完整藏文原文 · 德格版页 当前仅加载第 44 函德格 141a 版页；藏文 NFD、目录标记与异常页序保留在来源切片中，重复版页行以稳定序号区分。
དག་ཏུ་སོང་ན་ཡང་གཟུགས་དང་། སྒྲ་དང་། དྲི་དང་། རོ་དང་། རེག་བྱ་རྣམས་ཀྱིས་གནོད་པར་འགྱུར་རོ། །གལ་ཏེ་དེ་དག་དགོན་པ་ན་གནས་པ་ལས་འཆི་བའི་དུས་བྱས་པར་གྱུར་ན་འཇིག་རྟེན་པའི་སྡོམ་པ་ལ་གནས་པ་དེ་དག་མཐོ་རིས་ཀྱི་འཇིག་རྟེན་དུ་
D87.044.0141a01.01སྐྱེ་བར་འགྱུར་ཏེ། དེར་ཡང་དེ་དག་ལྷའི་འདོད་པའི་ཡོན་ཏན་ལྔ་པོ་དག་གིས་གནོད་པར་འགྱུར་རོ། །དེ་དག་དེ་ནས་ཤི་འཕོས་ནས་ངན་སོང་བཞི་ལས་ཡོངས་སུ་མ་གྲོལ་བར་འགྱུར་ཏེ། བཞི་གང་ཞེ་ན། འདི་ལྟ་སྟེ། སེམས་ཅན་དམྱལ་བ་དང་། དུད་འགྲོའི་སྐྱེ་གནས་
D87.044.0141a02.01དང་། གཤིན་རྗེའི་འཇིག་རྟེན་དང་། ལྷ་མ་ཡིན་ནོ། །འོད་སྲུང་དེ་ལྟར་ན་དགེ་སློང་ཁྱི་རྡོ་ལ་སྙེགས་པ་དང་མཚུངས་པ་དག་ཡིན་ནོ། །འོད་སྲུང་ཇི་ལྟར་ན་ཁྱི་རྡོ་ལ་སྙེགས་པ་དང་མི་འདྲ་བ་ཡིན་ཞེ་ན། འོད་སྲུང་གང་གཤེ་ཡང་སླར་མི་གཤེ །ཁྲོས་ཀྱང་སླར་མི་
D87.044.0141a03.01ཁྲོ། མཚང་བྲུས་ཀྱང་སླར་མཚང་མི་འདྲུ། བརྡེགས་ཀྱང་སླར་མི་རྡེག །བསྡིགས་ཀྱང་སླར་མི་སྡིགས། སྨད་ཀྱང་སླར་མི་སྨོད་ཅིང་ནང་དུ་སེམས་ལ་སོ་སོར་རྟོག་སྟེ། འདི་ལ་གཤེ་བ་འམ། ཁྲོས་པའམ། བརྡེགས་པའམ། བསྡིགས་པའམ། སྨད་པ་
D87.044.0141a04.01འམ། མཚང་བྲུས་པ་དེ་དག་གང་ཡིན་སྙམ་དུ་སོ་སོར་རྟོག་པའོ། །འོད་སྲུང་དེ་ལྟར་ན་དགེ་སློང་ཁྱི་རྡོ་ལ་སྙེགས་པ་དང་མི་འདྲ་བ་ཡིན་ནོ། །དེ་ལ་འདི་སྐད་ཅེས་བྱ་སྟེ། དཔེར་ན་ཁྱི་ནི་རྡོ་བས་སྐྲག་གྱུར་ཀྱང་། །སུས་འཕངས་མི་སྙེགས་རྡོ་ལ་སྙེགས་པར་བྱེད། །དེ་
D87.044.0141a05.01བཞིན་དགེ་སྦྱོང་བྲམ་ཟེ་ལ་ལ་དག །གཟུགས་ལ་སོགས་པས་སྐྲག་ནས་དགོན་པར་གནས། །དེ་དག་དགོན་པ་དེ་ལ་གནས་གྱུར་ཀྱང་། །གཟུགས་ལ་སོགས་པ་སྡུག་པ་མཐོང་གྱུར་ན། །བཏང་སྙོམས་འཇོག་ཅིང་ནང་གི་ཚུལ་མི་ཤེས། །དེ་ཡི་ཉེས་ལས་བྱུང་བ་
D87.044.0141a06.01གང་ཡིན་པ། །མི་ཤེས་པས་ན་སླར་ཡང་གྲོང་དུ་གནས། །གཟུགས་ལ་སོགས་པས་དེར་ཡང་གནོད་པར་འགྱུར། །འདིར་ཡང་ལྷ་ཡི་ལོངས་སྤྱོད་སྤྱད་གྱུར་ཏེ། །ལྷ་དང་མི་ལས་ཁ་ཅིག་ཤི་འཕོས་ནས། །དེ་དག་ངན་སོང་སར་ནི་ལྟུང་བར་འགྱུར། །བླུན་པོ་དེ་
D87.044.0141a07.01