完整藏文原文 · 德格版页 当前仅加载第 64 函德格 273b 版页；藏文 NFD、目录标记与异常页序保留在来源切片中，重复版页行以稳定序号区分。
ཚོགས་གཞན་ཡང་མི་དག་ལ་སྦྱིན་པར་བྱེད་ཅིང་སླར་ཡང་ཁོང་དུ་ཞུགས་སོ། །བར་བར་ནི་མི་དག་སའི་འོག་ཏུ་ཁྲིད་དེ་ནོར་བུ་རིན་པོ་ཆེ་བསྟན་ནས་རིན་པོ་ཆེ་ཟླ་འོད་འབར་བ་སྣང་སྟེ། ཆོས་ཉན་པ་རྣམས་ཀྱང་ཡོད་མ་མྱོང་བ་ཐོབ་བོ་ཞེས་ཟེར་རོ། །སྨན་དང་རྩྭ་སྣ་ཚོགས་མང་དུ་
D236.064.0273b01.01ཟ་སྟེ། ཁ་ཟས་བཟང་པོ་ནི་མི་ཟའོ། །བར་བར་ནི་ནས་འབྲུམ་བུ་གཅིག་དང་། གསོ་མ་འབྲུམ་བུ་གཅིག་ཟོས་ཀྱང་བདུད་ཀྱི་སྟོབས་ཀྱི་ཕྱིར་ལུས་ཚོན་པོར་གྱུར་ཏོ། །དགེ་སློང་ལ་སྐུར་པ་འདེབས། དགེ་འདུན་ལ་ཁ་ངན་ཟེར་ཡང་གཞན་དག་གིས་དཔྱས་སུ་བྱ་བར་
D236.064.0273b02.01མི་དོགས་སོ། །ཡུལ་ཁམས་གཞན་གྱི་རིན་པོ་ཆེའི་འབྱུང་གནས་དང་། ཕྱོགས་བཅུའི་འཕགས་པ་རྣམས་ལུས་སྦས་པ་ཡང་སྟོན་ཅིང་སྨྲའོ། །བར་བར་ནི་འགྲོགས་པའི་མིས་ཀྱང་ངོ་མཚར་ཆེ་བའི་མི་དག་མཐོང་སྟེ། དེའི་མིང་ནི་རིའི་ཤིང་ཁྲོད་དང་ས་དང་
D236.064.0273b03.01ཡུལ་དང་མཁར་དང་། བཙོན་རའི་{ཡི་དགས་,ཡི་དྭགས་}རྣམས་རྒས་ཏེ་བདུད་དུ་གྱུར་པའོ། །བར་བར་ནི་གཡེམ་པ་སྤྱོད་ཅིང་སངས་རྒྱས་ཀྱི་ཚུལ་ཁྲིམས་དང་འདུལ་བ་བཤིག །མི་དག་ཀྱང་གཡེམ་པ་སྤྱོད་དུ་བཙུད་དོ། །བརྩོན་འགྲུས་བསྐྱེད་དེ་རྩྭ་དང་ཤིང་ཟ་ཞིང་གཅིག་
D236.064.0273b04.01ཏུ་མ་འཆད་པའི་ལས་དག་ཀྱང་བྱེད་དོ། །མི་དེ་ལ་གནོད་པར་བྱེད་དོ། །དེ་ནས་མི་དེ་ལ་སྐྱོ་བ་དང་། ཆོག་པའི་སེམས་སྐྱེས་ནས་ལུས་ལས་བྲལ་བ་དང་། མཁན་པོ་དང་སློབ་མར་བཅས་ཏེ་རྒྱལ་པོའི་ཆད་པ་ལ་ཐོགས་སོ། །ཁྱོད་འཁོར་བ་ལ་མ་འཇུག་པར་
D236.064.0273b05.01སྔར་ཚོར་བར་གྱིས་ཤིག །འཁྲུལ་ཅིང་བསླུས་པར་མི་ཤེས་ན་མཚམས་མེད་པའི་སེམས་ཅན་དམྱལ་བར་ལྟུང་ངོ་། །ཡང་རིགས་ཀྱི་བུ་དག་ཚོར་བའི་ཕུང་པོ་ནི་སྟོང་ཞིང་ཟབ་པར་ལོག་པའི་ཁྲིན་ལ་མ་ཐོགས་པར་བག་བྱེད་པས། ཏིང་ངེ་འཛིན་གསལ་བ་རྒྱས་པ་བྱུང་བ་
D236.064.0273b06.01ལས་རྫུ་འཕྲུལ་སྣ་ཚོགས་བྱེད་པ་ལ་ཡང་སེམས་སྲེད་དེ། ཡུན་རིང་དུ་སྦྱངས་ན་མཐུ་སྟོབས་འཐོབ་པར་འདོད་དོ། །དེའི་ཚེ་ལྷའི་བདུད་ཀྱིས་གླགས་རྙེད་དེ། ནམ་མཁའི་ལྷ་རྫུ་བས་མི་དེ་ལ་ཞུགས་ནས། ངག་གིས་མདོ་སྡེ་དང་། ཆོས་བཤད་པ་དང་། མི་དེས་
D236.064.0273b07.01