完整藏文原文 · 德格版页 当前仅加载第 44 函德格 150a 版页；藏文 NFD、目录标记与异常页序保留在来源切片中，重复版页行以稳定序号区分。
འཇིགས་པ་མེད་པར་འགྲོ་བ་ལམ་དུ་འགྲོ་བ། འཇིག་ཚོགས་ལ་ལྟ་བ་འདོར་བར་ཞུགས་ལ་ཚུ་རོལ་གྱི་འགྲམ་ནས་ཕ་རོལ་གྱི་འགྲམ་དུ་ལྟ་བ་ཐམས་ཅད་སེལ་བ། གཙེ་བ་མེད་པའི་མྱ་ངན་ལས་འདས་པར་མྱུར་དུ་སོང་ཤིག་ཅེས་ཕྱོགས་བཅུར་སྒྲས་གོ་བར་བྱེད་པ་སྟེ། རིགས་ཀྱི་བུ་སེམས་
D87.044.0150a01.01ཅན་ཐམས་ཅད་ཀྱི་དོན་གྱི་ཕྱིར་བསྐལ་པ་བྱེ་བ་ཁྲག་ཁྲིག་བརྒྱ་སྟོང་དཔག་ཏུ་མེད་པར་ཡིད་ཡོངས་སུ་མི་སྐྱོ་བར་བྱང་ཆུབ་སེམས་དཔའ་དམ་པའི་ཆོས་ཀྱི་གྲུ་ཆེན་པོ་འདི་འདྲ་བ་དེ་སྦྱར་བར་བྱའོ། །དམ་པའི་ཆོས་ཀྱི་གྲུ་འདིས་ཆུ་བོ་བཞིས་ཁྱེར་བའི་སེམས་ཅན་ཐམས་ཅད་བསྒྲལ་བར་བྱའོ། །ཀུན་ཏུ་སྣང་བ་དེ་ལ་
D87.044.0150a02.01འདིར་བྱང་ཆུབ་སེམས་དཔའི་མངོན་པར་ཤེས་པ་མྱུར་བ་གང་ཞེ་ན། གང་འདི་སེམས་ཅན་ཐམས་ཅད་ལ་བཅོས་མ་མ་ཡིན་པའི་སྦྱོར་བ་སྟེ་བསམ་པ་དག་པས་རབ་ཏུ་འདུན་པ་དང་། དགེ་བའི་རྩ་བ་ཐམས་ཅད་ཡང་དག་པར་བསྒྲུབ་པའི་ཕྱིར་བརྩོན་འགྲུས་འབར་བ་དང་། ཚུལ་བཞིན་ཡིད་ལ་བྱེད་པས་དགེ་བ་
D87.044.0150a03.01ལ་འདུན་པ་དང་ཤེས་རབ་ཡོངས་སུ་རྫོགས་པར་བྱ་བའི་ཕྱིར་ཐོས་པས་མི་ངོམས་པ་དང་། ཡེ་ཤེས་བརྟན་པར་བྱ་བའི་ཕྱིར་ང་རྒྱལ་མེད་པ་དང་ཡོན་ཏན་ཐམས་ཅད་ཡོངས་སུ་རྫོགས་པར་བྱ་བའི་ཕྱིར་རབ་ཏུ་འབྱུང་བ་ལ་གཞོལ་བ་དང་། ལུས་དང་སེམས་དབེན་པར་དགོན་པ་ན་གནས་པ་དང་། སྐྱེ་བོ་མི་སྲུན་
D87.044.0150a04.01པ་རྣམ་པར་སྤངས་པས་འདུ་འཛི་མེད་པ་དང་། དོན་དམ་པ་ལ་རྟོན་པས་ཆོས་དོན་དུ་གཉེར་བ་དང་ཤིན་ཏུ་མི་འཁྲུགས་པས་ཡེ་ཤེས་ཀྱི་དོན་དང་། ཡེ་ཤེས་ཀྱི་དོན་ཡིན་པས་ཆོས་ཀྱི་དོན་དང་མི་འཁྲུགས་པས་བདེན་པའི་དོན་དང་། ཡང་དག་པར་སྦྱོར་བར་བྱ་བས་སྟོང་པ་ཉིད་ཀྱི་དོན་དང་། ཤིན་ཏུ་ཉེ་བར་ཞི་བའི་དོན་ཡིན་པས་
D87.044.0150a05.01དབེན་པའི་དོན་ཡིན་ཏེ་རིགས་ཀྱི་བུ་འདི་ནི་འདིར་བྱང་ཆུབ་སེམས་དཔའི་མངོན་པར་ཤེས་པ་མྱུར་བའོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་འོད་སྲུང་ཆེན་པོས་འདི་སྐད་ཅེས་གསོལ་ཏོ། །འདི་ལྟར་དཀོན་མཆོག་བརྩེགས་པ་ཆེན་པོའི་ཆོས་ཀྱི་རྣམ་གྲངས་འདི་ཐེག་པ་ཆེན་པོ་ལ་ཡང་དག་པར་ཞུགས་པའི་
D87.044.0150a06.01རིགས་ཀྱི་བུའམ་རིགས་ཀྱི་བུ་མོ་རྣམས་ལ་ཕན་འདོགས་པར་གྱུར་པ་ནི་བཅོམ་ལྡན་འདས་ངོ་མཚར་ཏོ། །བདེ་བར་གཤེགས་པ་ངོ་མཚར་ཏོ། །བཅོམ་ལྡན་འདས་དཀོན་མཆོག་བརྩེགས་པ་ཆེན་པོའི་ཆོས་ཀྱི་རྣམ་གྲངས་འདི་ལས་ཚིགས་སུ་བཅད་པ་གཅིག་ཙམ་བསྟན་ན་རིགས་ཀྱི་བུ་འམ་རིགས་ཀྱི་བུ་མོ་དེ་
D87.044.0150a07.01