完整藏文原文 · 德格版页 当前仅加载第 60 函德格 162a 版页；藏文 NFD、目录标记与异常页序保留在来源切片中，重复版页行以稳定序号区分。
བརྩོན་འགྲུས་རྩོམ་སྟེ། སེམས་རབ་ཏུ་འཛིན་ཅིང་ཡང་དག་པར་རབ་ཏུ་འཇོག་ཅེས་བྱ་བ་དེ་ནི་ཚད་མེད་པའི་ཚིག་ཤིན་ཏུ་བསྟན་པའོ། །དེ་ཅིའི་ཕྱིར་ཞེ་ན། གང་དག་བྱང་ཆུབ་སེམས་དཔས་ཡང་དག་པར་བསྒྲུབ་པར་བྱ་བའི་ཆོས་དེ་དག་ཚད་མེད་པའི་ཕྱིར་རོ། །དེ་ལ་འདུན་པ་ནི་དགེ་བའི་
D175.060.0162a01.01ཆོས་ཐམས་ཅད་ཀྱི་རྩ་བའོ། །བརྩོན་འགྲུས་ནི་དགེ་བའི་ཆོས་ཐམས་ཅད་ཡང་དག་པར་སྒྲུབ་པའོ། །སེམས་ཡང་དག་པར་འཛིན་པས་ནི་དགེ་བའི་ཆོས་ཐམས་ཅད་ཉམས་སུ་ལོན་པར་བྱེད་དེ། དགེ་བའི་ཆོས་དེ་དག་ལ་དཔྱོད་ཅིང་རྣམ་པར་འབྱེད་པ་སྟེ། འདི་ནི་ཡང་དག་པར་སྤོང་བ་
D175.060.0162a02.01གསུམ་པ་ཞེས་བྱའོ། །གང་ཡང་དགེ་བའི་ཆོས་སྐྱེས་པ་རྣམས་གནས་པ་དང་། བསྒོམ་པ་དང་། ཕྱིར་ཞིང་འབྱུང་བ་དང་། ཆུད་ཟ་བར་མི་འགྱུར་བ་དང་། ཉམས་པར་མི་འགྱུར་བ་དང་། ཤིན་ཏུ་རྒྱས་པར་བྱ་བའི་ཕྱིར་འདུན་པ་སྐྱེད། འབད། བརྩོན་འགྲུས་རྩོམ་སྟེ། སེམས་རབ་
D175.060.0162a03.01ཏུ་འཛིན་ཅིང་ཡང་དག་པར་རབ་ཏུ་འཇོག་ཅེས་བྱ་བ་དེ་ནི་བྱང་ཆུབ་ཏུ་ཡོངས་སུ་བསྔོས་པའི་དགེ་བའི་རྩ་བའི་ཚིག་{བླ་དགས་,བླ་དྭགས་}སོ། །དེ་ཅིའི་ཕྱིར་ཞེ་ན། བྱང་ཆུབ་ཏུ་ཡོངས་སུ་བསྔོས་པའི་དགེ་བའི་རྩ་བ་ནི་བྱང་ཆུབ་ཀྱི་སྙིང་པོའི་མཐར་མ་ཐུག་གི་བར་དུ་བར་མ་དོར་ཆུད་མི་ཟ་བའི་ཕྱིར་རོ། །དེ་ཅིའི་
D175.060.0162a04.01ཕྱིར་ཞེ་ན། འདི་ལྟར་དགེ་བའི་རྩ་བ་དེ་ནི་ཁམས་གསུམ་པ་ཐམས་ཅད་ལ་མི་གནས་པའི་ཕྱིར་ཏེ། དགེ་བའི་རྩ་བ་གང་ཁམས་གསུམ་པ་ལ་གནས་པ་དེ་ནི་ཡོངས་སུ་ཟད་པར་འགྱུར་གྱི། དགེ་བའི་རྩ་བ་གང་ཁམས་གསུམ་པ་ལ་མི་གནས་པར་ཐམས་ཅད་མཁྱེན་པ་ཉིད་དུ་ཡོངས་སུ་
D175.060.0162a05.01བསྔོས་པ་དེ་ནི་བྱང་ཆུབ་ཀྱི་སྙིང་པོའི་མཐར་མ་ཐུག་གི་བར་དུ་བར་མ་དོར་གང་ཡང་ཟད་པར་མི་འགྱུར་རོ། །འདི་ནི་བྱང་ཆུབ་སེམས་དཔའི་ཡང་དག་པར་སྤོང་བ་བཞི་ཞེས་བྱ་སྟེ། བཙུན་པ་ཤ་ར་དྭ་ཏིའི་བུ། དེ་དག་ནི་བྱང་ཆུབ་སེམས་དཔའ་རྣམས་ཀྱི་ཡང་དག་པར་སྤོང་བ་བཞི་མི་ཟད་
D175.060.0162a06.01པའོ།། །།བམ་པོ་བདུན་པ་སྟེ་ཐ་མ། བཙུན་པ་ཤ་ར་དྭ་ཏིའི་བུ། གཞན་ཡང་བྱང་ཆུབ་སེམས་དཔའ་རྣམས་ཀྱི་རྫུ་འཕྲུལ་གྱི་རྐང་པ་བཞི་མི་ཟད་པ་སྟེ། བཞི་གང་ཞེ་ན། འདི་ལྟ་སྟེ། འདུན་པ་དང་། བརྩོན་འགྲུས་དང་། སེམས་དང་། དཔྱོད་
D175.060.0162a07.01