完整藏文原文 · 德格版页 当前仅加载第 60 函德格 126b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་རྣམས་མི་སྐྱེ་མི་འབྱུང་བར་རྟོག་ཅིང་། བྱང་ཆུབ་ཏུ་བསྔོ་བའི་བརྩོན་འགྲུས་མི་འདོར་བ་དང་། ད་ལྟར་བྱུང་བའི་དུས་ན་ཆོས་རྣམས་འདུག་པ་མེད་ཅིང་མི་གནས་པར་རྟོག་སྟེ། བྱང་ཆུབ་སེམས་དཔའ་ལྷག་པའི་བསམ་པ་རབ་ཏུ་བརྟན་པ་ནི་བྱང་ཆུབ་ཀྱི་སེམས་ཀྱང་མི་བརྗེད་དེ། འདི་
D175.060.0126b01.01ནི་བྱང་ཆུབ་སེམས་དཔའི་དུས་གསུམ་ལ་མཁས་པ་ཞེས་བྱའོ། །གཞན་ཡང་གང་འདས་པ་དེ་ནི་ཟད་པའོ། །མ་འོངས་པ་དེ་ནི་མ་ཕྱིན་པའོ། །ད་ལྟར་བྱུང་བ་དེ་ནི་གནས་པ་མེད་པའོ། །གང་དེ་ལྟར་སེམས་དང་སེམས་ལས་བྱུང་བ་སྐྱེས་པ་དང་། ཞིག་པ་དང་། ཞུམ་པ་རྣམས་
D175.060.0126b02.01ལ་རྟོག་ཅིང་བྱང་ཆུབ་སྒྲུབ་པའི་དགེ་བའི་རྩ་བ་རྣམས་ཀྱང་ཡང་དག་པར་སྒྲུབ་པ་འདི་ནི། བྱང་ཆུབ་སེམས་དཔའི་དུས་གསུམ་ལ་མཁས་པ་ཞེས་བྱའོ། །གཞན་ཡང་གང་མངོན་པར་ཤེས་པ་ལ་མཁས་པས་འདས་པའི་དུས་རྗེས་སུ་དྲན་ཏེ། སྔོན་དགེ་བའི་རྩ་བ་བསྐྱེད་པ་རྣམས་རྗེས་སུ་
D175.060.0126b03.01དྲན་ནས་བྱང་ཆུབ་ཏུ་ཡོངས་སུ་སྔོ་བ་དང་། གང་མ་འོངས་པའི་དུས་ན་དགེ་བའི་སེམས་བསྐྱེད་པ་རྣམས་རབ་ཏུ་ཤེས་པ་དང་། དེ་ལ་སྨོན་པ་ཡོངས་སུ་རྫོགས་པར་བྱེད་པ་དང་། གང་ད་ལྟར་བྱུང་བའི་དུས་ན་དགེ་བའི་རྩ་བ་སྐྱེས་ཤིང་བྱུང་བ་རྣམས་ཡིད་ལ་བྱེད་ཅིང་གནས་པར་བྱེད་དེ། བྱང་
D175.060.0126b04.01ཆུབ་ཏུ་ཡོངས་སུ་སྔོ་བ་འདི་ནི་དུས་གསུམ་ལ་མཁས་པ་ཞེས་བྱའོ། །གཞན་ཡང་གང་སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་ཕྱིར་འདས་པའི་བསོད་ནམས་ཀྱི་ཚོགས་དྲན་ནས་སེམས་ཅན་གང་དག་ཇི་ལྟར་སྨིན་པར་བྱ་བ་དེ་དག་ཐམས་ཅད་དེ་བཞིན་དུ་ཡོངས་སུ་སྨིན་པར་བྱེད་དེ།
D175.060.0126b05.01གང་མ་འོངས་པའི་དུས་ཀྱི་སངས་རྒྱས་མཉེས་པར་བྱ་བས་སེམས་ཅན་ཡོངས་སུ་སྨིན་པར་བྱ་བ་དེ་དག་ཐམས་ཅད་དེ་བཞིན་དུ་ཡོངས་སུ་སྨིན་པར་བྱེད་པ་དང་། ད་ལྟར་བྱུང་བའི་སེམས་ཅན་གང་དག་ཆོས་བསྟན་པའམ། རྫུ་འཕྲུལ་གྱི་ཆོ་འཕྲུལ་གྱིས་ཡོངས་སུ་སྨིན་པར་བྱ་བ་དེ་དག་
D175.060.0126b06.01ཐམས་ཅད་ཀྱང་དེ་བཞིན་དུ་ཡོངས་སུ་སྨིན་པར་བྱེད་དེ། གང་དུས་གསུམ་འདི་དག་ལ་བདག་གི་དོན་དང་། གཞན་གྱི་དོན་དང་། བྱང་ཆུབ་ཀྱི་དོན་དེ་དག་མ་ཆགས་པས་ཡོངས་སུ་རྫོགས་པར་བྱེད་པ་འདི་ནི། བྱང་ཆུབ་སེམས་དཔའི་དུས་གསུམ་ལ་མཁས་པ་ཞེས་བྱའོ། །དེ་
D175.060.0126b07.01