完整藏文原文 · 德格版页 当前仅加载第 60 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
ཤིན་ཏུ་རྟོགས་པ། ཁ་ན་མ་ཐོ་བ་མེད་པ། ཇི་ལྟར་མཐོང་བ་དང་ཐོས་པ་བཞིན་དུ་ཆོས་སྨྲ་བ། མི་དགེ་བ་བསྙིལ་བ། བྱང་ཆུབ་ཀྱི་སྙིང་པོ་ལ་མངོན་དུ་ཕྱོགས་པ། སེམས་གང་དུའང་ཐོགས་པ་མེད་པ། སེར་སྣ་ཅན་རྣམས་ལ་གཏོང་བ་དང་ལྡན་པ། ཚུལ་ཁྲིམས་འཆལ་པ་
D175.060.0137b01.01རྣམས་ལ་སྙིང་བརྩེ་བ་ཅན། གནོད་སེམས་ཀྱི་སེམས་དང་ལྡན་པ་རྣམས་ལ་གནོད་པར་སེམས་པའི་སེམས་མེད་པ། ལེ་ལོ་ཅན་རྣམས་ལ་བརྩོན་འགྲུས་སྒྲུབ་པར་བྱེད་པ། སེམས་རྣམ་པར་གཡེང་བ་རྣམས་ལ་བསམ་གཏན་གྱི་ཡན་ལག་སྟོན་པ། འཆལ་པའི་ཤེས་རབ་ཅན་
D175.060.0137b02.01རྣམས་ལ་ཤེས་རབ་ཀྱི་མིག་སྦྱིན་པར་བྱེད་པ། ལམ་ངན་པར་ཞུགས་པ་རྣམས་ལ་ལམ་སྟོན་པ། དམན་པ་ལ་མོས་པ་རྣམས་ལ་སངས་རྒྱས་ཀྱི་ཆོས་རྒྱ་ཆེན་པོ་རྟོགས་པར་བྱེད་པ། ཐམས་ཅད་མཁྱེན་པའི་ཡེ་ཤེས་ལ་འཛུད་པ། བྱང་ཆུབ་ཡོངས་སུ་རྫོགས་པར་བྱ་བའི་ཕྱིར།
D175.060.0137b03.01མངོན་པར་ཤེས་པ་མ་ཉམས་པ་རྣམས་ཏེ། འདི་ནི་བྱང་ཆུབ་སེམས་དཔའ་རྣམས་ཀྱི་ལྷའི་མིག་གི་མངོན་པར་ཤེས་པ་མི་ཟད་པ་ཞེས་བྱའོ། །དེ་ལ་བྱང་ཆུབ་སེམས་དཔའ་རྣམས་ཀྱི་ལྷའི་རྣ་བའི་མངོན་པར་ཤེས་པ་མི་ཟད་པ་གང་ཞེ་ན། གང་ལྷ་ཐམས་ཅད་ཀྱི་ལྷའི་རྣ་བ་དང་། གང་ཀླུ་
D175.060.0137b04.01ཐམས་ཅད་དང་། གནོད་སྦྱིན་ཐམས་ཅད་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་ཐམས་ཅད་ཀྱི་ལྷའི་རྣ་བ་དང་། གང་སློབ་པ་དང་། མི་སློབ་པའི་ཉན་ཐོས་ཐམས་ཅད་ཀྱི་ལྷའི་རྣ་བ་དང་། གང་
D175.060.0137b05.01རང་སངས་རྒྱས་ཐམས་ཅད་ཀྱི་ལྷའི་རྣ་བ་དེ་དག་པས། བྱང་ཆུབ་སེམས་དཔའ་ཐམས་ཅད་མཁྱེན་པ་ཉིད་ལས་ངེས་པར་བྱུང་བ། རྒྱ་ཆེན་པོ་ལས་ངེས་པར་བྱུང་བ་རྣམས་ཀྱི་ལྷའི་རྣ་བ་ཆེས་མཆོག་གོ། །ཆེས་དམ་པའོ། །ཆེས་རབ་བོ། །ཆེས་གསལ་ལོ། །ཆེས་བཟང་ངོ་། །ཆེས་
D175.060.0137b06.01སྟོབས་དང་ལྡན་པའོ། །ཆེས་འོད་གསལ་ཏེ། ལྷའི་རྣ་བ་དེས་ཕྱོགས་བཅུའི་འཇིག་རྟེན་གྱི་ཁམས་མཐའ་ཡས་མུ་མེད་པ་དག་ན་སྒྲར་གྲག་པ་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་
D175.060.0137b07.01