完整藏文原文 · 德格版页 当前仅加载第 60 函德格 139a 版页；藏文 NFD、目录标记与异常页序保留在来源切片中，重复版页行以稳定序号区分。
ཇི་ལྟ་བུ་ཉན་པར་མི་འདོད་པ་དེ་ལྟ་བུའི་སྒྲ་མི་ཐོས་སོ། །འཁོར་གང་ན་ཆོས་སྟོན་པ་དེའི་སེམས་ཅན་ཐམས་ཅད་ཀྱི་རྣ་བའི་གནས་ཀྱི་ཤེས་པ་ཡང་ཡང་དག་པ་ཇི་ལྟ་བ་བཞིན་དུ་ཤེས་ཏེ། ཤེས་ནས་ཀྱང་རང་བཞིན་དེ་འདྲ་བའི་ཆོས་སྟོན་ཏོ། །དེ་ལ་སེམས་ཅན་གང་དག་
D175.060.0139a01.01ཆོས་ཤེས་པར་བྱེད་པ་དེ་དག་ནི་དེའི་ཆོས་བསྟན་པ་ཐོས་སོ། །སེམས་ཅན་གང་དག་ཆོས་ཤེས་པར་བྱེད་པ་མ་ཡིན་པ་དེ་དག་ནི་དེའི་ཆོས་བསྟན་པ་མི་ཐོས་སོ། །དེ་དག་གི་རྣ་བའི་ཁམས་དེ་ནི་ཆོས་ཀྱི་དབྱིངས་ཤིན་ཏུ་རྣམ་པར་དག་པ་ཡིན་ནོ། །དེ་དག་གི་རྣ་བའི་ཁམས་དེ་ནི་ཡེ་ཤེས་
D175.060.0139a02.01རྣམ་པར་དག་པ་ཡིན། དེ་དག་གི་རྣ་བའི་ཁམས་དེ་བདག་གི་ཁམས་ཤིན་ཏུ་རྣམ་པར་དག་པ་ཡིན། དེ་དག་གི་རྣ་བའི་ཁམས་དེ་སེམས་ཅན་གྱི་ཁམས་དང་། སྲོག་གི་ཁམས་དང་། གང་ཟག་གི་ཁམས་རྣམ་པར་དག་པ་ཡིན། དེ་དག་གི་རྣ་བའི་ཁམས་དེ་སྒྲ་དང་། ཡི་གེ་དང་།
D175.060.0139a03.01ངེས་པའི་ཚིག་ཇི་ལྟ་བ་བཞིན་དུ་ཐོས་པས་ཤིན་ཏུ་བརྟགས་པ་ཡིན། འགྲོ་བ་ལྔར་སྐྱེས་པའི་སེམས་ཅན་ཐམས་ཅད་གང་དག་སྒྲ་དང་། ཡི་གེ་དང་། ངེས་པའི་ཚིག་སྣ་ཚོགས་སྨྲ་བ་དེ་དག་ལ་སྐད་ཇི་ལྟ་བ་བཞིན་དུ་འཇུག་པས་ཆོས་སྟོན་ཏོ། །དེ་དག་གི་ལྷའི་རྣ་བའི་ཁམས་དེ་ཐེག་པ་
D175.060.0139a04.01གཞན་མི་ཉན་པའི་ཕྱིར། དེ་བཞིན་གཤེགས་པའི་ལྷའི་སྙན་དུ་ཡོངས་སུ་བསྔོས་པ་ཡིན་ཏེ། འདི་ནི་བྱང་ཆུབ་སེམས་དཔའ་རྣམས་ཀྱི་ལྷའི་རྣ་བའི་མངོན་པར་ཤེས་པ་མི་ཟད་པ་ཞེས་བྱའོ། །དེ་ལ་བྱང་ཆུབ་སེམས་དཔའ་རྣམས་ཀྱི་ཕ་རོལ་གྱི་སེམས་ཤེས་པའི་མངོན་པར་ཤེས་པ་མི་ཟད་པ་
D175.060.0139a05.01གང་ཞེ་ན། ཕ་རོལ་གྱི་སེམས་ཤེས་པ་ཞེས་བྱ་བ་ནི་གང་སེམས་ཅན་ཐམས་ཅད་ཀྱི་སྔོན་གྱི་མཐའི་སེམས་ཤེས་པ་དང་། ཕྱི་མའི་མཐའི་སེམས་ཤེས་པ་དང་། ད་ལྟར་བྱུང་བའི་སེམས་ཤེས་པའོ། །དེ་འདས་པའི་སེམས་ཤེས་པས་སེམས་ཅན་རྣམས་ཀྱི་སྔོན་གྱི་མཐས་བྱུང་བའི་སེམས་
D175.060.0139a06.01ལ་འཇུག་སྟེ། སེམས་ཅན་འདིའི་སེམས་འདི་ནི་རྒྱུ་ཆེའོ། །སེམས་ཅན་འདིའི་སེམས་འདི་ནི་རྒྱུ་འབྲིང་ངོ་། །སེམས་ཅན་འདིའི་སེམས་འདི་ནི་རྒྱུ་ཆུང་ངོ་། །སེམས་ཅན་འདིའི་དབང་པོ་རྣམས་ནི་སྦྱིན་པའི་རྣམ་པའི་རྒྱུ་དང་ལྡན་ནོ། །སེམས་ཅན་འདིའི་དབང་པོ་རྣམས་ནི་ཚུལ་ཁྲིམས་
D175.060.0139a07.01