完整藏文原文 · 德格版页 当前仅加载第 60 函德格 95b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པ་རྣམས་ལ་གླིང་ངོ་། །མགོན་མེད་པ་རྣམས་ལ་མགོན་ནོ། །གྲོགས་མེད་པ་རྣམས་ལ་གྲོགས་སོ། །གྱ་གྱུ་ཅན་རྣམས་ལ་དྲང་བའོ། །དམུ་རྒོད་རྣམས་ལ་གསལ་བའོ། །གཡོན་ཅན་རྣམས་ལ་གཡོ་མེད་པའོ། །ཐིབས་པོ་སྤྱོད་པ་རྣམས་ལ་སྒྱུ་མེད་པའོ། །བྱས་པ་མི་
D175.060.0095b01.01གཟོ་བ་རྣམས་ལ་བྱས་པ་གཟོ་བའོ། །འཁུ་བ་རྣམས་ལ་བྱས་པ་ཚོར་བའོ། །གནོད་པ་བྱེད་པ་རྣམས་ལ་ཕན་འདོགས་པའོ། །ལོག་པར་གྱུར་པ་རྣམས་ལ་བདེན་པའོ། །ཁེངས་པ་རྣམས་ལ་ང་རྒྱལ་མེད་པའོ། །ལེགས་པར་བྱས་པ་རྣམས་ལ་མི་སྤྱོ་བའོ། །གཞན་གྱི་འཁྲུལ་
D175.060.0095b02.01པ་རྣམས་ལ་མི་གླེང་བའོ། །ལོག་པར་ཞུགས་པ་རྣམས་ལ་ཀུན་ཏུ་སྲུང་བའོ། །ཐབས་ཀྱིས་དགེ་བ་སྤྱོད་པ་ཐམས་ཅད་ལ་ཉེས་པར་མི་ལྟ་བའོ། །སྦྱིན་པའི་གནས་རྣམས་ལ་རིམ་གྲོ་བྱེད་པའོ། །རྗེས་སུ་བསྟན་པ་རྣམས་ལ་འཐུན་པར་འཛིན་པའོ། །གདམས་ངག་དང་རྗེས་
D175.060.0095b03.01སུ་བསྟན་པ་རྣམས་ལ་བློ་བདེ་བའོ། །དགོན་པར་གནས་པ་རྣམས་ལ་ཕུ་དུད་དུ་བྱེད་པའོ། །རྙེད་པ་དང་། བཀུར་སྟི་དང་། ཚིགས་སུ་བཅད་པ་དག་དོན་དུ་མི་གཉེར་བའོ། །ལུས་དང་སྲོག་ལ་མི་ལྟ་བ་དང་། ལྷག་པའི་བསམ་པ་དག་པས་ན་ཚུལ་འཆོས་མེད་པའོ། །
D175.060.0095b04.01ངག་བསྡམས་པས་ན་ཁ་གསག་མེད་པའོ། །བདག་གི་རྙེད་པས་ཆོག་ཤེས་པས་ན་ཐོབ་ཀྱིས་འཇལ་བ་མེད་པའོ། །སེམས་ཉོན་མོངས་པ་ཅན་མ་ཡིན་པས་ན་ལས་སུ་རུང་བའོ། །དགེ་བའི་རྩ་བ་ཐམས་ཅད་བསགས་པས་ན་འཁོར་བར་མི་གཞོལ་བའོ། །སེམས་ཅན་ཐམས་
D175.060.0095b05.01ཅད་ལ་ལྟ་བས་ན་སྡུག་བསྔལ་ཐམས་ཅད་ལ་ཅི་མི་སྙམ་པའོ། །དེའི་ཕྱིར་ན་སྐྱེས་བུ་དམ་པ་དེ་དག་གི་ལྷག་པའི་བསམ་པ་ཐམས་ཅད་མི་ཟད་པ་ཡིན་ཏེ། བསོད་ནམས་ཐམས་ཅད་ཀྱིས་ཉེ་བར་བརྟན་པ་དང་། སེམས་ཅན་ཐམས་ཅད་ཉེ་བར་འཚོ་བ་དང་། ཡེ་ཤེས་མི་ཟད་
D175.060.0095b06.01པ་ཡང་དག་པར་བསྒྲུབ་པའི་ཕྱིར་འཁོར་བའི་ཉོན་མོངས་པ་ཐམས་ཅད་ཀྱིས་ཟད་པར་མི་ནུས་སོ། །བཙུན་པ་ཤ་ར་དྭ་ཏིའི་བུ། འདི་ནི་བྱང་ཆུབ་སེམས་དཔའ་རྣམས་ཀྱི་ལྷག་པའི་བསམ་པ་མི་ཟད་པའོ། །དེ་ནས་ཚེ་དང་ལྡན་པ་ཤ་ར་དྭ་ཏིའི་བུས། བྱང་ཆུབ་སེམས་དཔའ་བློ་གྲོས་མི་
D175.060.0095b07.01