完整藏文原文 · 德格版页 当前仅加载第 64 函德格 278a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་ལ་འགྱུར་བ་མེད་དེ། ལུས་དེ་ཡང་སྐྱེ་ཡང་འཆི་སྟེ། མི་ཞིག་པས་ངའི་རང་བཞིན་རྟག་པ་ཡིན་ནོ། །སྐྱེ་ཤི་ཐམས་ཅད་ནི་ང་ལས་བྱུང་ཞིང་རྒྱུ་སྟེ། རང་བཞིན་རྟག་པ་སྙམ་མོ། །དེ་ལ་བཞིན་པ་ནི་འདུ་ཤེས་ཀྱི་ཕུང་པོ་ནི་ཟད་པར་ཤེས། འདུ་བྱེད་ཀྱི་ཕུང་པོ་ནི་
D236.064.0278a01.01རྒྱུ་བར་མཐོང་སྟེ། འདུ་བྱེད་ཀྱི་ཕུང་པོ་ནི་རྟག་པར་རྒྱུ་སྟེ། རྟག་པར་གནས་པའི་རང་བཞིན་ཡིན་ནོ། །གཟུགས་དང་ཚོར་བ་དང་། འདུ་ཤེས་ལ་སོགས་པ་ནི་བཀག་ཅིང་ཟད་དེ། དེ་ནི་མི་རྟག་པ་ཡིན་ནོ་སྙམ་དུ་རྟོག་སྟེ། རྣམ་པ་ཁ་ཅིག་ནི་མི་རྟག་པ་སྙམ་དུ་སེམས་པ་
D236.064.0278a02.01དེ་ནི་མུ་སྟེགས་ཅན་གྱི་ནང་དུ་ལྷུང་ནས་བྱང་ཆུབ་ཀྱི་ངོ་བོ་ཉིད་ནོར་ཏོ། །དེའི་མིང་ནི་རྟག་པར་ལྟ་བའི་མུ་སྟེགས་ཅན་གསུམ་པའོ། །ཡང་རིགས་ཀྱི་བུ་དག་ཏིང་ངེ་འཛིན་ལས་ཡང་དག་པ་ཉིད་ལ་རྩེ་གཅིག་ཏུ་བར་ཆད་མེད་ན་བདུད་རྣམས་སེམས་ཐག་ཆད་དོ། །རང་གིས་སའི་ནང་
D236.064.0278a03.01ནས་རྟོག་ཅིང་དམིགས་པ་སྐྱེས་ནས་མི་དེ་མཐའ་བཞིར་ལྷུང་ངོ་། །དེ་ལས་དང་པོ་ནི་མི་དེས་སྐྱེ་བའི་རྩ་བ་ལ་སེམས་ཆགས་ནས། རྒྱུ་བའི་སྤྱོད་པ་མ་ཆད་དེ། འདས་པ་དང་མ་འོངས་པའི་ནི་མཐའ་ཡིན་ཏེ། རྒྱུན་མི་འཆད་པ་ནི་མཐའ་དང་བྲལ་བར་སེམས་སོ། །གཉིས་པ་ནི་མི་
D236.064.0278a04.01དེས་བསྐལ་པ་བརྒྱད་ཁྲིའི་བར་དུ་བརྟགས་ན་དེ་ཕན་ཆད་ནི་སེམས་ཅན་དག་གིས་མཐོང་བ་དང་། ཐོས་པ་དང་། ཤེས་པའི་གནས་མེད་དེ། དེ་ནི་མཐའ་དང་བྲལ་བ་ཡིན་ནོ། །སེམས་ཅན་ཡོད་པའི་གནས་ནི་མཐའ་ཡོད་པ་སྙམ་དུ་སེམས་སོ། །གསུམ་པ་ནི་མི་དེས་
D236.064.0278a05.01ང་ནི་ཁྱབ་པོ་བར་ཤེས་ཏེ། མཐའ་དེ་བྲལ་བའི་རང་བཞིན་ཐོས་ནས་སེམས་ཅན་ཐམས་ཅད་ནི་ངའི་ནང་ནས་སྣང་ངོ་། །སེམས་ཅན་དག་གི་ཤེས་པའི་རང་བཞིན་ནི་ངས་ཀྱང་མི་ཤེས་སོ་ཞེས་དེའི་ཕྱིར་མཐའ་དང་བྲལ་བའི་སེམས་མ་ཐོབ་ནས་མཐའ་ལ་གནས་པའི་སེམས་ཀྱང་ཡོད་
D236.064.0278a06.01པ་སྙམ་མོ། །བཞི་པ་ནི་འདུ་བྱེད་ཀྱི་སྟོང་པ་ཉིད་རྗེས་བཅད་ན་སེམས་ཅན་ཐམས་ཅད་ལུས་གཅིག་གི་ནང་ནས་ཕྱེད་ནི་སྐྱེ། ཕྱེད་ནི་འཆིའོ་སྙམ་སྟེ། འཇིག་རྟེན་གྱི་ནང་ན་ཕྱེད་ནི་མཐའ་ཡོད། ཕྱེད་ནི་མཐའ་དེ་དང་བྲལ་བར་རྟོག་པའི་ཕྱིར་མུ་སྟེགས་ཅན་མཐའ་ཡོད་པ་དང་།
D236.064.0278a07.01