完整藏文原文 · 德格版页 当前仅加载第 60 函德格 132b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་བུ་གཅིག་པ་ལ་སྙིང་ཐག་པ་ནས་སྡུག་པར་འཛིན་པ་དེ་བཞིན་དུ་སྙིང་རྗེ་ཆེན་པོ་ལ་རབ་ཏུ་གནས་པའི་བྱང་ཆུབ་སེམས་དཔའ་སེམས་ཅན་ཐམས་ཅད་ལ་སྙིང་ཐག་པ་ནས་སྡུག་པར་འཛིན་པ་ཡིན་ནོ། །བཙུན་པ་ཤ་ར་དྭ་ཏིའི་བུ། སྙིང་རྗེ་ཆེན་པོ་ཞེས་བྱ་བ་ནི། འདི་བདག་ཉིད་ཀྱིས་བྱ་
D175.060.0132b01.01བས་ན། དེའི་ཕྱིར་སྙིང་རྗེ་ཆེན་པོ་ཞེས་བྱའོ། །རང་གི་བྱ་བས་ན་སྙིང་རྗེ་ཆེན་པོའོ། །གཞན་གྱི་སྐབས་མི་རྙེད་པས་ན་སྙིང་རྗེ་ཆེན་པོའོ། །གཡོ་མེད་པ་ལས་བྱུང་བས་ན། སྙིང་རྗེ་ཆེན་པོ་ནི་བསམ་པ་ཐག་པ་ནས་བྱ་བའོ། །སྒྱུ་མེད་པ་ལས་བྱུང་བས་ན་སྙིང་རྗེ་ཆེན་པོ་ནི་སྦྱོར་བའོ། །
D175.060.0132b02.01ཕྱིར་མི་ལྡོག་པ་ལས་བྱུང་བས་ན། སྙིང་རྗེ་ཆེན་པོ་ནི་ལྷག་པའི་བསམ་པས་བྱ་བའོ། །མ་བཅོས་པ་ལས་བྱུང་བས་ན། སྙིང་རྗེ་ཆེན་པོའི་རང་བཞིན་རིག་པའོ། །ལམ་དྲང་པོ་ནས་བྱུང་བས་ན། སྙིང་རྗེ་ཆེན་པོ་ནི་རང་བཞིན་གྱིས་ཡོངས་སུ་དག་པའོ། །གསལ་བ་ལས་བྱུང་བས་ན།
D175.060.0132b03.01སྙིང་རྗེ་ཆེན་པོ་ནི་སེམས་གྱ་གྱུ་མེད་པའོ། །སེམས་ཅན་ཐམས་ཅད་ལ་འདུད་པ་ལས་བྱུང་བས་ན། སྙིང་རྗེ་ཆེན་པོ་ནི་ང་རྒྱལ་མེད་པའོ། །སེམས་ཅན་ཚད་མེད་པའི་ཕྱིར་སྙིང་རྗེ་ཆེན་པོ་ནི་ཚད་མེད་པ་འབྱུང་བའོ། །དེ་བཞིན་གཤེགས་པའི་སྐུ་འཐོབ་པ་ལས་བྱུང་བས་ན། སྙིང་རྗེ་
D175.060.0132b04.01ཆེན་པོ་ནི་བདག་གི་ལུས་ལ་མི་ལྟ་བའོ། །སྡིག་པ་ཐམས་ཅད་མི་བྱ་བ་ལས་བྱུང་བས་ན། སྙིང་རྗེ་ཆེན་པོ་ནི་སྲོག་ལ་ཡིད་མི་རྟོན་པའོ། །བྱང་ཆུབ་ཀྱི་སེམས་ལས་བྱུང་བས་ན། སྙིང་རྗེ་ཆེན་པོ་ནི་ཕ་རོལ་སྲུང་བའོ། །རང་གི་སེམས་ཡོངས་སུ་དག་པ་ལས་བྱུང་བས་ན། སྙིང་
D175.060.0132b05.01རྗེ་ཆེན་པོ་ནི་སེམས་ཅན་སྲུང་བའོ། །སེམས་ཅན་ཐམས་ཅད་ཀྱི་སྡུག་བསྔལ་སེལ་བ་ལས་བྱུང་བས་ན། སྙིང་རྗེ་ཆེན་པོ་ནི་དབུལ་པོ་དང་། སྡུག་བསྔལ་བ་དང་། མགོན་མེད་པ་ལ་ལྟ་བའོ། །བློ་མི་འགྱུར་བ་ལས་བྱུང་བས་ན། སྙིང་རྗེ་ཆེན་པོ་ནི་དམ་བཅས་པ་ལ་བརྟེན་པའོ། །
D175.060.0132b06.01བདག་དང་། སངས་རྒྱས་དང་། ལྷ་རྣམས་མི་སླུ་བ་ལས་བྱུང་བས་ན། སྙིང་རྗེ་ཆེན་པོ་ནི་བདེན་པ་ལ་ལྟ་བའོ། །ལེགས་པར་བྱས་པའི་ལས་ལས་བྱུང་བས་ན། སྙིང་རྗེ་ཆེན་པོ་ནི་སྤྱོད་པ་དག་པའོ། །ཕ་རོལ་ལ་བདེ་བ་རབ་ཏུ་སྦྱིན་པ་ལས་བྱུང་བས་ན། སྙིང་རྗེ་ཆེན་པོ་ནི་བདག་
D175.060.0132b07.01