完整藏文原文 · 德格版页 当前仅加载第 44 函德格 146a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་བཅོས་པ་བཞི་པ་སྟེ་འོད་སྲུང་བཞི་པོ་དེ་དག་ནི་ཚུལ་ཁྲིམས་འཆལ་པ་ཚུལ་ཁྲིམས་དང་ལྡན་པ་ལྟར་བཅོས་པ་ཡིན་ནོ། །འོད་སྲུང་ཚུལ་ཁྲིམས་ཚུལ་ཁྲིམས་ཞེས་བྱ་བ་ནི་གང་ལ་བདག་མེད་པ་དང་། བདག་གི་བ་མེད་པ་དང་། བྱ་བ་མེད་པ་དང་། མི་བྱ་བ་ཡང་མེད་པ་དང་། བྱེད་པ་མེད་པ་དང་། བྱེད་པ་མེད་
D87.044.0146a01.01པ་ཡང་མ་ཡིན་པ་དང་རྒྱུ་བ་མ་ཡིན་པ་དང་། མི་རྒྱུ་བ་ཡང་མ་ཡིན་པ་དང་། རབ་ཏུ་སྤྱོད་པ་མེད་པ་དང་། རབ་ཏུ་སྤྱོད་པ་མེད་པ་ཡང་མ་ཡིན་པ་དང་། མིང་མེད་པ་དང་། གཟུགས་མེད་པ་དང་། མཚན་མ་མེད་པ་དང་། མཚན་མ་མེད་པ་ཡང་མ་ཡིན་པ་དང་རབ་ཏུ་ཞི་བ་མ་ཡིན་པ་དང་། རབ་ཏུ་ཞི་བ་མ་ཡིན་པ་ཡང་མ་ཡིན་པ་
D87.044.0146a02.01དང་། འཛིན་པ་མེད་པ་དང་། འདོར་བ་མེད་པ་དང་། གཟུང་བ་མེད་པ་དང་། གཟུང་བ་མེད་པ་ཡང་མ་ཡིན་པ་དང་། སེམས་ཅན་མེད་པ་དང་། སེམས་ཅན་དུ་འདོགས་པ་མེད་པ་དང་། ཚིག་མེད་པ་དང་། ཚིག་ཏུ་འདོགས་པ་མེད་པ་དང་། སེམས་མེད་པ་དང་། སེམས་སུ་འདོགས་པ་མེད་པ་དང་། འཇིག་རྟེན་མེད་པ་
D87.044.0146a03.01དང་། འཇིག་རྟེན་མེད་པ་ཡང་མ་ཡིན་པ་དང་། རྟེན་མེད་པ་དང་། རྟེན་མེད་པ་ཡང་མ་ཡིན་པ་དང་། བདག་གི་ཚུལ་ཁྲིམས་ལ་མི་སྟོད་པ་དང་། གཞན་གྱི་ཚུལ་ཁྲིམས་ལ་མི་སྨོད་པ་དང་། ཚུལ་ཁྲིམས་ཀྱིས་རློམ་སེམས་སུ་མི་བྱེད་པ་དང་། ཚུལ་ཁྲིམས་ལ་མི་རྟོག་པ་ཡིན་ཏེ། དེ་ནི་འཕགས་པ་རྣམས་ཀྱི་ཚུལ་
D87.044.0146a04.01ཁྲིམས་ཟག་པ་མེད་པ། གཏོགས་པ་མ་ཡིན་པ། ཁམས་གསུམ་པ་དང་བྲལ་བ། རྟེན་ཐམས་ཅད་མེད་པ་ཞེས་བྱའོ། །དེ་ནས་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །ཚུལ་ཁྲིམས་ལྡན་ལ་དྲི་མ་མེད་ཅིང་ཅི་ཡང་མེད། །ཚུལ་ཁྲིམས་ལྡན་ལ་རྒྱགས་པ་མེད་དེ་རྟེན་པ་མེད། །ཚུལ་
D87.044.0146a05.01ཁྲིམས་ལྡན་ལ་མུན་པ་མེད་ཅིང་འཆིང་བ་མེད། །ཚུལ་ཁྲིམས་ལྡན་ལ་རྡུལ་རྣམས་མེད་དེ་ཉེས་པ་མེད། །ཞི་བ་རབ་ཏུ་ཞི་བ་ཉེ་བར་ཞི་བའི་ཡིད། །རྟོག་དང་རྣམ་པར་རྟོག་དང་བྲལ་ཞིང་ཉོན་མོངས་མེད། །གཡོ་བ་དང་ནི་རློམ་སེམས་ཀུན་དང་རྣམ་བྲལ་བ། །དེ་ནི་འོད་སྲུང་སངས་རྒྱས་བསྟན་ལ་ཚུལ་
D87.044.0146a06.01ཁྲིམས་ལྡན། །ལུས་ལ་མི་ལྟ་སྲོག་ལ་ཕངས་པར་འཛིན་མི་བྱེད། །སྲིད་པ་རྣམས་སུ་སྐྱེ་བ་ཀུན་ལ་འདོད་པ་མེད། །ཡང་དག་ཞུགས་ཤིང་དེ་ཉིད་ཚུལ་ལ་རབ་གནས་པ། །དེ་ནི་འོད་སྲུང་སངས་རྒྱས་བསྟན་ལ་ཚུལ་ཁྲིམས་ལྡན། །འཇིག་རྟེན་མ་གོས་འཇིག་རྟེན་དག་ལ་གནས་པ་མེད། །སྣང་བ་
D87.044.0146a07.01