན་བཀུར་དང་རིམ་གྲོར་བྱ་བ་བདག་གིར་བྱེད་
D87.044.0142b03.01པ་སྟེ་འདི་གཉིས་སོ། །དེ་ལ་འདི་སྐད་ཅེས་བྱ་སྟེ། རྙོག་དང་བཅས་པའི་སེམས་ཀྱིས་ངུར་སྨྲིག་འཆང་བ་དང་། །བསྙེན་བཀུར་རིམ་གྲོ་བྱེད་དང་གུས་པར་སྨྲ་བ་དག །ཚུལ་ཁྲིམས་ལྡན་པ་རྣམས་ལ་སྟེན་པར་བྱེད་པ་སྟེ། །ཆོས་གཉིས་འདི་དག་ཡོངས་སུ་སྤང་
D87.044.0142b04.01བར་བྱ་བ་ཡིན། །འོད་སྲུང་འདི་གཉིས་ནི་རབ་ཏུ་བྱུང་བའི་ཟུག་རྔུ་སྟེ། གཉིས་གང་ཞེ་ན། བསླབ་པའི་གཞི་ལས་འགལ་བ་དང་། སྙིང་པོ་མ་བླངས་པར་འཆི་བའི་དུས་བྱེད་པ་སྟེ། འདི་གཉིས་སོ། །དེ་ལ་འདི་སྐད་ཅེས་བྱ་སྟེ། བསླབ་པའི་གཞི་ལས་འགལ་བར་
D87.044.0142b05.01གྱུར་པ་དང་། །སྙིང་པོ་མ་བླངས་པར་ནི་དུས་བྱེད་པ། །འདི་གཉིས་རབ་ཏུ་བྱུང་བའི་ཟུག་རྔུ་ཞེས། །ལྷ་མིའི་སྟོན་པ་ཐམས་ཅད་མཁྱེན་པས་གསུངས། །འོད་སྲུང་འདི་གཉིས་ནི་རབ་ཏུ་བྱུང་བའི་ནད་གསོར་མི་རུང་བ་སྟེ། གཉིས་གང་ཞེ་ན། མངོན་པའི་ང་རྒྱལ་གྱིས་སེམས་
D87.044.0142b06.01ངེས་པར་སེམས་པ་དང་ཐེག་པ་ཆེན་པོ་ལ་ཡང་དག་པར་ཞུགས་པའི་གང་ཟག་རྣམས་ཀྱི་འདུན་པ་ཟློག་པ་སྟེ་འདི་གཉིས་སོ། །དེ་ལ་འདི་སྐད་ཅེས་བྱ་སྟེ། མངོན་པའི་ང་རྒྱལ་སེམས་ལ་ངེས་སེམས་དང་། །སངས་རྒྱས་ཐེག་པ་ལས་ནི་འདུན་པ་ཟློག །འདི་གཉིས་རབ་ཏུ་བྱུང་བའི་
D87.044.0142b07.01