完整藏文原文 · 德格版页 当前仅加载第 64 函德格 286a 版页；藏文 NFD、目录标记与异常页序保留在来源切片中，重复版页行以稳定序号区分。
དབེན་པར་གདའ་ཡང་དག་ན་ནི། མི་བདེན་པའི་བག་ཆགས་མེད་པར་རིགས་སོ། །ཅིའི་རྒྱུས་ཁྱེད་ཅག་སྔོན་གྱི་དུས་ན་ངོ་མཚར་དག་ཅི་མཐོང་བ་ལོ་གྲངས་ཡུན་རིང་བའི་ཕྱིར་དྲན་པ་ཀུན་མེད་དེ་བརྗེད་ནས་ཅང་མི་དྲན་པ་ལས། ཕྱིས་ནི་སྔ་མ་མཐོང་བ་དང་གློ་བུར་དུ་
D236.064.0286a01.01དྲན་ཏེ་དེ་བཞིན་ཡོད་དེ་མ་སྟོར་ཏོ། །དེ་ནི་དང་བ་མངོན་དུ་ཏིང་ངེར་མི་གཡོ་བའི་ནང་ནས་ཡུད་ཙམ་གྱིས་བསྐོས་པའི་གྲངས་ནི་རེ་རེ་ལྟ་ཞིག་ཡོད། དགའ་བོ་ཤེས་པར་གྱིས་ཤིག །འདི་ཏིང་ངེར་མི་གཡོ་བ་ནི་ཆུ་བཟང་པོ་འབབ་པ་དང་མི་མཚུངས་སོ། །བལྟས་ན་ཏིང་ངེར་མི་
D236.064.0286a02.01གཡོ་བ་འདྲ་ཡང་མྱུར་བར་རྒྱུ་བར་མི་མཐོང་སྟེ། མི་རྒྱུ་བ་མ་ཡིན་ནོ། །དེ་སྟེ་འདུ་ཤེས་ཀྱི་གཞི་མངོན་བག་ཆགས་ཀྱི་མཚན་མ་གང་ཞིག་གིས་ལེན། ཁྱེད་ཀྱི་སྐྱེ་མཆེད་ནི་འཁྲུལ་པ་ལ་སྤྱོད་དེ། སྦྱོར་བ་དང་ཕྱེ་བ་འདི་ཡང་དག་པ་མ་ཡིན་པའི་འདུ་ཤེས་མ་ཡིན་པས་འགོག་པ་
D236.064.0286a03.01ཐོབ་པའི་དུས་མེད་དོ། །དེ་བས་ན་ཁྱེད་མཐོང་བ་དང་། ཐོས་པ་དང་ཚོར་བ་དང་ཤེས་པ་མངོན་སུམ་དུ་འདུག་པའི་ནང་ནས་མི་མངོན་མི་མཐོང་གཡོ་བ་ན་གོམས་པའི་བག་ཆགས་སོ། །དེའི་མིང་ནི་བག་ཆགས་ཀྱི་གཞི་ཕྱིན་ཅི་ལོག་དང་བའི་ཕྲ་བའི་ཡང་ཕྲ་བ། ཡང་དག་པ་
D236.064.0286a04.01མ་ཡིན་པའི་འདུ་ཤེས་ཀྱི་ཕྱིན་ཅི་ལོག་ལྔ་པའོ། །དགའ་བོ་ཕུང་པོ་ལྔ་པོ་འདི་ནི་ཡང་དག་པ་མ་ཡིན་པ་ལྔ་ལས་གྲུབ་པ་སྟེ། ཁྱོད་ད་ཤེས་པར་འདོད་ན་རྒྱུ་བའི་མཚམས་ནི་ཡང་བ་དང་ཟབ་པ་དང་སྟོང་པ་དང་གཟུགས་ཀྱི་མཐའ་ཡིན་ནོ། །རེག་པ་དང་བྲལ་བ་ནི་ཚོར་བའི་མཐའ་ཡིན་ནོ། །
D236.064.0286a05.01དྲན་པ་དང་བརྗེད་པ་ནི་འདུ་ཤེས་ཀྱི་མཐའ་ཡིན་ནོ། །སྐྱེ་བ་དང་འགོག་པ་ནི་འདུ་བྱེད་ཀྱི་མཐའ་ཡིན་ནོ། །སང་ངེ་སང་ངེར་འཇུག་པར་སྦྱོར་བ་ནི་རྣམ་པར་ཤེས་པའི་མཐའ་ཡིན་ནོ། །ཕུང་པོ་དེ་ལྔའི་ཚད་མེད་པ་སྐྱེ་སྐྱེ་བར། སྐྱེ་སྐྱེ་བའི་རྒྱུའི་ཕྱིར་རྣམ་པར་ཤེས་པ་ཡོད་དོ། །གཟུགས་
D236.064.0286a06.01ཀྱི་ཕྱིར་འགོག་པའོ། །དོན་རིག་ན་ཅིག་ཅར་སེལ་ཏེ་བག་ཆགས་ནི་ཅིག་ཅར་མི་འདག་སྟེ། རིམ་གྱིས་ཟད་དོ་ངས་ཁྱོད་ལ་ལག་ཕྱིས་མདུད་པར་བསྟན་ན། མ་རིག་ན་ཅིའི་ཕྱིར་ང་ལ་སླར་འདྲི། ཁྱེད་ནི་མ་རིག་པའི་སེམས་ཀྱི་རྩ་བའི་གཞི་དེ་ལས་བྲལ་ཏེ་ཐར་བར་འགྱུར་རོ། །
D236.064.0286a07.01