完整藏文原文 · 德格版页 当前仅加载第 64 函德格 266b 版页；藏文 NFD、目录标记与异常页序保留在来源切片中，重复版页行以稳定序号区分。
དེའི་མིང་ནི་སླུ་བའི་སེམས་ཏེ་ལྷ་མ་ཡིན་ཁོང་དུ་ཞུགས་པའོ། །བར་བར་ནི་ལྷའི་བདུད་ཀྱིས་བསླུས་ཏེ། སེམས་ཀྱི་ཁོང་དུ་ཞུགས་ནས་ཐོགས་པ་མེད་པར་ཆོས་ཟབ་མོའི་དོན་འཆད་མཁས་ཏེ་དེ་ནི་འཕགས་པར་གྱུར་པ་ནི་མ་ཡིན་ནོ། །དེ་ལ་འཕགས་པའོ་སྙམ་དུ་མ་བསམས་ན་བདུད་
D236.064.0266b01.01ཀྱི་ལས་དེ་ཞི་ཞིང་མེད་པར་འགྱུར་རོ། །དེ་ལ་འཕགས་པའོ་སྙམ་དུ་བསམས་ན་ལོག་པའི་ཁམས་སུ་ལྟུང་ངོ་། །དགའ་བོ་དེ་རྣམས་བཅུ་ནི་ཏིང་ངེ་འཛིན་གྱི་སྔ་ལྟས་ཡིན་ཏེ། འདི་ཀུན་ནི་གཟུགས་ཀྱི་ཕུང་པོ་ཡིན་ནོ། །དེ་དག་ནི་བསྒོམ་པ་ནོར་བ་ལས་དེའི་ཕྱིར་འདི་འདྲ་བར་གྱུར་ཏེ།
D236.064.0266b02.01ཕོ་ཐེག་ཅན་གྱི་སྐྱེ་བོར་བསླད་པས་རང་གི་དྲོད་མ་ཟིན་ཏེ། རྒྱུ་རྐྱེན་དེ་ལྟ་བུ་དང་ཕྲད་ནས་འཁྲུལ་བར་རང་གིས་མ་ཤེས་ཏེ། བདག་འཕགས་པའོ་སྙམ་དུ་སེམས་པ་ནི་{བརྫུན་,རྫུན་}ཆེན་པོར་འགྱུར་ཏེ། སེམས་ཅན་དམྱལ་བ་ཆེན་པོར་ལྟུང་བར་འགྱུར་རོ། །ཁྱེད་ལ་སོགས་པ་དེ་ལྟ་བུ་ལ་རྟེན་
D236.064.0266b03.01པར་གྱིས་ཤིག །དེ་བཞིན་གཤེགས་པ་འདས་པའི་ཕྱིན་མ་འོངས་པའི་དུས་ལྔ་བརྒྱའི་ཐ་མ་ལ། དོན་དེ་དག་ཤོད་ཅིག །སྟོན་ཅིག །ལྷའི་བུས་བདུད་ཀྱི་སྐབས་མ་རྙེད་པར་གཟུགས་སུ་བཟུང་སྟེ། ཆོངས་ལ་མན་ངག་བཞག་ཅིང་སྐྱབས་དང་བསྲུང་བ་བྱས་ན་བླ་ན་མེད་པའི་དོན་གྲུབ་
D236.064.0266b04.01བོ། །དགའ་བོ་རིགས་ཀྱི་བུ་དག་ཏིང་ངེ་འཛིན་དང་། ཞི་གནས་ལ་སྙོམས་པར་ཞུགས་ཏེ། གཟུགས་ཀྱི་ཕུང་པོ་ཟད་ན་སངས་རྒྱས་ཐམས་ཅད་ཀྱི་སེམས་མཐོང་སྟེ། དཔེར་ན་མེ་ལོང་དག་པའི་ནང་ན་གཟུགས་སྣང་བ་བཞིན་ཏེ། སྤྱད་དུ་ནུས་པར་ཐོབ་པའོ། །ལོག་པའི་སླད་
D236.064.0266b05.01མས་སེམས་ལ་ཕོག་ན་གཡོ་བར་མི་ནུས་ཏེ་{ཡི་དགས་,ཡི་དྭགས་}ཀྱིས་ནོན་པ་ལྟར་རྐང་ལག་དང་སྔ་མ་ཁོ་བཞིན་ཞིང་སངས་རྒྱས་མཐོང་བ་དང་ཐོས་པ་མ་འཁྲུལ་ཏོ། །དེའི་མིང་ནི་ཚོར་བའི་ཕུང་པོས་བསྒྲིབས་པའོ། །དེ་སྟེ་ནོན་པ་ལས་སངས་ནས་སེམས་ལུས་དང་བྲལ་ཏེ་སླར་འདོད་ལ་རྟོག་ན་འགྲོ་
D236.064.0266b06.01བ་དང་འདུག་པ་ལ་རང་དབང་དུ་གྱུར་ཏེ་སྒྲིབ་པ་མེད་དོ། །དེའི་མིང་ནི་ཚོར་བའི་ཕུང་པོ་ཟད་དེ། མི་དེ་ནི་ལྟ་བའི་སྙིགས་མ་ལས་འདས་སོ། །དོན་དེ་ལ་བརྟགས་ན་ཡང་དག་པ་མ་ཡིན་པའི་འདུ་ཤེས་ཀྱི་རྩ་བ་གསོག་གི་ཕྱིར་རོ། །དགའ་བོ་རིགས་ཀྱི་བུ་དག་དེ་དག་དེ་ལ་གནས་ཏེ།
D236.064.0266b07.01