完整藏文原文 · 德格版页 当前仅加载第 60 函德格 143a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུའི་ཕུང་པོ་ཉིད་དུ་འདུག་གོ། །ཆུའི་ཕུང་པོ་ཡང་མེའི་ཕུང་པོར་གྱུར་ཅིག་ཅེས་བྱིན་གྱིས་བརླབས་ན་མེའི་ཕུང་པོ་ཉིད་དུ་འདུག་གོ། །མེའི་ཕུང་པོ་ཡང་རླུང་གི་ཕུང་པོར་གྱུར་ཅིག་ཅེས་བྱིན་གྱིས་བརླབས་ན་དེ་རླུང་གི་ཕུང་པོ་ཉིད་དུ་འདུག་གོ། །རླུང་གི་ཕུང་པོ་ཡང་མེའི་ཕུང་པོར་གྱུར་
D175.060.0143a01.01ཅིག་ཅེས་བྱིན་གྱིས་བརླབས་ན་དེ་མེའི་ཕུང་པོ་ཉིད་དུ་འདུག་གོ། །མེའི་ཕུང་པོ་ཡང་སའི་ཕུང་པོར་གྱུར་ཅིག་ཅེས་བྱིན་གྱིས་བརླབས་ན་དེ་སའི་ཕུང་པོ་ཉིད་དུ་འདུག་གོ། །སའི་ཕུང་པོ་ཡང་མེའི་ཕུང་པོར་གྱུར་ཅིག་ཅེས་བྱིན་གྱིས་བརླབས་ན་དེ་མེའི་ཕུང་པོ་ཉིད་དུ་འདུག་གོ། །དེ་བཞིན་དུ་ཐ་མ་དང་།
D175.060.0143a02.01འབྲིང་དང་། རབ་ཀྱི་ཆོས་གང་དང་གང་བྱིན་གྱི་རླབས་ཀྱིས་བྱིན་དུ་བརླབས་པ་དེ་དག་དེ་ཁོ་ན་བཞིན་དུ་འདུག་གོ། །དེའི་བྱིན་གྱི་རླབས་དེ་ནི་སངས་རྒྱས་བཅོམ་ལྡན་འདས་རྣམས་མ་གཏོགས་པར་བརྒྱ་བྱིན་ནམ། ཚངས་པའམ། བདུད་དམ། བདུད་ཀྱི་རིས་ཀྱི་ལྷ་འམ། སུས་
D175.060.0143a03.01ཀྱང་རུང་སྟེ། འཇིག་རྟེན་དུ་ཆོས་དང་འཐུན་པས་སུས་ཀྱང་བསྐྱོད་པའམ། བསྒུལ་བའམ། མི་སྣང་བར་བྱེད་མི་ནུས་ཏེ། སེམས་ཅན་གྱི་རིས་ན་གང་བྱང་ཆུབ་སེམས་དཔའི་བྱིན་གྱི་རླབས་དེ་ལ་བསྐྱོད་པའམ། བསྒུལ་བའམ། མི་སྣང་བར་བྱེད་ནུས་པའི་སེམས་ཅན་དེ་གང་ཡང་
D175.060.0143a04.01མེད་དོ། །དེ་བྱང་ཆུབ་སེམས་དཔའི་བྱིན་གྱི་རླབས་ཀྱི་ཡེ་ཤེས་ཀྱི་སྟོབས་བསྐྱེད་པ་དེས་བརྗོད་པ་སྣ་ཚོགས་དང་། དགའ་བ་དང་། མགུ་བ་ལྷུར་ལེན་པའི་སེམས་ཅན་རྣམས་ལ་སྒྲ་ཇི་ལྟ་བ་བཞིན་དུ་འཇུག་པས་ཆོས་སྟོན་ཏོ། །དེའི་རྫུ་འཕྲུལ་གྱི་རྐང་པ་དེ་དག་ཀྱང་མངོན་པར་འཕགས་
D175.060.0143a05.01པའོ། །རང་གི་ཁ་ན་ལས་པའོ། །བདུད་དང་། ཉོན་མོངས་པ་ཐམས་ཅད་ཀྱི་ཡུལ་ལས་འདས་པའོ། །སངས་རྒྱས་ཀྱི་ཡུལ་ལ་འཇུག་པའོ། །སེམས་ཅན་ཐམས་ཅད་ལ་མི་གནོད་པར་སྦྱོར་བའོ། །དགེ་བའི་རྩ་བ་དང་ཚོགས་བསགས་པའོ། །བདུད་དང་བདུད་ཀྱི་རིས་ཀྱི་
D175.060.0143a06.01ལྷ་རྣམས་ཀྱིས་མི་འཕྲོགས་པ་སྟེ། བཙུན་པ་ཤ་ར་དྭ་ཏིའི་བུ། འདི་ནི་བྱང་ཆུབ་སེམས་དཔའ་རྣམས་ཀྱི་རྫུ་འཕྲུལ་བྱ་བ་ཤེས་པའི་མངོན་པར་ཤེས་པ་མི་ཟད་པ་སྟེ། བཙུན་པ་ཤ་ར་དྭ་ཏིའི་བུ། འདི་དག་ནི་བྱང་ཆུབ་སེམས་དཔའ་རྣམས་ཀྱི་མངོན་པར་ཤེས་པ་ལྔ་མི་ཟད་པ་ཞེས་བྱའོ། །
D175.060.0143a07.01